SKÝRSLA TILNEFNINGARNEFNDAR REITA FASTEIGNAFÉLAGS HF. TIL AÐALFUNDAR 2025

Hlutverk og verkefni

Tilnefningarnefnd Reita fasteignafélags (Reita) er ætlað að undirbúa stjórnarkjör á aðalfundi félagsins og gera rökstudda tillögu um frambjóðendur til stjórnar. Tillögur nefndarinnar skulu miða að því að stjórn félagsins sé á hverjum tíma þannig samsett að hún búi að fjölbreyttri þekkingu, hæfni og reynslu sem nýtist félaginu við stefnumótun og eftirlit í því umhverfi sem félagið starfar í á hverjum tíma. Tilnefningarnefnd hefur ráðgefandi hlutverk gagnvart hluthafafundi við val á stjórnarmönnum félagsins og skal hún í störfum sínum hafa heildarhagsmuni allra hluthafa félagsins að leiðarljósi.

Starfsreglur nefndarinnar

Núgildandi starfsreglur nefndarinnar voru samþykktar á aðalfundi félagsins 6. mars 2024 og fylgja þær skýrslu þessari í viðauka II. Tilnefningarnefnd gerir að þessu sinni ekki tillögu til breytinga á starfsreglunum. Nefndin vill hins vegar koma því á framfæri að komið hafa fram þau sjónarmið að hluthafar ættu að fá upplýsingar um þau sem óska umfjöllunar hjá nefndinni án þess að rata inn í tillögu hennar og jafnvel að tillagan taki til fleiri en fimm frambjóðenda. Nefndin vil beina því til hluthafa að óski þeir breytinga á verklagi nefndarinnar væri eðlilegast að tillögur um breytingar á starfsreglum, sem skýrðu það verklag vandlega, kæmu frá hluthöfum sjálfum. Skýr fyrirmæli um verklag í starfsreglum skiptir máli fyrir störf nefndarinnar en eru ekki síður mikilvægar upplýsingar fyrir þau sem hafa áhuga á að bjóða sig fram til stjórnarsetu.

Skipan nefndarinnar

Á aðalfundi Reita þann 6. mars 2024 var staðfest skipan þeirra Berglindar Óskar Guðmundsdóttur, lögfræðings og ráðgjafa, Hilmars Garðars Hjaltasonar, ráðgjafa og Margretar G. Flóvenz, endurskoðanda og háskólakennara, í tilnefningarnefnd félagsins. Þau eru öll óháð félaginu, daglegum stjórnendum, og stórum hluthöfum þess.

Starf nefndarinnar

Nefndin hóf störf í nóvember 2024, skipti með sér verkum og gerði áætlun um starf sitt. Margret G. Flóvenz er formaður nefndarinnar. Nefndin hefur notið aðstoðar Sigurlaugar H. Pétursdóttur, yfirlögfræðings og regluvarðar, við störf sín og færir henni þakklæti fyrir.

Nefndin fundaði með núverandi stjórnarmönnum hverjum fyrir sig. Á þeim fundum aflaði nefndin sér upplýsinga um framlag og framtíðarsýn stjórnarmanna, mat þeirra á starfi stjórnar og annarra

stjórnarmana á yfirstandandi starfsári, samstarf og virkni stjórnarinnar, helstu áskoranir og tækifæri sem félagið stendur frammi fyrir og hvaða sjónarmið kynni að vanta í stjórnina.

Nefndin átti einnig fund með forstjóra félagsins. Tilgangur þess fundar var að fá álit hans á þeirri hæfni og þekkingu sem stjórn þarf að búa yfir, samstarfi stjórnar og stjórnenda og helstu áskorunum sem félagið stendur frammi fyrir til skemmri og lengri tíma.

Í lok desember og janúar sl. voru birtar upplýsingar um starfsemi nefndarinnar á heimasíðu Reita og jafnframt kallað þar eftir tilnefningum eða framboðum til stjórnar félagsins. Auglýsing þess efnis var jafnframt birt á vefsíðu Nasdaq OMX. Í auglýsingunni var áhugasömum um stjórnarsæti gefið val um að skila inn framboði til stjórnar eða að koma eingöngu til umfjöllunar á vettvangi nefndarinnar þar sem hægt var að óska trúnaðar um persónuupplýsingar. Þá voru hluthafar sérstaklega hvattir til að koma sjónarmiðum sínum á framfæri við nefndina.

