Marel - Investor Presentation 2021

Marel: Sala og þjónusta á heimsvísu – Fjárfestadagar 2021

Meðfylgjandi er kynningin frá fjárfestafundi Marel í dag um einstakt sölu og þjónustnet félagsins á heimsvísu.

Í ár heldur Marel rafræna fjárfestadaga þar sem stjórnendur Marel ásamt sérfræðingum og viðskiptavinum veita einstaka 360° innsýn í starfsemi Marel.

Í dag, 18. nóvember 2021, fer fram þriðji fjárfestadagur Marel með fjárfestum og markaðsaðilum. Yfirskrift fundarins er “Sala og þjónusta á heimsvísu” en þar munu lykilstjórnendur Marel, þar á meðal Ulrika Lindberg framkvæmdastjóri alþjóðamarkaða og þjónustu og Guðbjörg Heiða Guðmundsdóttir framkvæmdastjóri fiskiðnaðar, fara yfir hvernig við erum stöðugt að styrkja sölu- og þjónustunet okkar á heimsvísu og nýta stafrænar lausnir við þróun á nýjum lausnum og styðja við sölu og þjónustu við matvælaframleiðendur um heim allan.

Skráning fer fram hér og er opin öllum. Upptaka af fundinum, ásamt fyrri fundum verður aðgengileg á marel.com/cmd360.

Þessi fjárfestadagur er partur af 360° viðburðaseríu Marel og er þriðji af fimm rafrænum viðburðum sem fara fram í nóvember og desember, hver með sitt þema.

Fjárfestadagar Marel 360° - viðburðasería

7. október – Rafræn heimsókn í höfuðstöðvar Marel og hvítfiskvinnslu Brim
11. nóvember – Tækifæri til vaxtar
18. nóvember – Sala og þjónusta á heimsvísu
2. desember – Stafrænar lausnir
9. desember – Sjálfbærni

**Fjárfestatengsl

**Nánari upplýsingar veita Fjárfestatengsl í gegnum netfangið [email protected] og í síma 563 8001.

**Samskiptasvið

**Fjölmiðlafyrirspurnir skulu sendar á Samskiptasvið Marel í gegnum netfangið [email protected] og í síma 563 8200.

U**m Marel

**Marel (NASDAQ: MAREL; AEX: MAREL) er í fararbroddi á heimsvísu í þróun og framleiðslu tækja, heildarlausna, hugbúnaðar og þjónustu fyrir matvælavinnslu á kjúklingi, kjöti og fiski. Hjá Marel starfa nú um 7.000 manns í yfir 30 löndum, þar af um 720 á Íslandi. Marel velti 1.238 milljónum evra árið 2020, en árlega fjárfestir félagið um 6% af veltu í nýsköpun og vöruþróun sem styður við aukna hagkvæmni, öryggi og sjálfbærni í matvælavinnslu. Félagið var stofnað 1983, skráð í Kauphöll Íslands árið 1992, og tvíhliða skráð í Euronext kauphöllina í Amsterdam árið 2019.