Origo

Pre-Annual General Meeting Information • Apr 30, 2019

Viðbótartillaga tilnefningarnefndar Origo hf. 2019

Viðauki við skýrslu nefndarinnar frá 21. febrúar 2019

Lagt fyrir hluthafafund sem boðaður er þann 2. maí 2019

Tilnefningarnefnd hafa borist tvö framboð til varamanna í stjórn Origo hf. fyrir hluthafafund 2. maí 2019:

Elísabet Grétarsdóttir er yfirhönnuður félagslegra kerfa (e. director of social systems) hjá tölvuleikjafyrirtækinu DICE í Svíþjóð. Hún hefur starfað hjá fyrirtækinu síðan 2015 og gegndi áður hlutverki markaðsstjóra tölvuleiksins Battlefield. Elísabet var markaðsstjóri Arion Banka 2012-2015. Hún vann við markaðsmál og fleira hjá CCP á árunum 2006-2012. Elísabet er með MSc gráðu í markaðsfræðum frá Háskólanum í Stokkhólmi.

Gunnar Zoëga starfar sem ráðgjafi og útskrifaðist sem kerfisfræðingur frá Háskólanum í Reykjavík og lauk BSc gráðu frá Háskólanum í Suður-Karólínu í Bandaríkjunum. Hann starfaði sem framkvæmdarstjóri hjá Origo hf. (áður Nýherji hf.) á árunum 2011-2019. Gunnar hefur setið í stjórnum Focal ehf., DCI, SUT og Val og gegnt ýmsum nefndarstörfum til að stuðla að aukinni menntun ungs fólks í tæknigeiranum.

Tilnefningarnefnd metur bæði Elísabetu og Gunnar hæf til setu í stjórn Origo hf. og leggur til að þau verði kjörin varamenn.

Tillaga tilnefningarnefndar að skipan aðalstjórnar sem lögð var fram í skýrslu nefndarinnar þann 21. febrúar 2019 stendur óbreytt.

Reykjavík 24. apríl 2019

Ásdís Jónsdóttir Eyþór Ívar Jónsson Ívar Kristjánsson