Kvika banki

AGM Information • Mar 5, 2025

Kvika banki hf.: Fundarboð á aðalfund 26. mars 2025

Kvika banki hf.: Fundarboð á aðalfund 26. mars 2025

Aðalfundur Kviku banka hf., kt. 540502-2930 („Kvika“), verður haldinn miðvikudaginn 26. mars 2025, kl. 16:00, á Nauthóli við Nauthólsvík í Reykjavík.

Á dagskrá fundarins verða eftirfarandi mál:

1. Skýrsla stjórnar félagsins um starfsemi þess síðastliðið starfsár.
2. Ársreikningur félagsins fyrir árið 2024 ásamt ákvörðun um meðferð hagnaðar félagsins á reikningsárinu og meðferð hluta af söluverði TM.

Stjórn Kviku leggur til að greiddur verði út arður til hluthafa bankans sem nemi kr. 5 á hlut.

1. Tillaga um endurnýjun á heimild félagsins til að kaupa eigin hlutabréf.
2. Tillaga um lækkun hlutafjár með ógildingu eigin hluta og samsvarandi breytingu á samþykktum félagsins.
3. Tillaga að breytingu á samþykktum félagsins.
4. Kosning stjórnar og varastjórnar félagsins.
5. Tilnefningarnefnd.
   1. Tillaga um að hluthafar staðfesti framvegis skipan/kosningu allra þriggja nefndarmanna og samsvarandi breytingu á samþykktum félagsins.
   2. Tillaga um breytingar á starfsreglum tilnefningarnefndar.
   3. Tillaga um þóknun nefndarmanna í tilnefningarnefnd.
   4. Tillaga um staðfestingu á skipan þriggja nefndarmanna í tilnefningarnefnd.
6. Tillaga um starfskjarastefnu félagsins.
7. Kosning endurskoðenda félagsins.
8. Tilnefning aðila í endurskoðunarnefnd.
9. Ákvörðun þóknunar til stjórnarmanna og nefndarmanna í undirnefndum stjórnar félagsins.
10. Önnur mál.

Fundarstörf fara fram á íslensku. Fundargögn eru aðgengileg á heimasíðu félagsins á íslensku og ensku utan þess að ársreikningur félagsins er eingöngu aðgengilegur á ensku. Dagskrá, endanlegar tillögur, starfskjarastefna, ársreikningur félagsins og önnur fundargögn munu liggja frammi á skrifstofu félagsins að Katrínartúni 2, Reykjavík, hluthöfum til sýnis í 21 dag fyrir aðalfund. Umrædd gögn, ásamt upplýsingum um frambjóðendur til stjórnar, verða einnig birt á heimasíðu félagsins, www.kvika.is/agm. Þá er skýrsla tilnefningarnefndar meðfylgjandi fundarboði þessu, auk þess sem hún er aðgengileg á heimasíðu félagsins.

Að öðru leyti vísast til meðfylgjandi fundarboðs.

Viðhengi: