Marel — Investor Presentation 2024

Dec 11, 2024

Marel: Sameiginleg fjárfestakynning Marel og JBT á opnu húsi í Marel

Marel: Sameiginleg fjárfestakynning Marel og JBT á opnu húsi í Marel

Meðfylgjandi er fjárfestakynning fyrir arinspjall sem fer fram í dag og er hluti af opnu húsi með stjórnendum Marel og JBT í höfuðstöðvum Marel á Íslandi.

Þar munu Árni Sigurðsson, forstjóri Marel, Brian Deck, forstjóri JBT, og Matt Meister, fjármálastjóri JBT, horfa til framtíðar og fjalla um þau stóru tækifæri og samlegðaráhrif sem felast í sameiningu félaganna fyrir hluthafa Marel og aðra hagaðila.

Spjallið fer fram á ensku kl. 13:00 í dag, miðvikudaginn 11. desember 2024, og verður í beinu streymi hér. 

Nánari upplýsingar um dagskrá og skráningu fyrir þá sem sækja fundinn í persónu má finna á marel.com/tilframtidar. 

Fjárfestatengsl

Nánari upplýsingar veita fjárfestatengsl Marel í gegnum netfangið ir@marel.com og í síma 563 8001.

Um Marel

Marel (NASDAQ: MAREL; AEX: MAREL) er í fararbroddi á heimsvísu í þróun og framleiðslu tækja, hugbúnaðar og þjónustu fyrir matvælavinnslu. Marel var stofnað árið 1983 og hjá félaginu starfa um 7.100 starfsmenn í yfir 30 löndum (þar af um 700 starfsmenn á Íslandi) og þjónusta viðskiptavini í yfir 140 löndum. Lykilmarkaðir félagsins eru í vinnslu alifugla, kjöts, fisks, gæludýrafóðurs, plöntupróteina og fóðurs fyrir fiskeldi. Félagið er skráð í Kauphöll Íslands og Euronext Amsterdam og skilaði 1,7 milljarði evra í tekjur árið 2023 (257 milljarðar króna), en 46% af heildartekjum koma frá þjónustu og varahlutum. Árlega fjárfestir Marel 5-6% af tekjum í nýsköpun og vöruþróun, eða um 15 milljörðum króna árið 2023, með áherslu á sjálfvirkni, róbótatækni og stafrænar lausnir sem tryggja örugg matvæli sem unnin eru á hagkvæman og sjálfbæran hátt. Frekari upplýsingar má finna á marel.com/ir.

Viðhengi: