Icelandair Group - Earnings Release 2023

Icelandair: Hægir á bókunarflæði en áfram gert ráð fyrir hagnaði

Jarðhræringarnar á Reykjanesi hafa ekki haft áhrif á flugsamgöngur um Keflavíkurflugvöll og flugáætlun Icelandair er óbreytt. Vegna ástandsins hefur þó hægst verulega á sölu á flugferðum til Íslands næstu vikurnar miðað við það sem áður var áætlað. Flug yfir vetrarmánuðina bókast seinna en sumarmánuðirnir og hefur núverandi ástand haft neikvæð áhrif á tekjumyndun síðustu vikna ársins, en ferðamannamarkaðurinn til Íslands er mikilvægur þáttur í tekjumyndun í nóvember og desember.

Vegna þessarar stöðu hefur afkomuspá sem birt var 13. september sl. verið felld úr gildi og

á meðan óvissa er enn uppi er ekki hægt að birta nákvæma afkomuspá fyrir árið í heild. Félagið gerir þó enn ráð fyrir að skila jákvæðri afkomu eftir skatta á árinu 2023.

Bogi Nils Bogason, forstjóri Icelandair:

„Jarðhræringarnar á Reykjanesi hafa ekki haft nein áhrif á flugumferð til og frá Íslandi og við tökum vel á móti ferðamönnum. Atburðirnir hafa hins vegar haft mikil áhrif á líf Grindvíkinga og hugur okkar er hjá þeim. Við höfum verið leiðandi flugfélag á Íslandi í áratugi og höfum mikla reynslu af því að takast á við náttúruöflin og höfum undirbúið okkur vel fyrir mismunandi sviðsmyndir. Við erum í góðu samstarfi við yfirvöld og vísindafólk sem fylgist náið með stöðunni og ef til breytinga kemur á flugáætlun munum við upplýsa farþega með okkar venjulegu samskiptaleiðum.“

Nánari upplýsingar

Fjárfestar: Íris Hulda Þórisdóttir, Forstöðumaður Fjárfestatengsla. Netfang: [[email protected]

](https://www.globenewswire.com/Tracker?data=5EsFpPIfwRTH40AZG-0C9ZT0YJQU-GpQ4VvInBxw0W9aie6Sjm0Fi2lb1s1qQGeBmzFm7Q6ZNImqJik5oOGmWYmQMzPutQyU146vB1-2gCo5znXyRCSZMQ-s9U1CiOy2qgYwaboDWgz7WmuArzjUA9C2_gS8zHo9lz3Pluy9mNq2U4out8ocAoT9e_50BiSgrq7_9axOMve8V5rmFGNTJA0zyjq6CHt8ZUrb3zNVHC4Mem7hDcQOJzh5f8Y9PV4uCB6Ukojbq-GZHcVeytwTgBRYhzKNFw8rkE9-lHsFAG1wftjKVmjpV8agM3omKdEzXYmf83GAbmE6lyDf0ECRG_1rm1GZjfXU2qIf0oh1xF7ICFFSxgrrjfnUg-zn_svi2AzjXRyp2UYVLAD_hzd9lXKRiwW1MZlpdYCEiC_fN-Aycyhmuc9FtXENpZpM2nWRABXj8OVB1rKioKTTrbd6xYoWzThfTIAxtiPsiV6lhPfi6_WRo0y0iRmWJ9eIO9cIfUTxvqiHkeYXID1h1syX3G3Ux5gSfDCHIljr8ZkVVhFTHb_bdb9PK-Su4QAMuSX6GWKJnjyt6Bk57UybX2GfhR9G39v57WB6KNlQADnrWVKpQtH8GysKbjl7XrSQ5L_sAHHPmJksE7BdgGqNW4JQCtfzX4r5B5H8-z7ojkclMK_UIy9BpWIV-AezAPCU6oM3x5L4CsDAKHYed2ZNOE0Q-mi8Z-nnNDzPn_MJ8vDjb_N485kCmEUpSGSKoY8_aztQygT_2dVsaz1H_T4yUdVOEA==)Media: Ásdís Pétursdóttir, Forstöðumaður Samskipta og sjálfbærni. Netfang: [email protected]