Sogn Sparebank

Registration Form • Nov 23, 2018

KAP. 1 Føretaksnamn - forretningskontor - føremål

§ 1-1. Føretaksnamn og forretningskontor

Indre Sogn Sparebank vart oppretta i 1971 ved samanslåing av Borgund Sparebank, Lærdal Sparebank og Årdal Sparebank, der den eldste er stifta i 1860. Seinare har Indre Sogn Sparebank oppretta avdelingar i Sogn og Fjordane og Hordaland.

Indre Sogn Sparebank har forretningskontoret sitt i Årdal kommune.

§ 1-2. Føremål

Sparebanken har til formål å utføra forretningar og tenester som det er vanleg eller naturleg at sparebankar kan utføra i samsvar med den til ei kvar tid gjeldande lovgiving, og til ei kvar tid gjevne konsesjonar.

KAP. 2 Sparebanken sin eigenkapital

§ 2-1 Grunnfondet

• (1) Borgund Sparebank sitt opphavlege grunnfond, NOK 2.500,00, som var ytt av innbyggjarar i Borgund kommune, er betalt attende.
• (2) Lærdal Sparebank sitt opphavlege grunnfond, NOK 4.109,77 som var ytt av Lærdal Bygdemagasin, skal ikkje betalast attende.
• (3) Årdal Sparebank sitt opphavlege grunnfond NOK2.920,00, som var ytt av 41 innskytarar med garanti av Årdal kommune, er betalt attende.

Ingen har krav på utbyte frå verksemda til banken utover eventuell forrenting av banken sin eigarandelskapital.

§ 2-2 Eigarandelskapital

Sparebanken har høve til å ferda ut omsettelege eigenkapitalbevis. Eigenkapitalbevisa skal vera registrert i Verdipapirsentralen.

(1) Indre Sogn Sparebank sin eigarandelskapital utgjer NOK 31.625.000,- fordelt på 632.500 eigenkapitalbevis pålydande NOK 50,- fullt innbetalt.

§ 2-3 Informasjon til eigenkapitalbeviseigarane

• (1) Når dokument som gjeld saker som eigenkapitalbeviseigarane har krav på vert gjort tilgjengeleg på Indre Sogn Sparebank si heimeside, gjeld ikkje lova sitt krav om at dokument skal sendast eigenkapitalbeviseigarane.
• (2) Ein eigenkapitalbeviseigar kan likevel krevja å få tilsendt dokument som gjeld saker som eigenkapitalbeviseigaren har krav på.

KAP 3. Generalforsamling

§ 3-1 Generalforsamling

Sparebanken skal ha ei generalforsamling som skal sjå til at banken verkar etter føremålet sitt i samsvar med lov, føreskrifter, vedtekter og generalforsamlinga sine vedtak. Generalforsamlinga er den øvste avgjerdsmakta i sparebanken.

Generalforsamlinga skal ha 12 medlemer med 8 varamedlemer. Generalforsamlinga sine medlemer og varamedlemer møter personleg. Det er ikkje høve til å møta ved fullmektig eller med rådgjevar.

§ 3-2 Generalforsamlinga si samansetning

Generalforsamlinga til sparebanken skal vera samansett av:

• 3 medlemer og 2 varamedlemer som skal veljast av og blant sparebanken sine kundar i samsvar med fordelinga som går fram av § 3-4.
• 3 medlemer og 2 varamedlemer som skal veljast av kommunestyra i Årdal kommune og Lærdal kommune i samsvar med fordelinga som går fram av § 3-5.
• 3 medlemer og 2 varamedlemer som skal veljast av og blant dei tilsette i samsvar med fordelinga som går fram av § 3-6.
• ^o3 medlemer og 2 varamedlemer som skal veljast av og blant eigarane av eigenkapital bevis i samsvar med fordelinga som går fram av § 3-7.

§ 3-3 Val til generalforsamlinga

Myndige personar kan veljast som medlemer av generalforsamlinga.

Medlemer og varamedlemer til generalforsamlinga skal veljast for 4 år. Minst tre firedelar av medlemane skal vera personar som ikkje er tilsett i banken.

Generalforsamlinga fastset nærare instruks om vala.

