AI assistant
Icelandair Group Earnings Release 2019
2197_rns_2019-08-06_e0ed43fd-9d49-43fe-baee-93931493bffe.html
Earnings Release
Open in viewerOpens in your device viewer
Flutningatölur júlí 2019
Flutningatölur júlí 2019
Í júlí var farþegafjöldi Icelandair tæplega 564 þúsund og jókst um 9% milli ára. Framboð var aukið um 8%. Sætanýting var 82,9% samanborið við 85,3% í júlí í fyrra en leiðakerfisbreytingar sem gerðar voru vegna kyrrsetningar MAX véla félagsins skömmu fyrir ferðatímann höfðu talsverð neikvæð áhrif á sætanýtingu í júlí. Farþegum til Íslands fjölgaði um 32% eða um ríflega 60 þúsund og hefur félagið aldrei flutt jafnmarga farþega til landsins í júlímánuði eins og í ár, eða samtals tæplega 251 þúsund. Farþegum fjölgaði einnig á heimamarkaðinum frá Íslandi, eða um 23%, sem nam rúmlega 11 þúsund farþegum. Þessi aukning farþega til og frá Íslandi er meðal annars vegna áherslu félagsins á að lágmarka áhrif kyrrsetningar Boeing 737 MAX véla félagsins og breytinga í samkeppnisumhverfinu með því að tryggja flugframboð á þessum mörkuðum.
Atlantshafsmarkaðurinn var áfram stærsti markaður félagins í júlí með um 45% af heildarfarþegafjölda þrátt fyrir að fjöldi skiptifarþega hafi dregist saman um 10% á milli tímabila. Komustundvísi í leiðakerfi félagsins í júlí var 71% samanborið við 51% í júlí á síðasta ári en góður árangur hefur náðst í að bæta stundvísi þrátt fyrir minni sveigjanleika í flugáætlun félagsins vegna kyrrsetningar MAX véla félagsins.
Farþegar Air Iceland Connect voru um 28 þúsund í júlí og fækkaði um 10%, sem er í takt við samdrátt í framleiðslu á milli ára. Sætanýting nam 72,1% og dróst örlítið saman á milli ára. Seldum blokktímum í leiguflugi fjölgaði um 5% milli ára og fraktflutningar jukust um 6%. Seldar gistinætur hjá hótelum félagsins jukust um 3% og var herbergjanýting 89,6% samanborið við 84,1% í júlí 2018.
| ICELANDAIR | JÚL 19 | BR. (%) | ÁTÞ 19 | BR. (%) |
| Farþegar til Íslands | 250.939 | 32% | 1.044.546 | 29% |
| Farþegar frá Íslandi | 59.863 | 23% | 370.487 | 23% |
| Farþegar um Ísland | 253.180 | -10% | 1.141.900 | -3% |
| Fjöldi farþega | 563.982 | 9% | 2.556.933 | 11% |
| Sætanýting | 82,9% | -2,3 ppt | 82,0% | 1,8 ppt |
| Framboðnir sætiskm. (ASK'000.000) | 2.099,4 | 8% | 9.717,4 | 8% |
| Seldir sætiskm. (RPK'000,000) | 1.741,0 | 5% | 7.969,4 | 10% |
| Meðal flugleið (KM) | 3.127 | -4% | 3.130 | -1% |
| Stundvísi (komur) | 71,0% | 19,8 ppt | 72,0% | 13,9 ppt |
| AIR ICELAND CONNECT | JÚL 19 | BR. (%) | ÁTÞ 19 | BR. (%) |
| Fjöldi farþega | 28.349 | -10% | 163.080 | -13% |
| Sætanýting | 72,1% | -0,3 ppt | 68,3% | 4,4 ppt |
| Framboðnir sætiskm. (ASK'000.000) | 17,3 | -9% | 84,3 | -25% |
| LEIGUFLUG | JÚL 19 | BR. (%) | ÁTÞ 19 | BR. (%) |
| Flugvélanýting | 100,0% | 9,1 ppt | 94,3% | 0,9 ppt |
| Seldir blokktímar | 2.800 | 5% | 17.724 | -13% |
| FRAKTFLUTNINGAR | JÚL 19 | BR. (%) | ÁTÞ 19 | BR. (%) |
| Seldir tonnkm. (FTK´000) | 10.686 | 6% | 77.731 | 10% |
| HÓTEL | JÚL 19 | BR. (%) | ÁTÞ 19 | BR. (%) |
| Framboðnar gistinætur | 49.962 | -3% | 257.631 | 9% |
| Seldar gistinætur | 44.772 | 3% | 203.000 | 10% |
| Herbergjanýting | 89,6% | 5,5 ppt | 78,8% | 0,9 ppt |
Markaðsaðilar: Íris Hulda Þórisdóttir forstöðumaður fjárfestatengsla. Netfang: [email protected][
](https://www.globenewswire.com/Tracker?data=E3Xph1XUnWsThS_kxkaxmmLFMk_hmFFay7NKObdq6URNExSko5QSV6QbMeAlfj5357abO_5UDTnEH_fgR2htXI9uvHyco8llnkaSMZy0nB73yGg3ltBTibwl1DyJftwSEAjLGwp626XymFCS3Ntb4iXLGgAN7YrzQERG5siEodOgFX8-fxPhbNwNfLJg7SnRQvGxZdKGVC535HT7nLsfNQ==)Fjölmiðlar: Ásdís Pétursdóttir upplýsingafulltrúi. Netfang: [email protected]