Kvika banki

AGM Information • Mar 26, 2025

Aðalfundur Kviku banka hf. var haldinn 26. mars 2025 að Nauthóli við Nauthólsvík í Reykjavík.

Helstu niðurstöður fundarins voru eftirfarandi:

• 1. Ársreikningur vegna ársins 2024 var samþykktur eins og hann var lagður fram. Þá samþykkti fundurinn að greiddur yrði út arður til hluthafa á árinu 2025. Fjárhæð arðsins nemi 5 krónum á hlut.
• 1. Fundurinn samþykkti eftirfarandi tillögu stjórnar um að heimila félaginu að kaupa eigin hlutabréf:

"Aðalfundur Kviku banka hf. haldinn 26. mars 2025 samþykkir að veita stjórn félagsins heimild, á grundvelli 55. gr. laga um hlutafélög, nr. 2/1995, til að kaupa fyrir hönd félagsins allt að 10% af hlutafé þess. Heimild þessi skal nýtt í þeim tilgangi að; i) koma á formlegri endurkaupaáætlun og/eða ii) auka eða styrkja viðskiptavakt með hluti í félaginu, þannig að félagið eigi, að öðrum lagaskilyrðum fullnægðum, allt að 10% af hlutafé félagsins. Hlutabréf sem Kvika eignast á grundvelli heimildar þessarar má nota í þeim tilgangi að uppfylla skuldbindingar félagsins samkvæmt kaupréttarsamningum, sem gerðir eru á milli félagsins og starfsmanna þess, sem og til greiðslu kaupauka, í samræmi við starfskjarastefnu og kaupaukakerfi Kviku. Framkvæmd endurkaupa á grundvelli heimildar þessarar er háð því skilyrði að fyrirframsamþykki Fjármálaeftirlits Seðlabanka Íslands, samkvæmt 77. gr. reglugerðar ESB nr. 575/2013 um varfærniskröfur að því er varðar lánastofnanir og verðbréfafyrirtæki, hafi verið veitt. Aðrar eldri heimildir til kaupa á eigin hlutum falla úr gildi við samþykkt heimildar þessarar, án þess þó að það hafi áhrif á endurkaupaviðskipti sem eru þegar hafin, eða þegar hefur verið stofnað til, fyrir þann 26. mars 2025.

Heimild þessi gildir fram að aðalfundi Kviku banka hf. árið 2026 en hafi hann ekki farið fram þann 30. apríl 2026 rennur hún út í síðasta lagi þann dag."

1. Fundurinn samþykkti eftirfarandi tillögu stjórnar um lækkun hlutafjár með niðurfellingu eigin hluta og samsvarandi breytingu á samþykktum:

"Aðalfundur Kviku banka hf., haldinn þann 26. mars 2025, samþykkir að lækka hlutafé félagsins um 91.073.340 kr. að nafnverði, eða sem nemur 91.073.340 hlutum, úr kr. 4.722.073.340 í kr. 4.631.000.000 að nafnverði. Lækkunin verður framkvæmd með ógildingu eigin hluta bankans að framangreindri fjárhæð, að uppfylltum skilyrðum laga."

Tillagan fól í sér breytingu á ákvæði gr. 2.1 samþykkta félagsins þannig að ákvæðið verður eftirleiðis svohljóðandi:

"Heildarhlutafé félagsins er kr. 4.631.000.000. Engar hömlur eru settar við ráðstöfun hluthafa á hlutabréfum í félaginu."

1. Fundurinn samþykkti eftirfarandi breytingu á samþykktum félagsins:

"Að fellt verði niður bráðabirgðaákvæði II."

• 1. Stjórnarkjör fór fram. Í aðalstjórn félagsins voru kjörin:
  2. Sigurður Hannesson
  3. Helga Kristín Auðunsdóttir
  4. Guðjón Reynisson
  5. Ingunn Svala Leifsdóttir
  6. Páll Harðarson

Til setu í varastjórn félagsins voru kjörin:

• Kolbrún Jónsdóttir
• Thomas Skov Jensen
• 1. Samþykktar voru eftirfarandi tillögur varðandi tilnefningarnefnd:
  2. (i) Samþykkt var að hluthafar staðfesti framvegi skipan/kosningu allra þriggja nefndarmanna og að samsvarandi breyting yrði gerð á samþykktum félagsins.
  3. (ii) Samþykktar voru starfsreglur tilnefningarnefndar sem lágu fyrir fundinum.
  4. (iii) Samþykkt var að þóknun til nefndarmanna í tilnefningarnefnd verði fast tímagjald sem nemur kr. 29.000.
  5. (iv) Þau Jakobína Hólmfríður Árnadóttir, Helga Melkorka Óttarsdóttir og Ragnar Páll Dyer voru kjörin í tilnefningarnefnd félagsins.
• 1. Á fundinum lá frammi tillaga um starfskjarastefnu félagsins í samræmi við 79. gr. a laga nr. 2/1995 um hlutafélög og var hún samþykkt.
• 1. Aðalfundur kaus endurskoðunarfyrirtækið Deloitte ehf. sem endurskoðanda félagsins fyrir árið 2025.
• 1. Margrét Flóvenz var endurkjörin í endurskoðunarnefnd bankans.
• 1. Eftirfarandi tillaga um þóknanir stjórnar- og nefndarmanna var samþykkt:

"Lagt er til að þóknun stjórnarmanns fyrir næsta starfsár félagsins verði ákveðin kr. 565.000 á mánuði ("mánaðarleg stjórnarþóknun") og þóknun stjórnarformanns verði tvöföld mánaðarleg stjórnarþóknun. Lagt er til að varaformaður stjórnar fái auk mánaðarlegrar stjórnarþóknunar greitt 40% af mánaðarlegri stjórnarþóknun til viðbótar. Lagt er til að stjórnarmenn fái greitt 25% af mánaðarlegri stjórnarþóknun fyrir hvern stjórnarfund umfram 15 fundi fram að næsta aðalfundi félagsins.

Þá er lagt til að þóknun varamanna í stjórn verði helmingur mánaðarlegrar stjórnarþóknunar fyrir hvern setinn stjórnarfund en þó aldrei hærri en mánaðarleg stjórnarþóknun innan hvers mánaðar. Greiðsla til hvers varamanns skal að lágmarki nema mánaðarlegri stjórnarþóknun á ári. Loks er lagt til að nefndarmenn undirnefnda stjórnar fái 45% af mánaðarlegri stjórnarþóknun á mánuði og nefndarformaður fái þar að auki 15% af mánaðarlegri stjórnarþóknun á mánuði."