§ 3-4 Medlemer til generalforsamlinga valde av kundar

(1) Sparebanken sine myndige kundar som har, og i dei siste seks månadane har hatt eit engasjement på minimum 5.000 kroner har stemmerett ved val av

Indre Sogn Sparebank Vedtekter 4

kundane sine medlemer og varamedlemer til generalforsamlinga i sparebanken.

• (2) Sparebanken sine kundar kan veljast som medlem eller varamedlem til generalforsamlinga i sparebanken som representant for kundane.
• (3) Kvart kundeforhold gjev ei røyst når ikkje anna følgjer av lova eller vedtektene. Ingen kunde har meir enn 2 stemmer, ei på grunnlag av eige kundeforhold, og ei som representant for annan kunde.
• (4) Kvart første, andre og tredje år skal 1 medlem veljast av og blant sparebanken sine kundar. Kvart andre og tredje år skal 1 varamedlem veljast av og blant sparebanken sine kundar.
• (5) Val etter denne paragraf må haldast innan utgangen av februar.Val skal gjerast i følgjande valdistrikt:

Kommune	Tal medlemer	Tal varamedlemer
Årdal kommune	2	1
Lærdal kommune	1	1

§ 3-5 Medlemer til generalforsamlinga valde frå det offentlege

Kommunestyra i Årdal kommune og Lærdal kommune kan samla velja 3 medlemer og 2 varamedlemer til generalforsamlinga.

• (1) Kvart fjerde år skal 2 medlemer veljast av kommunestyret i Årdal.
• (2) Kvart fjerde år skal 1 medlem veljast av kommunestyret i Lærdal.
• (3) Kvart fjerde år skal 1 varamedlem veljast av kommunestyret i Årdal.
• (4) Kvart fjerde år skal 1 varamedlem veljast av kommunestyret i Lærdal.

Indre Sogn Sparebank Vedtekter 5

(5) Val etter denne paragraf må haldast innan utgangen av februar.

§ 3-6 Medlemer til generalforsamlinga valde av dei tilsette

Dei tilsette i sparebanken har stemmerett ved val av dei tilsette sine medlemer til sparebanken si generalforsamling.

Dei tilsette i sparebanken kan veljast som medlem og varamedlem til generalforsamlinga i sparebanken som representant for dei tilsette.

• (1) Kvart første, andre og tredje år skal 1 medlem veljast av og blant dei tilsette i sparebanken. Kvart første og tredje år skal 1 varamedlem veljast av og blant dei tilsette i sparebanken.
• (2) Val etter denne paragraf må haldast innan utgangen av februar.

§ 3-7 Eigenkapitalbeviseigarane sin representasjon i generalforsamlinga

Eigarar av eigenkapitalbevis i sparebanken har stemmerett og kan veljast som medlem og varamedlem til general-forsamlinga i sparebanken som representant for eigenkapitalbeviseigarane.

• (1) Kvart første, andre og tredje år skal 1 medlem veljast av og blant eigenkapitalbeviseigarane i sparebanken. Kvart første og andre år skal 1 varamedlem veljast av og blant eigenkapitalbeviseigarane i sparebanken.
• (2) Val etter denne paragraf må haldast innan utgangen av februar.

Ingen kan på møte for eigenkapitalbeviseigarane avgi stemmer for eigenkapitalbevis som representerer meir enn 10 % av Indre Sogn Sparebank sine totale utsteda eigenkapitalbevis.

Eigenkapitalsbeviseigarar som vil delta i valet etter § 3 — 7 skal melda seg i banken innan ein viss frist som skal stå i innkallinga. Fristen skal ikkje gå ut tidlegare enn tre bankdagar før valet skal haldast. Har ein eigenkapitalbeviseigar ikkje meldt seg i rett tid, kan han nektast høve til å vera med i valet.

§ 3-8 Innkalling til generalforsamling

Ordinær generalforsamling skal haldast innan utgangen av mars månad kvart år. Generalforsamlinga vert kalla inn av styret.

Innkallinga med saksvedlegg skal sendast medlemane i generalforsamlinga seinast 21 dagar før møtet.

