Hagar - Board/Management Information 2026

Hagar hf.: Framboð til stjórnar á aðalfundi 21. maí 2026

Aðalfundur Haga hf., kt. 670203-2120, verður haldinn fimmtudaginn 21. maí 2026 og hefst hann kl. 15:00 á Hilton Reykjavík Nordica (Vox Club), Suðurlandsbraut 2 í Reykjavík.

Framboðsfrestur til stjórnar Haga hf. rann út þann 16. maí sl. Alls bárust fimm framboð til stjórnar félagsins, þar af fjögur frá núverandi stjórnarmönnum.

Eftirtaldir einstaklingar hafa því gefið kost á sér til setu í stjórn félagsins.

Einar Örn Einarsson (f. 1977), framkvæmdastjóri Zócalo
Eiríkur S. Jóhannsson (f. 1968), forstjóri Kaldbaks ehf.
Eva Bryndís Helgadóttir (f. 1972), lögmaður hjá LMG lögmönnum
Orri Hauksson (f. 1971), stjórnarformaður First Water hf.
Sigríður Olgeirsdóttir (f. 1960), sjálfstætt starfandi

Nánari upplýsingar um frambjóðendur er að finna í skýrslu tilnefningarnefndar sem birt var þann 30. apríl 2026 og er hér meðfylgjandi.

Samkvæmt samþykktum Haga hf. eiga fimm sæti í stjórn félagsins og er því sjálfkjörið. Er það mat stjórnar að allir frambjóðendur séu óháðir félaginu, stjórnendum og stórum hluthöfum þess og að öll framboð séu gild sbr. 63. gr. a. í hlutafélagalögum nr. 2/1995.

Stjórn Haga hf.