Kaldalón hf. - Board/Management Information 2021

Kaldalón hf.: Breytingar á framkvæmdastjórn

Kaldalón hf. (KALD) – breytingar á framkvæmdastjórn

Jónas Þór Þorvaldsson hættir hjá Kaldalóni
Jón Þór Gunnarsson ráðinn forstjóri Kaldalóns

Jónas Þór Þorvaldsson, forstjóri Kaldalóns hf., hefur ákveðið að láta af störfum hjá félaginu frá og með 1. júlí nk.

Stjórn Kaldalóns hf. hefur ráðið Jón Þór Gunnarsson, sem forstjóra félagsins, og mun ráðningin taka gildi þann 1. júlí n.k. Jón Þór er M.Sc. byggingarverkfræðingur frá Denmark Tekniske Universitet og B.Sc. Umhverfis- og byggingarverkfræði frá Háskóla Íslands. Jón Þór hefur undanfarin ár starfað sem forstöðumaður hjá Gamma Capital Management og Kviku banka hf, og hefur víðtæka reynslu af fasteignum og fasteignaþróun. Hann hefur leitt þróun, hönnun og framkvæmdir fjölda verkefna og setið í stjórn fjölda félaga er snúa að rekstri eða uppbyggingu fasteigna.

Jón Þór Gunnarsson, forstjóri Kaldalóns hf.

„Ég hlakka til að takast á við verkefnin og umbreytingarstarfið framundan. Ég þekki félagið og verkefni þess vel. Stefna félagsins um aukna áherslu á tekjuberandi eignir og fyrirhuguð skráning á aðalmarkað árið 2022 gerir starfið einkar áhugavert.“

Jónas Þór Þorvaldsson

“Það hefur verið ánægjulegt að fá að koma að uppbyggingu félagsins síðastliðin tvö ár þar sem mikið hefur unnist við að efla það og þroska við krefjandi aðstæður. Framundan eru spennandi tímar þar sem stefnt er að aukinni fjárfestingu Kaldalóns í tekjuberandi eignum og skráningu þess á aðallista Kauphallarinnar. Ég vil á þessum tímamótum óska hluthöfum félagsins og stjórn þess velfarnaðar á þeirri vegferð og þakka sérstaklega fyrir samvinnuna.”