Síminn — AGM Information 2016

Mar 10, 2016

Síminn

FUNDARGERÐ

Aðalfundar Símans hf. fimmtudaginn 10. mars 2016, kl. 10:00

Haldinn að Nauthóli Reykjavík

Dagskrá

1. Skýrsla stjórnar um starfsemi félagsins síðastliðið starfsár
2. Staðfesting ársreiknings og tekin ákvörðun um hvernig fara skuli með hagnað eða tap félagsins á reikningsárinu
3. Ákvörðun um greiðslu arðs
4. Kosning stjórnar félagsins
5. Kosning löggilts endurskoðanda eða endurskoðunarstofu
6. Ákvörðun um þóknun til stjórnarmanna félagsins fyrir störf þeirra
7. Tillaga stjórnar um starfskjarastefnu félagsins
8. Tillaga um að heimila félaginu kaup á eigin hlutabréfum skv. 55. gr. hlutafélagalaga og framkvæmd endurkaupaáætlunar
9. Önnur mál

Stjórnarformaður, Sigríður Hrólfsdóttir, setti aðalfund félagsins og bauð fundarmenn velkomna. Tillaga hennar um að Pétur Guðmundarson, yrði skipaður fundarstjóri var samþykkt. Fól stjórnarformaður skipuðum fundarstjóra stjórn fundarins. Fundarstjóri bar upp tillögu um að Óskar Hauksson, yrði kjörin fundarritari, sem var samþykkt.

Fundarstjóri fór yfir boðun fundarins. Til fundarins var boðað með Kauphallartilkynningu þann 18. febrúar s.l. auk auglýsinga í Fréttablaðinu og Morgunblaðinu þann 19. febrúar með tilvísun í Kauphallartilkynninguna. Boðun er innan tilsettra tímafresta skv. samþykktum félagsins. Fundurstjóri úrskurðaði í kjölfarið fundinn lögmætan til að afgreiða þau mál sem á dagskrá hans eru. Mætt var á fundinn fyrir 65,0418% af virku hlutafélag.

Gengið var til dagskrár.

1. Skýrsla stjórnar um starfsemi félagsins á liðnu starfsári

Formaður stjórnar, Sigríður Hrólfsdóttir, gerði grein fyrir starfi stjórnar á undangengnu starfsári félagsins.

2. Staðfesting ársreiknings og tekin ákvörðun um hvernig fara skuli með hagnað eða tap félagsins á reikningsárinu

Forstjóri Símans gerði grein fyrir ársreikningi félagsins.

Fundarstjóri gerði grein fyrir breytingum á hlutafjáreign skv. 84. grein Hlutafélagalaga.

Fundarstjóri bar upp tillögu um ársreikning félagsins:

---

Síminn

„Stjórn Símans hf. leggur til við aðalfund félagsins að ársreikningur fyrir árið 2015 verði staðfestur.“

Vísað er í ársreikningsins um ráðstöfun hagnaðar og aðrar breytingar á eiginfjárreikningum.

Tillaga stjórnar var samþykkt samhljóða.

3. Ákvörðun um greiðslu arðs

Fundarstjóri bar upp tillögu um hvernig skyldi farið með hagnað félagsins:

„Stjórn Símans hf. leggur til við aðalfund félagsins að greiddur verði út arður til hluthafa vegna ársins 2015 sem nemur kr. 0,06 á hlut. Þannig nemi heildararðgreiðsla kr. 575 milljónir sem felur í sér 20% af hagnaði ársins 2015.“

Tillaga stjórnar var samþykkt samhljóða.

Arðsréttindadagur verður 14. mars 2016, arðleysisdagur verður 11. mars og útborgunardagur 7. apríl 2016.

4. Kosning stjórnar félagsins

Eftirtaldir aðilar buðu sig fram til stjórnar:

Sigríður Hrólfsdóttir	kt. 160167-4169
Stefán Árni Auðólfsson	kt. 210772-4729
Heiðrún Jónsdóttir	kt. 090769-4649
Birgir S. Bjarnason	kt. 020762-6759
Bertrand B. Kan	kt. 230866-2799

Þar sem fleiri gáfu ekki kost á sér til setu í stjórn voru ofangreindir aðilar sjálfkjörnir og þar með réttkjörnir til setu í stjórn Símans hf. til næsta aðalfundar.

5. Kosning löggilts endurskoðanda eða endurskoðunarstofu

Fundarstjóri bar upp eftirfarandi tillögu:

„Stjórn Símans hf. leggur til við aðalfund félagsins að KPMG ehf. verði endurskoðunarferirtæki félagsins og að Alexander Eðvardsson og Árni Claessen muni annast endurskoðunina f.h. KPMG ehf.“

Aðrir gáfu ekki kost á sér og úrskurðaði fundarstjóri KPMG réttkjörna endurskoðendur til næsta aðalfundar.

---

Síminn

6. Ákvörðun um þóknun til stjórnarmanna félagsins fyrir störf þeirra

Fundarstjóri bar upp tillögu stjórnar:

„Laun stjórnarformanns verði 650.000 kr. á mánuði, þóknun varaformanns 487.500 kr. og laun annarra stjórnarmanna 325.000 kr. á mánuði.

Þóknun fyrir setu í undirnefndum skal vera sem hér segir:

Endurskoðunarnefnd:

Formaður 180.000 kr. á mánuði
Aðrir nefndarmenn 75.000 kr. á mánuði

Starfskjaranefnd:

Formaður 100.000 kr. á mánuði
Aðrir nefndarmenn 50.000 kr. á mánuði“

Tillaga stjórnar var samþykkt samhljóða.

