Kvika banki

M&A Activity • Feb 21, 2025

Disclosure 455231

Kvika banki hf. - Innherjaupplýsingar

Kvika banki hf.: Kaup Landsbankans á TM samþykkt

Samkeppniseftirlitið hefur nú kunngert að gerð hafi verið sátt við Landsbankann vegna kaupa á 100% hlutafjár TM trygginga hf. af Kviku banka. Þar með hefur fyrirvörum í kaupsamningi sem lúta að samþykki fjármálaeftirlits Seðlabanka Íslands og Samkeppniseftirlitsins verið aflétt. Afhending á tryggingafélaginu til Landsbankans er áætluð þann 28. febrúar næstkomandi og mun Landsbankinn greiða Kviku banka umsamið kaupverð við afhendingu.

Eins og kom fram í tilkynningu Kviku banka um kaupin þann 30. maí 2024 er umsamið kaupverð 28,6 ma.kr. og miðast það við efnahagsreikning TM í upphafi árs 2024. Endanlegt kaupverð verður aðlagað miðað við breytingar á efnislegu eigin fé TM frá upphafi árs 2024 til afhendingardags.

Í kjölfar viðtöku á kaupverði hyggst stjórn Kviku banka leggja til á aðalfundi bankans þann 26. mars næstkomandi sérstaka arðgreiðslu til hluthafa bankans og verður sú tillaga birt samhliða öðrum tillögum stjórnar til aðalfundar eigi síðar en þann 5. mars næstkomandi.

Vinsamlegast athugið að tilkynning þessi er tilkynning á innherjaupplýsingum í samræmi við 17. gr. reglugerðar (ESB) nr. 596/2014 um markaðssvik („MAR“), sem var veitt lagagildi hérlendis með lögum um aðgerðir gegn markaðssvikum nr. 60/2021.