Når dokument som gjeld saker som skal handsamast på generalforsamlinga er gjort tilgjengeleg for medlemane på sparebanken sine internettsider, gjeld ikkje lova sine krav om at dokumenta skal sendast til medlemane av generalforsamlinga. Dette gjeld og dokument som etter lov skal takast inn i eller leggjast ved innkallinga til generalforsamlinga. Eit medlem av generalforsamlinga kan likevel krevja å få tilsendt dokument som gjeld saker som skal handsamast på generalforsamlinga.

§ 3-9 Møte og vedtak i generalforsamlinga

Kvart medlem av generalforsamlinga har ei stemme.

Avgjerder i generalforsamlinga vert fatta ved fleirtal av dei stemmer som er gitt med mindre noko anna går fram av desse vedtektene. Står stemmetalet likt, gjeld det som møteleiaren sluttar seg til.

§ 3-10 Generalforsamlinga sine oppgåver

På den ordinære generalforsamlinga skal følgjande saker handsamast og avgjerast:

• Val av leiar og nestleiar for generalforsamlinga for 2 år om gongen. Leiar skal veljast første år og nestleiar skal veljast andre år.
• o Andre val etter lovene.
• Godkjenning av årsrekneskapet og årsmeldinga med disponering av overskot/underskot/-utdeling av utbyte.
• Andre saker som etter lov eller vedtekter høyrer under generalforsamlinga.

Vedtak om eller fullmakt til å oppta ansvarleg lån eller annan framandkapital vert fatta av generalforsamlinga med fleirtal som for vedtektsendring.

KAP 4. Styret, revisjons-og risikoutval og dagleg leiing

§ 4-1 Styret

§ 4-1.1 Styret si samansetning

Styret er sett saman av 5 medlemer med 3 varamedlemer som skal veljast for 2 år av generalforsamlinga.

• Første året skal 2 medlemar veljast.
• Andre året skal 2 medlemar veljast.
• 2 varamedlemer skal veljast, det eine varamedlemet vert valt første år, det andre varamedlemet skal veljast andre året.
• 1 medlem (veljast første år) og 1 personleg varamedlem (veljast andre året), vert valde av og blant dei tilsette i banken.
• Styreleiar og nestleiar skal veljast særskilt for 2 år. Leiar skal veljast andre år og nestleiar skal veljast første år.

§ 4-1.2 Styret sine oppgåver

Styret sine oppgåver føl av lov og føreskrifter.

§ 4-2 Revisjons- og risikoutval

Det samla styret fungerer som sparebanken sitt revisjons- og risikoutval.

§ 4-3 Dagleg leiar: adm. banksjef

Sparebanken skal ha dagleg leiar. Dagleg leiar har tittel adm. banksjef, og vert tilsett av styret.

§ 4-3.1 Dagleg leiar: adm. banksjef sine oppgåver

Oppgåvene til adm. banksjef føl av lov og føreskrifter.

KAP. 5 VALNEMND

§ 5-1 Valnemnd for generalforsamlinga sitt val

Generalforsamlinga vel ei valnemnd med 4 medlemer og 2 varamedlemer for 2 år. Valnemnda skal ha representantar frå alle grupper som er representert i generalforsamlinga:

• 1 medlem frå kundevalde, veljast andre året.
• 1 medlem frå offentleg valde, veljast andre året.
• 1 medlem frå tilsettevalde, veljast første året.
• 1 medlem frå eigenkapitalbeviseigarvalde, veljast første året.
• Leiar for valnemnda skal veljast særskilt for to år blant medlemane i valnemnda, andre året.
• 1 varamedlem skal veljast første året.
• 1 varamedlem skal veljast andre året.

§ 5-2 Valnemnda sitt arbeid

Valnemnda skal førebu alle val til generalforsamlinga, styret og valnemnd. Generalforsamlinga fastset nærare instruks for valnemnda.

KAP. 6 Bruk av overskot og inndekning av underskot

§ 6-1 Bruk av overskot

Overskotet frå verksemda til banken etter frådrag av utbyte og utdeling av gåver, skal leggjast til banken sitt fond.

