Heimar hf.

Earnings Release • Dec 3, 2024

Heimar hf.: Hækkuð afkomuspá

Heimar hf.: Hækkuð afkomuspá

Í áætlunum Heima hf. („Heimar“ eða „félagið“), sem kynntar voru fyrr á þessu ári, var gert ráð fyrir að leigutekjur félagsins fyrir árið 2024 myndu nema 13,7 – 13,9 ma.kr. og EBITDA 9,8 – 10,0 ma. kr. Félagið hefur nú uppfært leigutekju- og EBITDA spá sína fyrir árið 2024 og áætlar nú að leigutekjur verði á bilinu 13,9 – 14,1 ma.kr. og EBITDA verði 9,95– 10,15 ma. kr.

Betri afkomuspá er aðallega tilkomin vegna betri nýtingar á leigurýmum en gert hafði verið ráð fyrir. Þá hefur kostnaður vegna reksturs og viðhalds í fasteignum jafnframt verið undir áætlunum.

Vinna við ársuppgjör er að hefjast og því geta lykiltölur enn tekið einhverjum breytingum á uppgjörstímabilinu. Heimar munu birta niðurstöðu ársins þann 12. febrúar 2025 í samræmi við fjárhagsdagatal.

Nánari upplýsingar veitir Halldór Benjamín Þorbergsson, forstjóri Heima hf., sími: 821 0001