Nefndin hafði að auki samband við 20 stærstu hluthafa félagsins til að kalla eftir sjónarmiðum við skipan og samsetningu stjórnar og átti í kjölfarið fund með þeim átta hluthöfum eða hluthafahópum sem þess óskuðu og stóðu þeir hluthafar að baki um 51% útgefinna hlutabréfa í félaginu. Tilnefningarnefnd leggur í störfum sínum ríka áherslu á að ná fram viðhorfum hluthafa til félagsins og stjórnar þess og ekki síður væntingum þeirra til framtíðar. Á fundunum var því kallað eftir sýn hluthafanna á stóðu og árangri félagsins, frammistóðu núverandi stjórnar, hvort máli skipti hvort stjórnarmenn færu fyrir eigin fé og hvaða eiginleika, hæfni, reynslu og þekkingu stjórnarmenn Reita þyrftu að hafa bæði sem einstaklingar og sem heild. Níðurstaða þessara samtala gaf ekki til kynna að hluthafar kölluðu sérstaklega eftir breytingum en heldur ekki að þeir teldu nauðsyn á að stjórn yrði að öllu leyti óbreytt.

Mat nefndarinnar

Við mat sitt á þeirri reynslu, þekkingu og hæfni sem stjórn Reita þarf í sameiningu að búa yfir horfði nefndin til eftirtalinna lykilpátta:

Hæfni til samstarfs og ákvarðanatöku
Framtíðarsýnar
Þekkingar á fasteignapróun, skipulagsmálum og fasteignamarkaði
Þekkingar og reynslu af stefnumótun og innleiðingu stefnu
Þekkingar og reynslu af rekstri og fjármögnun
Þekkingar og reynslu af góðum stjórnarháttum
Þekkingar á sjálfbærnimálum og samfélagslegri ábyrgð
Reynslu af stjórnarstörfum
Almennrar stjórnunarreynsla
Leiðtogahæfni

Að auki var horft til:

Samfellu í stjórnarstörfum, þ.e. að ekki verði of örar breytingar á stjórn
Þörf á nýliðun, þ.e. að ekki verði of sjaldan breytingar á stjórn
Fjölbreytni með tilliti til aldurs, kyns, menntunar, reynslu og bakgrunns
Að meirihluti stjórnarmanna væri óháður félaginu og stórum hluthöfum

Pað er niðurstaða tilnefningarnefndar, eftir að hafa rætt við núverandi stjórnarmenn, forstjóra og þá hluthafa sem óskuðu eftir fundi með nefndinni, að leggja þyrfti áherslu á viðtæka reynslu af stjórnun og stjórnarháttum, leiðtogahæfni, góðan skilning á rekstri og fjármögnun, þekkingu á sjálfbærni og þeim kröfum sem viðskiptavinir og hluthafar gera í þá veru auk þekkingar og reynslu af stefnumótun og innleiðingu stefnu. Þá er aðkomá einkafjárfesta að stjórn félagsins talinn kostur. Tillaga nefndarinnar endurspeglar þessar áherslur.

Innan þess frests sem settur var í auglýsingu til að fá umfjöllun hjá nefndinni bárust alls fimm erindi. Um var að ræða hæfa einstaklinga með viðtæka reynslu, menntun og þekkingu og átti nefndin fund með þeim öllum.

Í viðtölum við þau, sem sitja í núverandi stjórn og sögðust gefa kost á sér til áframhaldandi stjórnarstarfa, var spurt um framlag þeirra til stjórnar félagsins hingað til og hvernig þau teldu að reynsla þeirra og hæfileikar muni nýtast því til framtíðar.

Í viðtölum við aðra frambjóðendur var lögð áhersla á að fá fram af hverju viðkomandi hefði áhuga á að bjóða sig fram til stjórnarsetu í Reitum og þá sérstaklega spurt um hvert þau teldu að framlag þeirra til félagsins gæti orðið, hvaða hæfni, reynsla og þekking þeirra myndi nýtast í stjórnarstörfunum, reynslu af stjórnarstöfum, auk þekkingar og reynslu sem tengist rekstri, stefnumótun, fasteignapróun og fjármögnun.

