Klappir Grænar Lausnir hf. — AGM Information 2021

Mar 22, 2021

KLAPPIR

Aðalfundur Klappa Grænna Lausna hf. 2021

Stjórn Klappa Grænna Lausna hf. boðar til aðalfundar í félaginu sem haldinn verður á Hótel Hilton, Reykjavík, þriðjudaginn 13. apríl 2021. Fundurinn hefst kl. 16:00. Einnig verður boðið upp á rafræna þátttöku.

Drög að dagskrá frá stjórn eru svohljóðandi:

1. Skýrsla stjórnar um starfsemi félagsins árið 2020.
2. Skýrsla forstjóra og ársreikningur kynntur.
3. Stjórn leggur fram til afgreiðslu endurskoðaðan ársreikning félagsins.
4. Ákvörðun um tillögu stjórnar um hvernig skuli fara með hagnað eða tap ársins 2020.
5. Kosning stjórnar félagsins.
6. Kosning endurskoðunarfélags.
7. Ákvörðun um þóknun til stjórnarmanna.
8. Tillaga stjórnar um starfskjarastefnu félagsins.
9. Tillaga stjórnar um heimild félagsins til kaupa á eigin hlutum.
10. Tillaga stjórnar til aðalfundar um tillögur til breytinga á samþykktum félagsins.
11. Önnur mál löglega fram borin

a) Stjórn hefur borist tillaga frá hluthafa sem felur í sér jöfnun réttinda milli A og B hlutaflokka.

Öll skjöl og tillögur sem lögð verða fyrir aðalfund verður að finna á vefsíðu félagsins www.klappir.com.

Hluthafar geta látið umboðsmann sækja hluthafafundinn fyrir sína hönd. Umboðsmaður skal leggja fram skriflegt umboð.

Ekki verður hægt að greiða atkvæði með rafrænum hætti á fundinum. Hluthöfum gefst kostur á að greiða atkvæði um mál sem eru á dagskrá fundarins bréflega. Skal beiðni um slíka atkvæðagreiðslu hafa borist skrifstofu félagsins eða á netfangið investors@klappir.com eigi síðar en fimm dögum fyrir fundinn, þ.e. fyrir kl. 16.00 miðvikudaginn 8. apríl 2021.

---

Hluthafar eiga rétt á að fá mál sett á dagskrá aðalfundar og leggja fram ályktunartillögu ef gerð hefur verið skriflega eða rafræn krafa þar um. Óski hluthafi eftir að koma máli eða tillögu á dagskrá fundarins skal slík beiðni hafa borist skrifstofu félagsins eða á netfangið investors@klappir.com eigi síðar tveimur víkum fyrir fundinn, þ.e. fyrir kl. 16:00 laugardaginn 3. apríl 2021.

Endanleg dagskrá og tillögur verða birtar viku fyrir fundinn.

Framboðsfrestur vegna stjórnarkjörs rennur út fimm dögum fyrir upphaf aðalfundar. Framboðum skal skila á skrifstofu Klappa Grænna Lausna hf., Ármúla 4-6, 108 Reykjavík eða á netfangið investors@klappir.com fram til 9. apríl kl. 16:00. Framboðseyðublað er að finna á vefsíðu félagsins www.klappir.com. Upplýsingar um frambjóðendur til stjórnar verða birtar eigi síðar en tveimur dögum fyrir aðalfund.

Atkvaeðaseðlar og önnur fundargögn verða afhent á fundarstað.

Athygli er vakin á því að endanlegt fyrirkomulag aðalfundarins kann að taka breytinum með hliðsjón af gildandi sóttvarnarreglum hverju sinni.

Reykjavík, 22. mars 2021
Stjórn Klappa Grænna Lausna hf.