Síminn — M&A Activity 2017

Jun 21, 2017

Síminn hf.: Síminn og On-Waves sameinast

Síminn hf.: Síminn og On-Waves sameinast

Stjórnir Símans hf. og On-Waves ehf. hafa samþykkt að sameina félögin undir nafni og kennitölu Símans hf. á grundvelli XIV. kafla laga nr. 138/1994, um einkahlutafélög og laga nr. 2/1995, um hlutafélög. Samþykktir Símans hf. gilda óbreyttar um hið sameinaða félag og telst Síminn hf. vera yfirtökufélag.

Samruninn miðast við 1. janúar 2017 og tekur hið sameinaða félag við öllum rekstri, eignum, skuldum, réttindum og skyldum hins yfirtekna félags frá þeim tíma.

Samruninn felur í sér að eigendur hins yfirtekna félags láta af hendi allt hlutafé þess. Hið yfirtekna félag er að 9/10 hlutum í eigu Símans hf. Síminn hf. fær því ekkert endurgjald fyrir hlutafé sitt. 10% heildarhlutafjár hins yfirtekna félags er í eigu annars aðila sem fær sem endurgjald hlutafé í Símanum hf. að nafnverði kr. 8.650.000. Hlutafé yfirtökufélagsins breytist því ekki vegna samrunans, en Síminn hf. afhendir eigin hluti sem endurgjald til minnihluthafans.

Við ákvörðun á skiptihlutfalli hlutafjár er annars vegar litið til markaðsverðs hlutafjár Símans hf. þann 16. júní 2017 og áætlaðs virðis hins yfirtekna félags.

Það er mat stjórna félaganna að með samruna félaganna aukist hagkvæmni í rekstri og reksturinn nái þannig betri ávöxtun eigin fjár.

Nánari upplýsingar veita:

Orri Hauksson, forstjóri Símans hf., s. 550-6003 (orri@siminn.is)

Óskar Hauksson, fjármálastjóri Símans hf., s. 550-6003 (oskarh@siminn.is)