Að loknum viðtölum fór nefndin ítarlega yfir hvernig hvert og eitt þeirra sem gáfu kost á sér til stjórnarsetu uppfylltu þau hæfnisviðmið og áherslur sem lagðar höfðu verið.

Fyrir liggur að einn núverandi stjórnarmanna gefur ekki kost á sér til áframhaldandi stjórnarsetu en hinir fjörir gefa kost á sér áfram. Það er niðurstaða tilnefningarnefndar, m.a. í ljósi samtala við núverandi stjórnarmenn, forstjóra og hluthafa, að gera það að tillögu sinni að einungis einn nýr stjórnarmaður komi inn í stjórnina að þessu sinni.

Auk þeirra sem nefndin leggur til að verði kjörin í stjórn félagsins, upplýsti einn þeirra sem óskuðu umfjöllunar nefndarinnar að hann hefði ákveðið að gefa kost á sér til stjórnarsetu. Nefndin mun ekki upplýsa um nöfn annarra þeirra sem óskuðu umfjöllunar að beiðni þeirra. Nefndin vill þakka þann áhuga sem umsækjendur sýndu félaginu og störfum nefndarinnar.

Vert er að ítreka að einstaklingur sem nefndin gerir ekki tillögu um sem stjórnarmann í félaginu getur ávallt gefið kost á sér til stjórnarsetu með því að skila inn formi framboðs til stjórnar innan hins almenna framboðsfrests samkvæmt samþykktum Reita, þ.e. sjö sólarhringum fyrir aðalfund.

Nefndin áréttaði þetta sérstaklega við þá einstaklinga sem tekin voru viðtöl við og mun í kjölfar birtingar tillagna þessara gera slíkt hið saman gagnvart þeim einstaklingum öðrum sem ekki rötuðu í tillögu hennar.

Tilnefningarnefnd leggur áherslu á jafnræði hluthafa og kynnti því ekki tillögur sínar fyrir neinum hluthöfum fyrir birtingu þessarar skýrslu.

Tillögur um stjórnarmenn

Tilnefningarnefnd leggur til að eftirtalin verði kjörin í stjórn Reita fasteignafélags hf. á aðalfundi félagsins sem haldinn verður 2. apríl 2025:

Anna Kristín Pálsdóttir: Hún er fædd árið 1987 og tók sæti í stjórn Reita 2024 og situr auk þess í starfskjaranefnd. Anna er verkfræðingur (MSc.) frá Tækniháskólánum í Berlín. Hún er framkvæmdastjóri þróunar hjá at North þar sem hún leiðir vinnu við staðarval, hönnun og afhendingu nýrra gagnavera félagsins á Norðurlöndunum. Áður starfaði Anna sem framkvæmdastjóri hjá Marel þar sem hún starfaði í níu ár. Þar áður starfaði Anna í höfuðstöðvum Volkswagen í Þýskalandi og á ritstjórn fréttastofu RÚV. Víðtæk reynsla Önnu Kristínar af stjórnun, stefnumótun og þróun er talin til þess fallin að styrkja stjórn Reita til framtíðar.

Elín Árnadóttir: Hún er fædd árið 1971 og átti sæti í stjórn Reita árin 2010-2019, þar af sem stjórnarformaður 2010-2015 í aðdraganda skráningar félagsins í kauphöll. Hún tók aftur sæti í stjórn Reita árið 2023, er varaformaður og situr jafnframt í endurskoðunarnefnd félagsins. Elín er eigandi Menju ehf. Hún er viðskiptafræðingur frá Háskóla Íslands og var aðstoðarforstjóri Isavia ohf. þar til ársloka 2022 og sinnti þar á undan margvíslegum stjórnunarstörfum fyrir félagið frá árinu 2001. Víðtæk reynsla Elínar af stjórnun, stefnumótun, þróunarverkefnum og fjármálum ásamt fyrri reynslu og þekkingar á félaginu er til þess fallin að styrkja félagið til framtíðar.

