Klappir Grænar Lausnir hf. — Earnings Release 2020

Apr 29, 2020

Klappir grænar lausnir hf.: Rekstur fyrsta ársfjórðungs 2020

Klappir grænar lausnir hf.: Rekstur fyrsta ársfjórðungs 2020

Helstu upplýsingar:

• **Sala á vöru og þjónustu samkvæmt óendurskoðuðu uppgjöri nam 89,8 mkr

  á fyrsta ársfjórðungi [F1 2019: 51,4 mkr]. Tekjuvöxtur var um 75% frá sama tímabili í fyrra.
  - EBITDA nam 25,1 mkr (28%) á fyrsta ársfjórðungi [F1 2019: -13,9 mkr].** 

Rekstur Klappa grænna lausna á fyrsta ársfjórðungi var í samræmi við áætlanir félagsins.

Sú fjárfesting, sem ráðist var í á árinu 2019 og fól í sér að stækka vistkerfi Klappa, fjölga

notendum, styrkja hugbúnaðarlausnirnar, bæta þjónustuframboðið og endurskipuleggja

félagið, skilaði sér strax á fyrsta ársfjórðungi ársins 2020. Áfram verður unnið að ýmsum

verkefnum sem fela í sér hagræði bæði til skemmri og lengri tíma. Hugbúnaðarlausnir og

þjónusta við viðskiptavini hafa að undanförnu skilað tekjuvexti og sterkri afkomu með eftirfarandi hætti: 

• Notendum á haftengdum lausnum Klappa fjölgaði verulega. Í byrjun árs fékk

  félagið pöntun frá Scorpio og MOL í hugbúnað fyrir 220 skip. Salan fór fram í

  gegnum samstarfsaðila Klappa í Bretlandi, ChartCo. Fyrirspurnir eru farnar

  að berast í hafnarhugbúnaðinn frá erlendum höfnum, m.a. Lissabon og Barcelona.

• Notendum að umhverfishugbúnaði Klappa fjölgaði bæði á Íslandi og hjá erlendum

  starfsstöðvum íslenskra fyrirtækja - eins er fyrirspurnum frá erlendum fyrirtækjum

  að fjölga. Á árinu verður lögð áhersla á að fjölga erlendum notendum og horfum

  við þá mest til Bretlands, auk Danmerkur og Svíþjóðar.

• Notendum að áhættumatshugbúnaði Klappa fjölgar hratt. Unnið verður að því að

  styrkja þann hugbúnaðarhluta sem snýr að áhættumati vegna loftslagsmála en félagið

  fékk fyrstu pöntun á þessari lausn frá núverandi viðskiptavini í Þýskalandi. Einnig

  verður lögð áhersla á að styrkja þann hluta sem snýr að UFS áhættumati.

• Notendum þeirra hugbúnaðarlausna Klappa, sem snúa að rekstri og utanumhaldi

  eigna með tilliti til skilvirkrar notkunar á orku, vatni og þess að minnka magn og

  urðun úrgangs, er að fjölga. Lögð verður áhersla á að þróa þessar lausnir enn frekar.

• Notendum að þeirri einingu, sem snýr að hönnun með tilliti til öryggis, er að fjölga.

  Nýjustu pantanir komu frá Korea Atomic Energy Research Institute og Leuven-háskólanum.

• Þeim aðilum, sem nýttu sér þjónustu Klappa, fjölgaði verulega miðað við sama tímabil

  á síðasta ári. Markmiðið er að styrkja þjónustuna enn frekar þar sem áhersla verður lögð

  á stuðning við samstarfsaðila og viðskiptavini bæði á Íslandi og erlendis.

Reiknað er með að áhrif vegna Covid-19 verði til þess að tekjur félagsins dragist saman á öðrum

og þriðja ársfjórðungi. Vonast er til að tekjur fari að aukast aftur á fjórða ársfjórðungi. Þó svo að

tekjur dragist saman tímabundið verður lögð áhersla á að halda áfram að styrkja félagið,

þjónustuframboð og hugbúnaðarlausnir þess ásamt því að halda utan um starfsfólkið - þessi

fjárfesting kemur til með að skila sér í haust. Reynt verður að nýta allan þann stuðning sem félagið

fær aðgang að í gegnum aðgerðarpakka ríkisstjórnarinnar. Einnig verður áfram unnið að

fyrirhuguðu hlutafjárútboði.

Nánari upplýsingar veita

Jón Ágúst Þorsteinsson, forstjóri Klappa

S: 664 9200

Netfang: jat@klappir.com

Ólöf Ásta Ólafsdóttir, framkvæmdastjóri fjármálasviðs

S: 661 0202

Netfang: olof@klappir.com

Viðhengi

Í viðhengi má finna bréf til hluthafa.

Viðhengi: