Islandsbanki — Earnings Release 2021

Oct 28, 2021

Fréttatilkynning

Afkoma priöja

årsfjörnungs
2021

Íslandsbanki hf.

1. október 2021

---

Íslandsbanki – Afkoma þriðja ársfjórðungs 2021

HELSTU ATRIÐI Í AFKOMU

Helstu atriði í afkomu þriðja ársfjórðungs 2021 (3F21) – besta afkoma í meira en fimm ár

• Hagnaður af rekstri Íslandsbanka nam 7,6 ma. kr. á þriðja ársfjórðungi (3F20: 3,4 ma. kr.). Arðsemi eigin fjár var 15,7% á ársgrundvelli (3F20: 7,4%) sem er yfir fjárhagslegum markmiðum bankans og spám greiningaraðila.
• Hreinar vaxtatekjur námu 8,8 ma. kr. á 3F21 samanborið við 8,3 ma. kr. á 3F20. Hækkunin á milli ára er tilkomin vegna stækkunar á lánasafni bankans.
• Hreinar þóknanatekjur jukust um 20% á milli ára og námu samtals 3,4 ma. kr. á 3F21. Eignastýring, fjárfestingarbanki og verðbréfaviðskipti leiddu hækkunina.
• Bankinn leggur aðaláherslu á kjarnastarfsemi þar sem vaxtatekjur og þóknanatekjur voru samanlagt 92% af rekstrartekjum á 3F21. Þessir tveir tekjuliðir jukust um 9% á milli ára.
• Hreinar fjármunatekjur námu 941 m.kr. á 3F21 samanborið við 255 m.kr. tap á 3F20, breytingin stafar aðallega af jákvæðri virðisbreytingu á fjárfestingu í óskráðum félögum og vegna tekna af skráðum hluta- og skuldabréfum.
• Stjórnunarkostnaður er sambærilegur milli ára að upphæð 5,1 ma. kr. á 3F21.
• Kostnaðarhlutfall bankans lækkaði á milli ára í 39,4% á 3F21, sem er undir markmiði bankans, úr 46,7% á 3F20 og var það aðallega vegna sterkrar rekstrarafkomu og hagkvæmari reksturs.
• Virðisrýrnun var jákvæð á 3F21 um 1,8 ma. kr. og skýrist helst af batnandi útliti í ferðabjónustu og lækkaði virðisrýrnun á lánum til einstaklinga vegna uppfærðs áhættumatslíkans, en á 3F20 var virðisrýrnun neikvæð um 1,1 ma. kr. vegna áhrifa COVID-19. Hrein virðisbreyting útlána til viðskiptavina var -0,64% á ársgrundvelli á 3F21 samanborið við 0,44% á 3F20.
• Útlán til viðskiptavina drógust saman um 0,8% á fjórðungnum og voru 1.081 ma. kr. í lok september þar sem aukning í fasteignalánum hefur dregist saman í kjólfar vaxtahækkana Seðlabanka Íslands. Útlán til viðskiptavina hafa aukist um 7,4% frá árslokum, aðallega vegna umsvifa í húsnæðislánum auk þess sem vöxtur var í lánum til fyrirtækja.
• Í lok uppgjörstímabilsins hafði hlutfall lána með laskað lánshæfi (vergt bókfært virði) lækkað í 2,0% úr 2,1% í lok júní og 2,9% í árslok, aðallega vegna uppgreiðslu lána á stigi 3.
• Innlán frá viðskiptavinum drógust saman um 11 ma. kr. á þriðja ársfjórðungi sem skýrist af uppgjöri vegna sölu bankans. Innlán frá viðskiptavinum hafa aukist um 75 ma. kr. frá árslokum.
• Lausafjárstaða bankans er áfram sterk og öll lausafjárhlutföll vel yfir innri viðmiðum og kröfum eftirlitsaðila.
• Íslandsbanki gaf í september út fyrsta skuldabréf bankans sem telur til víkjandi eiginfjárþáttar 1 (e. Additional Tier 1) að fjárhæð 750 milljónir sænskra króna með innköllunarheimild af hálfu útgefanda eftir 5 ár. Útgáfan ber 475 punkta álag ofan á þriggja mánaða millibankavexti í sænskum krónum. Töluverð umframeftirspurn var eftir útgáfunni sem seld var til fjárfesta í Skandinavíu og á meginlandi Evrópu.
• Eigið fé bankans nam 197 ma. kr. í lok september og heildareiginfjárhlutfall bankans var 24,7%, að hagnaði fjórðungsins meðtöldum, samanborið við 23,0% í árslok 2020. Eiginfjárhlutfall þáttar 1 var 20,6 samanborið við 23,0% í árslok 2020. Það er vel yfir markmiði bankans sem er 18,3–19,8%. Vogunarhlutfallið var 13,2% í lok september samanborið við 13,6% í árslok 2020 sem telst hátt í alþjóðlegum samanburði.

---

Íslandsbanki – Afkoma þriðja ársfjörðungs 2021

Helstu atriði í afkomu á fyrstu níu mánuðum ársins 2021 (9M21) – viðsnúningur frá fyrra ári vegna jákvæðrar virðisrýrnunar

• Hagnaður af rekstri Íslandsbanka nam 16,6 ma. kr. á fyrstu níu mánuðum ársins (9M20: 3,2 ma. kr.). Arðsemi eigin fjár var 11,7% á ársgrundvelli samanborið við 2,4% á 9M20.
• Hreinar vaxtatekjur námu samtals 25,4 ma. kr. á 9M21 sem er hækkun um 1,1% á milli ára og skýrist af lægra vaxtaumhverfi á milli tímabila.
• Hreinar þóknanatekjur hækkuðu um 20,1% á milli ára og námu samtals 9,2 ma. kr. á 9M21. Vöxturinn dreifist nokkuð jafnt eftir liðum sem sýnir að tekjurnar aukast á sterkum grunni.
• Hreinar fjármunatekjur námu 1,9 ma. kr. á 9M21 samanborið við tap á 9M20 að fjárhæð 2,2 ma. kr.
• Stjórnunarkostnaður hækkæði á milli ára en hækkunina má aðallega rekja til einskiptiskostnaðar í tengslum við skráningu bankans eða um 663 m.kr. á 1H21, aukins launakostnaðar vegna kjarasamningshækkana og kostnaðar vegna uppsagna.
• Kostnaðarhlutfall lækkæði verulega á milli ára, úr 55,3% á 9M20 í 46,6% á 9M21.
• Hrein virðisrýrnun á 9M21 var jákvæð um 2,4 ma. kr. samanborið við neikvæða virðisrýrnun að fjárhæð 7,0 ma. kr. á 9M20. Jákvæð virðisrýrnun er aðallega vegna bjartari horfa í ferðabjónustu en fyrir ári síðan var neikvæð virðisrýrnun tengd upphafi heimsfaraldurs COVID-19. Hrein virðisbreyting útlána til viðskiptavina var -0,30% á ársgrundvelli á 9M21 samanborið við 0,98% á 9M20.

Lykiltölur

		3F21	3F20	9M21	9M20	2020
REKSTUR	Hagnaður eftir skatta, m.kr	7.587	3.361	16.633	3.230	6.755
	Arðsemi eigin fjár (eftir skatta)	15,7%	7,4%	11,7%	2,4%	3,7%
	Vaxtamunur (af heildareignum)	2,4%	2,5%	2,4%	2,6%	2,6%
	Kostnaðarhlutfall¹	39,4%	46,7%	46,6%	55,3%	54,3%
	Hrein virðisbreyting útlána til viðskiptavina	(0,64%)	0,4%	(0,30%)	1,0%	0,9%
		30.9.21	30.6.21	31.3.21	31.12.20	30.9.20
EFNAHAGUR	Útlán til viðskiptavina, m.kr	1.081.418	1.089.723	1.029.415	1.006.717	970.309
	Eignir samtals, m.kr	1.456.372	1.446.860	1.385.235	1.344.191	1.328.724
	Áhættuvegnar eignir, m.kr	917.764	924.375	954.712	933.521	942.339
	Innlán frá viðskiptavinum, m.kr	754.442	765.614	698.575	679.455	698.610
	Útlán til viðskiptavina / innlán frá viðskiptavinum	143%	142%	147%	148%	139%
	Hlutfall lána með laskað lánshæfi²	2,0%	2,1%	2,4%	2,9%	3,3%
		-	-	-	-	-
LAUSAFÉ	Lausafjárhlutfall (LCR), allir gjaldmiðlar	225%	187%	172%	196%	136%
	Hlutfall stöðugrar fjármögnunar (NSFR), allir gjaldmiðlar	121%	122%	119%	123%	113%
EIGID FÉ	Eigið fé samtals, m.kr	197.381	190.355	185.471	186.204	182.509
	Eiginfjáhrultfall almenns þáttar 1³	20,6%	20,1%	19,2%	20,1%	19,4%
	Eiginfjáhrultfall þáttar 1³	21,8%	20,1%	19,2%	20,1%	19,4%
	Eiginfjáhrultfall³	24,7%	22,9%	21,9%	23,0%	22,2%
	Vogunarhlutfall³	13,2%	12,4%	12,6%	13,6%	13,4%

1. Reiknað sem: (stjórnunarkostnaður + framtag í Tryggingarsjóð innstæðueigenda og fjárfesta – einskiptislõir) / (heildarrekstrartekjur – einskiptislõir).
2. Stig 3, útlán til viðskiptavina, vergt bókfært virði.
3. Að meðtöldum hagnaði þriðja ársfjörðungs.