Guðmundur Ingi Jónsson: Hann er fæddur árið 1971 og hefur ekki áður átt sæti í stjórn Reita. Guðmundur er með B.Sc próf í hagfræði frá Háskóla Íslands. Hann starfaði sem framkvæmdastjóri hjá Byggingarfélagi námsmanna 1994-1997 en hefur síðan starfað við eigin rekstur og með öðrum í fjárfestingum og verkefnum tengdum byggingu og rekstri fasteigna og annarra innviða. Hann er framkvæmdastjóri Kjalar fjárfestingarfélags ehf. Guðmundur hefur setið í fjölda stjórna. Hann og félög sem hann á að stórum hluta eru meðal 20 stærstu hluthafa í Reitum. Reynsla hans af fasteignamarkaði, innviðauppbyggingu og fjármögnun er talin vera styrkur fyrir félagið auk þess að hann fer fyrir eigin fé, sem er talið til þess fallið að auka fjölbreytni í stjórn félagsins.

Kristinn Albertsson: Hann er fæddur árið 1965 og tók sæti í stjórn Reita 2017 og hefur verið formaður endurskoðunarnefndar Reita undanfarin fimm ár. Kristinn er viðskiptafræðingur frá Háskóla Íslands og starfaði sem fjármálastjóri Samskipa samstæðunnar frá árinu 2007 þar til á nýliðnu ári. Reynsla Kristins af fjármálastjórn í stóru félagi á alþjóðlegum markaði er mikilvæg fyrir félagið og stjórn þess auk þess sem þekking hans á fjármögnun og rekstri félagsins sjálfs, eftir langa stjórnarsetu, nýtist því vel.

Þórarinn Víðar Þórarinsson: Hann er fæddur 1954 og tók sæti í stjórn Reita árið 2009 og hefur verið formaður stjórnar frá árinu 2015 og hefur auk þess setið í starfskjaranefnd félagsins. Þórarinn lauk Cand.jur prófi frá Háskóla Íslands 1980 og hefur starfað sem lögmaður frá 2002 á eigin lögmannsstofu, Advocatus slf. Þórarinn hefur setið í stjórnum fjölmargra félaga bæði sem formaður og sem stjórnarmaður. Hann hefur yfirgripsmikla þekkingu á stjórnarháttum, stjórnun, fjármögnun og rekstri fyrirtækja. Þórarinn hefur mikla innsýn í starfsemi félagsins eftir langa stjórnarsetu, hefur stýrt stjórnarstörfum af festu og tryggir samfellu í störfum stjórnarinnar.

Önnur framboð

Auk þeirra sem tilnefningarnefnd leggur til að verði kjörin í stjórn félagsins hefur nú þegar borist eitt framboð og er það mat nefndarinnar að um hæfan einstakling sé að ræða:

Sigurður Ólafsson: Hann er fæddur árið 1962 og hefur ekki setið áður í stjórn Reita. Sigurður lauk Cand.oceon prófi frá Háskóla Íslands 1988 og MBA prófi frá Rotterdam School of Management 1990. Sigurður rekur eigið ráðgjafafyrirtæki, Gott og gilt, á sviði mannauðmála, vinnuréttar og ábyrgð stjórnar á sjálfbærniupplýsingum fyrirtækja. Hann starfaði sem framkvæmdastjóri mannauðssvíðs Isavia 2009-2019 en áður hafði hann starfað sem verkefnastjóri hjá Háskólanum í Reykjavík, framkvæmdastjóri Sabre á Íslandi, framkvæmdastjóri Varðar vátryggingafélags og mannauðs- og rekstrarstjóri VÍS. Sigurður er stjórnarmaður í Festu lífeyrissjóði, Lyfjum og heilsu og fleiri félögum.

Frekari upplýsingar um frambjóðendur og þar á meðal upplýsingar um hagsmunatengsl er að finna í viðauka I.

Tilnefningarnefnd Reita fasteignafélags hf.

mars 2025

Berglind Ósk Guðmundsdóttir Hilmar Garðar Hjaltason Margret G. Flóvenz

(sjá rafrænar undirritanir neðst í skjali)

Viðauki I – Upplysingar um frambjóðendur

Eftirfarandi eru upplýsingar um þá frambjóðendur í kjöri til stjórnar á aðalfundi Reita fasteignafélags hf. þann 2. apríl næstkomandi sem tilnefningarnefnd gerir tillögu um eða hafa óskað umfjöllunar nefndarinnar:

Nafn: Anna Kristín Pálsdóttir, kt. 150587-3449

Önnur stjórnarstörf: Situr í stjórn Rotovia hf.

Hlutafjáreign í Reitum: 0 hlutir

Hagsmunatengsl við helstu viðskiptaaðila félagsins, helstu samkeppnisaðila félagsins og/eða hluthafa sem eiga meira en 10% hlut í félaginu eru engin og frambjóðandi lýsir því yfir að hann telur sig óháðan félaginu samkvæmt skilyrðum í Leiðbeiningum um stjórnarhætti fyrirtækja.

Nafn: Elín Árnadóttir, kt. 110471-4599

Önnur stjórnarstörf: Situr í stjórnum Fenju ehf. og Akurhúsa ehf.

Hlutafjáreign í Reitum: 78.595 hlutir

Nafn: Guðmundur Ingi Jónsson, kt. 031071-4379

Önnur stjórnarstörf: Er formaður stjórnar Kjalar fasteigna ehf., Gj Invest ehf., Íslandsapóteka ehf. og YaY ehf., situr í stjórnum Kjalar fjárfestingarfélags ehf., Miðbæjareigna ehf., Exim ehf., Firmaco sf., HOOS 1 ehf., MBE 2 ehf., Mýrinvest ehf., Suðurorku ehf., Varist ehf. og Varplands ehf. Hann er varamaður í stjórn Solid Clouds ehf.. Þá situr hann í fjárfestingaráði framtakssjóðanna Horn III, Horn IV og Horn V.

Hlutafjáreign í Reitum: Guðmundur á 50% hlut í Kili fjárfestingarfélagi ehf. sem á 24.062.668 hlutí í Reitum og auk þess 100% hlut í GJ Invest ehf. sem á 7.127.168 hlutí í Reitum

Nafn: Kristinn Albertsson, kt. 060765-5969

Önnur stjórnarstörf: Situr í stjórn Matrans Terminal Holding BV í Hollandi

Hlutafjáreign í Reitum: 63.000 hlutir

Nafn: Sigurður Ólafsson, kt. 240562-3599

Önnur stjórnarstörf: Er formaður stjórnar Landborgar hf. og Lyfja og heilsu hf., situr í stjórnum Domus Medica hf., Festu lífeyrissjóðs, Gott og gilt ehf., Kamba byggingavara ehf., Massa Klassa ehf. og SK62 ehf.. Hann er varamaður í stjórnum Bugðu eignarhaldsfélags ehf., Fornahvarfs ehf., Grænahryggs ehf., LHH25 ehf., Tosku ehf. og Vetro ehf..

Hlutafjáreign í Reitum: 0 hlutir

Nafn: Þórarinn V. Þórarinsson, kt. 250654-2869

Önnur stjórnarstörf: Er formaður stjórnar Líflands ehf. og Grana ehf. og situr í stjórn hjá Nesbúegg ehf., Mílu ehf. Forsum ehf. og Advocatus slf.

Hlutafjáreign í Reitum: 500.000 hlutir

Viðauki II - Starfsreglur tilnefningarnefndar Reita fasteignafélags hf.

Inngangur

Starfsreglur þessar eru setta með hliðsjón af leiðbeiningum um stjórnarhætti fyrirtækja, útgefin af Viðskiptaráði Íslands, Nasdaq Iceland hf. og Samtökum atvinnulífsins (hér eftir nefnt „leiðbeiningar um stjórnarhætti fyrirtækja“).

Markmið

Tilnefningarnefnd er ætlað að undirbúa stjórnarkjör á aðalfundi Reita fasteignafélags hf. („félagið“) og gera þar rökstudda tillögu um frambjóðendur til að taka kjör í stjórn þess. Tillögur nefndarinnar skulu miða að því að stjórn félagsins sé á hverjum tíma þannig samsett að hún búi að fjölbreyttri þekkingu, hæfni og reynslu sem nýtist félaginu við stefnumótun og eftirlit í því umhverfi sem félagið starfar í á hverjum tíma. Sé efnt til stjórnarkjörs utan aðalfundar skal tilnefningarnefnd undirbúa kosningu með hliðstæðum hætti og á aðalfundi, þó með þeim breytingum á tímafrestum sem leiða af styttri fyrirvara.

Skipan tilnefningarnefndar

Tilnefningarnefnd skal skipuð þremur mönnum til eins árs í senn. Nefndarmenn skulu vera óháðir félaginu og daglegum stjórnendum þess og ekki sitja í stjórn þess. Við mat á óhæði nefndarmanna skal miðað við sömu sjónarmið og þegar óhæði stjórnarmanna er metið, sbr. leiðbeiningar um stjórnarhætti fyrirtækja. Í það minnsta einn nefndarmanna skal vera óháður stórum hluthöfum félagsins.

