Marel — Regulatory Filings 2020

Jun 4, 2020

Marel: Tilkynning vegna samninga um viðskiptavakt

Marel: Tilkynning vegna samninga um viðskiptavakt

Þann 12. mars sl. birti Marel tilkynningu um að Kvika banki og Íslandsbanki, sem sinna viðskiptavakt með hlutabréf félagsins í Nasdaq kauphöllinni á Íslandi, hygðust beita heimild í samningum um viðskiptavaktir til þess að víkja frá skilyrðum samninganna í óviðráðanlegum aðstæðum hvað varðar verðbil og fjárhæðir á meðan slíkt ástand varir.

Kvika banki og Íslandsbanki hafa nú tilkynnt Marel um að ekki sé lengur talin þörf á því að nýta heimildir samninganna að þessu leyti og gilda því ákvæði um verðbil og fjárhæðir að nýju.

Fjárfestatengsl

Nánari upplýsingar veita Fjárfestatengsl Marel í gegnum netfangið:IR@marel.com og í síma +354 563 8001.

Um Marel

Marel er í fararbroddi á heimsvísu í þróun og framleiðslu tækja, hugbúnaðar og þjónustu fyrir matvælavinnslu á kjúklingi, kjöti og fiski. Hjá félaginu starfa um 6.300 manns í yfir 30 löndum, þar af um 720 á Íslandi. Marel velti um 1,3 milljarði evra árið 2019 en árlega fjárfestir Marel um 6% af veltu í nýsköpun og vöruþróun sem styður við aukna hagkvæmni, öryggi og sjálfbærni í matvælavinnslu. Félagið hefur verið skráð í Kauphöll Íslands síðan árið 1992 og var lokið við tvíhliða skráningu í Euronext Kauphöllina í Amsterdam í júní 2019.