Årsoverskot og utbytemidlar skal fordelast mellom grunnfondet til banken og eigarandelskapitalen. Utbytemidlar kan nyttast til utbyte på eigarandelskapitalen, til gåver til ålmennyttige føremål, eller overførast til gåvefond, eller overførast til stifting med ålmennyttig føremål.

§ 6-2 Inndekning av underskot

Underskot etter resultatrekneskapet for siste rekneskapsår skal først søkast dekka ved forholdsmessig overføring frå grunnfondskapitalen, under dette gåvefondet, og den eigarandelskapitalen som overstig vedtektsfesta eigarandelskapital, under dette utjamningsfondet. Underskot som ikkje vert dekka slik, vert dekka ved forholdsmessig overføring frå overkursfondet og kompensasjonsfondet. Ytterlegare underskot vert dekka ved nedsetjing av vedtektsfesta eigarandelskapital og eventuelt ved nedsetjing av annan kapital.

KAP 7. Aldersgrense

§ 7-1 Høgaste aldersgrense for tenestemenn

Høgaste aldersgrense for administrerande banksjef og andre fast tilsette er 70 år.

KAP 8. Vedtektsendringar

§ 8-1 Vedtektsendringar

Endring av desse vedtektene kan fattast av generalforsamlinga. Avgjerd om vedtektsendring krev tilslutning frå minst to tredelar av dei avgitte stemmene.

KAP 9. Avvikling

§ 9-1 Beslutning om avvikling av sparebanken

Generalforsamlinga tek stilling til forslag frå styret om avvikling av sparebanken. Vedtak om avvikling vert fatta med same fleirtal som for vedtektsendringar.

§ 9-2 Disponering av sparebanken sin kapital ved avvikling

Dersom sparebanken vert avvikla, skal dei overskytande midlar etter at alle forpliktingar er dekka, overførast til ein eller fleire sparebankstiftingar.

Vedtektene er godkjende av Finanstilsynet (tidlegare Kredittilsynet) 12. juli 1978 med endring den 19.12.1978, 13.05.1981, 16.03.1982, 19.10.1983, 07.03.1985, 05.07.1988, 20.03.1989, 28.12.1989, 12.02.1990, 12.04.1994, 03.03.1995, 12.05.1998, 21.03.2002, 25.06.2003, 11.03.2010, 26.04.2011, 08.12.2015 og 30.03.2017.

Li

.;~ •

. • `

, .

'' ~~~' ..~ '~.

J~' ♦ M ~

/ 1 ' \$

. ~ ~ 'i ~ :~ f.~..'~

.. ~'. - ` . ~ ~ ~ . ~ ~

. _ ' ~' • . . • ~ 1 , ~ ~'~' '

tc"

r~ _i~..;•j~~~~

- * •i -r•

.

..

I

'~`~

— ;. Ø

~ ,+~

~Z 1'Ø ' ^ • ~ a J

r~ •,` ~

Ekte lokalbank ved di side

ORG_ NR.-, 837 897 912 TELEFON- 57 64 85 10 WWW_I558_NO NETTPOST(_iVINDRESOGNSPAREØANK.NO

Øvre Årdal - Årdalstangen - iaprdat - 5o5ndat - BerØn

~, ~~• _

`

~ ~Y-. .~:~ , ~• r~( f~

_ * '"-~ _ •- _~= ~ y.

~ ..r • ~ ~ ...

^t~ ,

~~

` ~ •

~

• ~

.~

.~.~ . " ~ ,~^w

~j

~ • .

. ~ ;.I ~ ~ f~ ' "

~= ,r ' ~'~~ .- .~~ 'fi_•,...t, r .~~ ~

~~ ~ ti ~ ~ ~, • a ~~, ~

Y~• 1 ' a, V ~~~ ♦ ~ :~~ ~~: = /

~ . • _ ~ .f .~~~' = - ~`'.~

'.,å~ .~. — -"~'~~ ~''•?''~ "~ `%• ~ •=.

~ "~~ ~+ . . . .~ . ♦ ~ ~

ti . . ' - • ~ , ~ ' . . {' }~ w

~~ ` • ~~

~ . ~

^p"~. ' ^J ~~ ~ ~~,..- i • i~ *+G- _ ``.

^~•: ~ .