Stjórn félagsins skal með aðalfundarboði leggja fram tillögu um kjör þriggja nefndarmanna í tilnefningarnefnd. Hluthafar félagsins geta minnst viku fyrir fund gert tillögu um nefndarmenn og skal þá á aðalfundi kosið milli þeirra sem tillaga er gerð um.

Nefndin skiptir sjálf með sér verkum. Forfallist nefndarmaður skipar stjórn annan í hans stað.

Nefndarmenn skulu hafa þekkingu og reynslu í samræmi við hlutverk nefndarinnar, m.a. á góðum stjórnarháttum og ákvæðum laga um skyldur stjórna hlutafélaga, sem og viðmiðum og venjum um hlutverk og starfshætti stjórna stærri félaga. Æskilegt er að nefndarmenn hafi góða samskiptahæfni og reynslu af því að greina hæfnisþætti sem virk þátttaka í stjórn félagsins kallar á. Að jafnaði skal við það miðað að nefndarmenn hafi haldgóða þekkingu á rekstri og stjórnarstörfum. Þess skal gætt að fulltrúar beggja kynja séu í nefndinni.

Starfskjör nefndarinnar skulu ákveðin á aðalfundi félagsins og taka mið af starfskjörum undirnefnda stjórnar með hliðsjón af ætluðu umfangi verkefnisins. Reynist umfang starfa nefndarinnar óvenju mikið á starfsári af ófyrirséðum ástæðum, s.s. vegna fleiri hluthafafunda, þar sem stjórnarkjör fer fram, getur stjórn félagsins greitt sérstaklega fyrir þá vinnu á grundvelli greinargerðar nefndarinnar þar um.

Hlutverk og ábyrgð

Tilnefningarnefnd hefur ráðgefandi hlutverk gagnvart hluthafafundi við val á stjórnarmönnum félagsins. Í störfum sínum skal nefndin hafa heildarhagsmuni allra hluthafa félagsins að leiðarljósi.

Nefndin sinni verkefnum sínum m.a. með því að:

a) setja sér starfsáætlun til að stuðla að skilvirkni í störfum sínum og skal við það miðað að starf nefndarinnar fari fram síðustu þrjá mánuði fyrir auglýsingu aðalfundar.

b) kynna sér starfshætti stjórnar með tilliti til leiðbeininga um stjórnarhætti fyrirtækja og niðurstöðu árangursmats stjórnar. Nefndin skal eiga fundi með öllum stjórnarmönnum félagsins, hverjum fyrir sig, auk forstjóra þess til að afla upplýsinga um félagið, starf stjórnarinnar síðastliðið starfsár og fyrirséðar megináherslur í starfsemi þess næstu ár í því skyni að meta hvaða lykilhæfni og þekkingar er þörf á í stjórn félagsins.

c) sjá til þess að á heimasiðu félagsins sé gerð grein fyrir hlutverki og skipan tilnefningarnefndar og hvernig koma megi ábendingum, tillögum og framboðum á framfæri við nefndina. Þar skal einnig bent á hvernig standa eigi að framboði til stjórnar að tillögum nefndarinnar birtum.

d) kalla eftir tillögum hluthafa að frambjóðendum til stjórnarkjörs. Nefndin skal eigi síðar en 10 víkum fyrir aðalfund vekja athygli á undirbúningi stjórnarkjörs og auglýsa eftir tilnefningum og framboðum til stjórnar félagsins, sem berast skulu nefndinni eigi síðar en sex víkum fyrir hluthafafund félagsins þar sem stjórnarkjör fer fram.

e) gera tillögu um kosningu stjórnarmanna með hliðsjón af framangreindum markmiðum um samsetningu stjórnar og í ljósi hæfni, reynslu og þekkingar hlutaðeigandi frambjóðenda. Nefndin skal gæta þess að tillagan samræmist ákvæðum laga um hlutafélög og samþykka félagsins um skipan stjórnar og sé til þess fallin að stuðla að samheldni hluthafa.

