Hagar - Board/Management Information 2022

Hagar hf.: Framboð til stjórnar á aðalfundi 1. júní 2022

Aðalfundur Haga hf., kt. 670203-2120, verður haldinn miðvikudaginn 1. júní 2022 og hefst hann kl. 15:00 á Hilton Reykjavík Nordica, Suðurlandsbraut 2 í Reykjavík.

Framboðsfrestur til stjórnar Haga hf. rann út þann 27. maí sl. Alls bárust 10 framboð til stjórnar félagsins. Fjórir af fimm núverandi stjórnarmönnum gefa kost á sér en auk þess buðu sex aðrir einstaklingar sig fram til stjórnarstarfa. Fimm þeirra hafa nú dregið framboð sitt til baka.

Eftirtaldir einstaklingar hafa því gefið kost á sér til setu í stjórn félagsins.

Davíð Harðarson (f. 1976), fjármálastjóri Travel Connect
Eiríkur S. Jóhannsson (f. 1968), stjórnarformaður Samherja hf.
Eva Bryndís Helgadóttir (f. 1972), lögmaður hjá LMG lögmönnum
Jensína Kristín Böðvarsdóttir (f. 1969), framkvæmdastjóri og eigandi Vinnvinn ehf.
Sigríður Olgeirsdóttir (f. 1960), stjórnarmaður í Opnum kerfum og varamaður í bankaráði Landsbankans

Nánari upplýsingar um frambjóðendur er að finna í skýrslu tilnefningarnefndar sem birt var 10. maí 2022 og er hér einnig meðfylgjandi.

Samkvæmt samþykktum Haga hf. eiga fimm sæti í stjórn félagsins og er því sjálfkjörið. Er það mat stjórnar að allir frambjóðendur séu óháðir félaginu, stjórnendum og stórum hluthöfum þess og að öll framboð séu gild sbr. 63. gr. a. í hlutafélagalögum nr. 2/1995.

Stjórn Haga hf.