Islandsbanki — Proxy Solicitation & Information Statement 2021

May 26, 2021

Tillögur til hluthafafundar 2021

1. mai 2021

---

Tillögur til hluthafafundar 2021

Miðvikudagur 26. maí 2021, kl. 15:00 í höfuðstöðvum Íslandsbanka hf. (hér eftir bankinn), Norðurturni, Hagasmára 3, 201 Kópavogi.

1. Tillaga um ráðstöfun á hluta af listaverkasafni bankans til listasafna

Lagt er til að hluthafafundur samþykki að bankinn gefi 203 listaverk í eigu bankans til Listasafns Íslands eða viðurkenndra safna, skv. 10. gr. safnalaga 141/2011, í samráði við Listasafn Íslands. Verkin verði gefin með þeim skilmálum að bankinn hafi áfram í sínum vörslum þau 51 verk sem bankinn nýtir í starfsemi sinni. Um það verði gerður vörslusamningur milli bankans og Listasafns Íslands til fyrirfram skilgreinds tíma. Önnur verk, 152 talsins, verði gefin og afhent Listasafni Íslands eða öðrum viðurkenndum listasöfnum.

1. Tillaga um breytingar á samþykktum bankans

Stjórn bankans leggur til að hluthafafundur samþykki nýjar samþykktir fyrir bankann í samræmi við hjálagða tillögu.

Um tillöguna:

Um heildarendurskoðun samþykkta bankans er að ræða. Helstu breytingar eru eftirfarandi:

• Hlutafé bankans (krónur 10.000.000.000) skiptist eftirleiðis í 2.000.000.000 hluti, hver að nafnvirði fimm (5) krónur eða margfeldi þeirrar fjárhæðar. Hlutafé bankans tilheyrir allt einum flokki hlutafjár.
• Heimilt er að halda hluthafafundi rafrænt, í heild eða að hluta.
• Kosning stjórnar bankans skal framkvæmd sem margfeldiskosning milli einstaklinga, sbr. c liður 6. mgr. 63. gr. laga nr. 2/1995 um hlutafélög.

• Bankinn skal hafa starfandi þriggja manna tilnefningarnefnd sem hefur það meginhlutverk að tilnefna einstaklinga til stjórnarsetu í bankanum. Nefndarmenn tilnefningarnefndar skulu vera þrír (3) og skulu þeir kjörnir af stjórn til eins árs í senn. Nefndin skal vera sjálfstæð í störfum sínum og skal meirihluti nefndarmanna vera óháður félaginu og stjórnendum þess.

• Tillaga um starfsreglur tilnefningarnefndar

Lagt er til að hluthafafundur samþykki starfsreglur tilnefningarnefndar í samræmi við hjálagða tillögu.

1. Önnur mál

Engin.