f) gera skriflega grein fyrir því hvernig nefndin hafi hagað störfum sínum og rökstyðja tilnefningar sínar. Tillögur tilnefningarnefndar skulu kynntar í fundarboði aðalfundar og vera aðgengilegar hluthöfum á heimasiðu félagsins eins fljótt og kostur er, en a.m.k. þremur víkum fyrir fundinn. Nefndin skal jafnframt tryggja að önnur framboð sem borist hafa og metin hafa verið gild verði kynnt á heimasiðu félagsins minnst sex sólarhringum fyrir fund. Nefndin skal gera grein fyrir störfum sínum og tillögum á aðalfundi félagsins.

g) meta hvort tilefni sé til breytinga á starfsreglum nefndarinnar og þá kynna þær stjórn og hluthöfum á aðalfundi eða eftir atvikum á hluthafafundi félagsins.

5. Heimildir

Tilnefningarnefnd er heimilt að leita til stjórnar og undirnefnda stjórnar til að afla viðeigandi upplýsinga til að sinna hlutverki sínu. Þá er nefndinni rétt að hafa leita eftir tillögum og sjónarmiðum hluthafa. Ávallt skal gæta að jafnræði hluthafa.

Óski tilnefningarnefnd eftir gögnum eða upplýsingum frá félaginu eða aðgangi að starfsmönnum félagsins skal hún koma beiðni um slíkt á framfæri við forstjóra félagsins. Forstjóri skal hafa samráð við regluvörð félagsins um það hvort tilefni sé til að færa nöfn nefndarmanna á lista yfir innhérja í félaginu á meðan á störfum nefndarinnar stendur. Telji nefndin sérstakt tilefni til að afla sér ráðgjafar um tiltekin álitaefni er henni, að fengnu samþykki stjórnar, heimilt að efna til útgjalda er því tengjast.

6. Trúnaður

Nefndarmenn eru bundnir þagnarskyldu um allt það sem þeir fá vitneskju um við framkvæmd starfa sinna og varðar málefni félagsins og önnur atriði sem þeir fá vitneskju um í starfi sínu sem nefndarmenn, nema skylt sé að veita upplýsingar samkvæmt lögum. Þagnar- og trúnaðarskylda helst þótt látið sé af störfum.

Starfsreglur þessar skulu birtar á heimasiðu félagsins.

Svo samþykkt á aðalfundi félagsins 6. mars 2024

Fulgjólr.rafnæri.undrívskrift

HILMAR GARDAR HJALTASON

Norvétiab: 097668-6255

2023-03-10 10:28:46 GMT

Ástælfa: Undrívskrift

Fulgjólr.rafnæri.undrívskrift

BERGLIND ÓSK GUDMUNDSDÓTTIR

Norvétiab: 080480-4314

2023-03-10 15:33:03 GMT

Ástælfa: Undrívskrift

Fulgjólr.rafnæri.undrívskrift

MARGRET GUNNARSDÓTTIR FLÓVENZ

Norvétiab: 140870-0914

2023-03-10 15:41:26 GMT

Ástælfa: Undrívskrift

AI assistant

Reitir fasteignafélag Proxy Solicitation & Information Statement 2025

2202_rns_2025-03-10_4bb6f668-4260-42b1-aaf1-5f3561b778e4.pdf

SKÝRSLA TILNEFNINGARNEFNDAR REITA FASTEIGNAFÉLAGS HF. TIL AÐALFUNDAR 2025

Hlutverk og verkefni

Starfsreglur nefndarinnar

Skipan nefndarinnar

Starf nefndarinnar

Mat nefndarinnar

Tillögur um stjórnarmenn

Önnur framboð

Viðauki I – Upplysingar um frambjóðendur

5. Heimildir

6. Trúnaður

AI assistant

Reitir fasteignafélag — Proxy Solicitation & Information Statement 2025

2202_rns_2025-03-10_4bb6f668-4260-42b1-aaf1-5f3561b778e4.pdf

SKÝRSLA TILNEFNINGARNEFNDAR REITA FASTEIGNAFÉLAGS HF. TIL AÐALFUNDAR 2025

Hlutverk og verkefni

Starfsreglur nefndarinnar

Skipan nefndarinnar

Starf nefndarinnar

Mat nefndarinnar

Tillögur um stjórnarmenn

Önnur framboð

Viðauki I – Upplysingar um frambjóðendur

5. Heimildir

6. Trúnaður

More from Reitir fasteignafélag

Reitir fasteignafélag Proxy Solicitation & Information Statement 2025