---

Íslandsbanki – Afkoma þriðja ársfjórðungs 2021

Birna Einarsdóttir, bankastjóri Íslandsbanka

Afkoma Íslandsbanka á þriðja ársfjórðungi var sú besta í rúmlega fimm ár og nam hagnaður fjórðungsins 7,6 milljörðum króna sem samsvarar 15,7% arðsemi á ársgrundvelli sem er umfram markmið bankans og spár greiningaraðila. Bætt afkoma frá fyrra ári skýrist helst af jákvæðri virðisrýrnun sem nam 1,8 milljarði króna á fjórðungnum en undirliggjandi rekstur var einnig gríðarsterkur. Viðsnúningur virðisrýrnunar er tilkominn vegna bjartari horfa í ferðabjónustu og er hrein virðisbreyting útlána til viðskiptavina áfram á réttri leið. Vaxtatekjur jukust um 6% milli ára í kjólfar aukningar útlána til viðskiptavina á tímabilinu, mest vegna fasteignalána. Hreinar þóknanatekjur jukust um 20% vegna sterks undirliggjandi reksturs þar sem nánast allir starfsþættir stuðla að hækkuninni. Kostnaðarhlutfall var 39,4% sem er undir markmiðum bankans og er tilkomið vegna góðrar tekjumyndunar og hagræðingaraðgerða á undanförnum misserum. Með þessari frammistöðu er Íslandsbanki á góðri leið með að ná 10% arðsemi á ársgrundvelli til lengri tíma litið. Þar að auki var útgáfa víkjandi skuldabréfs að upphæð 750m. kr. sænskra króna á fjórðungnum liður í þeirri vegferð að besta samsetningu efnahagsreiknings bankans.

Mikil viðskipti hafa verið með hlutabréf Íslandsbanka í Nasdaq kauphöllinni frá því að frumútboði bankans lauk í júní. Hluthafar íslandsbanka eru þeir fjölmennustu af þeim fyrirtækjum sem skráð eru í íslensku kauphöllina, mikil viðskipti hafa verið með hlutabréfin og gengi bréfanna haldist sterkt frá skráningu samanborið við önnur félög skráð í íslensku kauphöllina og skráða evrópska banka.

Viðskiptavinir nýttu sér þjónustu bankans í miklum mæli á fjórðungnum var notkun stafrænna lausna meiri en nokkru sinni fyrr. Bankinn tók þátt í útgáfu grænna/blárra skuldabréfa Brims og samfélags skuldabréfs Grunnstoðar, dótturfyrirtækis Háskólans í Reykjavik.

Innleiðing nýs lánakerfis gengur vel og samkvæmt áætlun er stefnt að því að innleiðingu verði lokið fyrir áramót. Þá mun bankinn hafa lokið uppfærslu á öllum grunnkerfum bankans sem gerir okkur enn betur í stakk búin að þjónusta viðskiptavini okkar með stafrænum hætti.

Afkomuefni

Ítarlegri umfjöllun um rekstrarafkomu má finna í enskri útgáfu fréttatilkynningar. Sé misræmi á milli tilkynninga á íslensku annars vegar og ensku hins vegar, skal enska útgáfan gilda.

---

Íslandsbanki – Afkoma þriðja ársfjörðungs 2021

FJÁRFESTATENGL

Afkomufundur og vefstreymi föstudaginn 29. október 2021

Íslandsbanki mun halda afkomufund/vefstreymi föstudaginn 29. október kl. 8.30 fyrir fjárfesta og markaðsaðila í höfuðstöðvum bankans, Hagasmára 3, 9.hæð. Birna Einarsdóttir, bankastjóri og Jón Guðni Ómarsson, fjármálastjóri munu kynna afkomu bankans og helstu atriði í rekstri hans á þriðja ársfjörðungi. Fundurinn fer fram á ensku.

Skráning á fundinn fer fram á þessari síðu. Upptaka af fundinum verður aðgengileg á síðu fjárfestatengsla að honum loknum.

Markaðsaðilar geta einnig hringt inn á fundinn og lagt fram spurningar í gegnum eftirfarandi símanúmer:

Ísland +354 800 74 37
Danmörk: +45 354 45 577
Svíþjóð: +46 8 566 42 651
Noregur: +47 235 00 243
Bretland: +44 33 330 00 804
Bandarikin: +1 631 913 1422
Aðgangskóði: 90140657#

Fjárhagsdagatal

Stefnt er að birtingu árshluta- og ársuppgjørs á neðangreindum dagsetningum

Árshlutauppgjör 4F21 – 10. febrúar 2022
Hluthafafundur – 17. mars 2022
Árshlutauppgjör 1F22 – 5. mái 2022
Árshlutauppgjör 2F22 – 28. júli 2022
Árshlutauppgjör 3F22 – 27. október 2022

Vinsamlega athugið að dagsetningarnar eru birtar með fyrirvara um breytingar.

Fjárfestaefni

Allt fjárfestaefni mun verða birt á heimasiðu fjárfestatengsla þar sem upplýsingar um fjárhagsdagatal og þögul tímabil er einnig aðgengilegt:

https://www.islandsbanki.is/is/flokkur/bankinn/fjarfestatengsl