7. Tillaga stjórnar um starfskjarastefnu félagsins

Tillaga stjórnar Símans hf. að starfskjarastefnu lá frammi á skrifstofu félagsins og var aðgengileg á vefsíðu þess.

Stjórn leggur til viðbót við núgildandi starfskjarastefnu sem er svohljóðandi:

„Stjórn félagsins skal vera heimilt að gera kaupréttaráætlun sem byggir á 10. gr. laga um tekjuskatt nr. 90/2003 og gera kaupréttarsamning við starfsmenn félagsins og dótturfélaga, að Mílu ehf. undanskilinni, um kaup á hlutafé í Símanum hf. enda hefur hluthafafundur félagsins samþykkt slíka áætlun og veitt heimild til að gefa út nýtt hlutafé til að uppfylla skyldur sem félagið kann að takast á hendur með gerð slíkra kaupréttarsamninga.“

Tillagan var borin upp og Starfskjarastefnan samþykkt samhljóða.

8. Tillaga um að heimila félaginu kaup á eigin hlutabréfum skv. 55. gr. Hlutafélagalaga og framkvæmd endurkaupaáætlunar

Fundarstjóri bar upp eftirfarandi tillögu:

Stjórn félagsins leggur til við aðalfund félagsins að eftirfarandi tillaga um kaup á eigin hlutum verði samþykkt og komi í stað núverandi heimildar stjórnar félagsins til að kaupa eigin hluti sem veitt var á aðalfundi félagsins þann 16. apríl 2015:

„Aðalfundur Símans hf. þann 10. mars 2016 heimilar stjórn félagsins að kaupa í eitt skipti eða oftar á næstu 18 mánuðum hlutabréf í félaginu þannig að það ásamt dótturfélögum þess eigi, að öðrum lagaskilyrðum uppfylltum, allt að 10% af hlutafé þess, þ.e. að hámarki kr. 965.000.000 að nafnverði, í þeim tilgangi að koma á viðskiptavakt með hluti í félaginu og/eða til að setja upp formlega endurkaupaáætlun. Endurgjald fyrir keypta hluti skal ekki vera á

---

Síminn

hærra verði en nemur verði síðustu óháðu viðskipta eða hæsta fyrirliggjandi óháða kauptilboði í þeim viðskiptakerfum þar sem viðskipti með hlutina fara fram, hvort sem er hærra. Slik kaup eru þó heimil ef þau eru gerð af viðskiptavaka skv. 116. gr. laga um verðbréfaviðskipti eða á grundvelli 1. tölul. 3. mgr. 115. gr. og 2. mgr. 119. gr. laga um verðbréfaviðskipti og reglugerða sem settar eru á grundvelli 118. og 131. gr. sömu laga. Heimild þessi byggir á ákvæðum 55. gr. laga nr. 2/1995."

Heimildarinnar verður getið í sérstökum viðauka við samþykktir félagsins og skal viðaukinn vera hluti af samþykktunum þann tíma sem heimildin er í gildi, sbr. grein 8.1 samþykkta félagsins.

Tillagan var samþykkt með öllum atkvæðum sem farið var með á fundinum.

Fundarstjóri bar upp eftirfarandi tillögu stjórnar:

„Með vísan til heimildar stjórnar Símans hf. til kaupa á hlutum í félaginu samkvæmt samþykkt aðalfundar 10. mars 2016 veitir aðalfundur Símans hf. 10. mars 2016 stjórn félagsins heimild til að kaupa hluti í félaginu með framkvæmd endurkaupaáætlunar. Tilgangur endurkaupaáætlunarinnar er að lækka hlutafé félagsins.

Endurkaupaáætlunin verður framkvæmd af óháðum utanaðkomandi aðila, verðbréfafyirtæki eða lánastofnun, sem tekur þar með allar viðskiptaákvarðanir er varða kaup á hlutum og tímasetningu kaupanna óháð félaginu. Fjöldi hluta sem keyptur skal samkvæmt endurkaupaáætluninni verður að hámarki 243.000.000 hlutir, en það jafngildir 2,52% af útgefnu hlutafé félagsins, þó þannig að fjárhæð endurkuppanna verði aldrei meiri en 862,5 milljónir króna. Kaupin verða framkvæmd í áföngum með þeim skilyrðum að kaup hvers dags mega að hámarki vera 25% af meðaltali daglegra viðskipta með hlutabréf félagsins í Kauphöll Íslands í mánuðinum á undan þeim mánuði þegar áætlunin er birt opinberlega. Endurgjald fyrir keypta hluti skal ekki vera hærra en sem nemur verði síðustu óháðu viðskipta eða hæsta fyrirliggjandi óháða kauptilboði í þeim viðskiptakerfum þar sem viðskipti með hlutina fara fram, hvort sem er hærra. Viðskipti félagsins með eigir hluti í samræmi við endurkaupaáætlunina skulu tilkynnt í samræmi við lög og reglugerðir.

Heimild þessi skal gilda fram að aðalfundi félagsins 2017, en þó aldrei lengur en til 10. mars 2017."

Tillagan var samþykkt samhljóða.

9. Önnur mál.

Helgi Magnússon tók til máls. Fór hann yfir viðburðaríka tíma á þeim þremur árum sem hann sat í stjórn. Þakkaði hann samstarfsfólki í stjórn, forstjóra og starfsmönnum Símans fyrir gott samstarf.

Ekki voru fleiri mál á dagskrá fundarins.

Fundargerð upplesin. Engar athugasemdir bárust og var fundi slitið kl. 11:00

Pétur Guðmundarson
Fundarstjóri

Óskar Hauksson
Fundarritari