Icelandair Group — Earnings Release 2018

Aug 8, 2018

Flutningatölur júlí 2018

Flutningatölur júlí 2018

Fjöldi farþega Icelandair í júlí nam 519 þúsund og fækkaði þeim um 5% miðað við júlí á síðasta ári.  Framboðnir sætiskílómetrar (ASK) jukust um 2%, en framboðnum sætum fækkaði um 3% á milli ára.  Skýrist munurinn af því að með auknu framboði til N-Ameríku hefur meðalfluglengd í km. aukist milli ára, eða sem nemur 5%.  Sætanýting var 85,3% samanborið við við 89,2% í júlí á síðasta ári. Í júlí er sama þróun og var á öðrum ársfjórðungi. Sala á áfangastaði í N-Ameríku hefur ekki fylgt framboðsaukningunni eftir á meðan að sala til Evrópu hefur verið mjög góð.  Til samanburðar þá var sætanýting á leiðum Icelandair í Evrópu 90,7% og jókst um 2,9 prósentustig á milli ára á meðan að sætanýting á leiðum félagsins til N-Ameríku var 81,9% og lækkaði um 8,9 prósentustig á milli ára.  Fjöldi farþega á heimamarkaðinum frá Íslandi og  ferðamannamarkaðinum til Íslands jókst á milli ára, en dróst saman á N-Atlantshafsmarkaðinum.

Farþegar Air Iceland Connect voru tæplega 32 þúsund og fækkaði um 14% á milli ára. Um miðjan maí í ár hætti félagið flugi til Belfast og Aberdeen og einnig á milli Keflavíkur og Akureyrar og skýrir það fækkunina milli ára. Sætanýting nam 72,4% og jókst um 2,6 prósentustig á milli ára. Fjöldi seldra blokktíma í leiguflugi jókst um 7% á milli ára.  Fraktflutningar drógust saman um 6% á milli ára.  Framboðnum gistinóttum hjá hótelum félagsins fjölgaði um 9% á milli ára. Herbergjanýting var 84,1% samanborið við 87,4% í júlí 2017.

ICELANDAIR	JÚL 18	JÚL 17	BR. (%)	ÁTÞ 18	ÁTÞ 17	BR. (%)
Fjöldi farþega	519.332	545.230	-5%	2.295.185	2.297.565	0%
Sætanýting	85,3%	89,2%	-3,9 %-stig	80,2%	82,9%	-2,7 %-stig
Framboðnir sætiskm. (ASK'000.000)	1.942,3	1.906,9	2%	9.010,2	8.560,4	5%
Seldir sætiskm. (RPK'000,000)	1.656,3	1.700,6	-3%	7.230,6	7.100,9	2%
Meðal flugleið (KM)	3.244	3.079	5%	3.172	3.053	4%
AIR ICELAND CONNECT	JÚL 18	JÚL 17	BR. (%)	ÁTÞ 18	ÁTÞ 17	BR. (%)
Fjöldi farþega	31.523	36.550	-14%	187.988	197.078	-5%
Sætanýting	72,4%	69,7%	2,6 %-stig	63,8%	66,3%	-2,5 %-stig
Framboðnir sætiskm. (ASK'000.000)	19,0	26,7	-29%	111,9	117,4	-5%
LEIGUFLUG	JÚL 18	JÚL 17	BR. (%)	ÁTÞ 18	ÁTÞ 17	BR. (%)
Flugvélanýting	90,9%	100,0%	-9,1 %-stig	93,4%	96,7%	-3,3 %-stig
Seldir blokktímar	2.669	2.489	7%	20.353	15.151	34%
FRAKTFLUTNINGAR	JÚL 18	JÚL 17	BR. (%)	ÁTÞ 18	ÁTÞ 17	BR. (%)
Seldir tonnkm. (FTK´000)	10.081	10.778	-6%	70.925	65.004	9%
HÓTEL	JÚL 18	JÚL 17	BR. (%)	ÁTÞ 18	ÁTÞ 17	BR. (%)
Framboðnar gistinætur	51.475	45.647	13%	230.979	222.080	4%
Seldar gistinætur	43.276	39.882	9%	179.815	178.303	1%
Herbergjanýting	84,1%	87,4%	-3,3 %-stig	77,8%	80,3%	-2,4 %-stig

Nánari upplýsingar veita:

Björgólfur Jóhannsson, forstjóri Icelandair Group, sími: 896-1455

Bogi Nils Bogason, framkvæmdastjóri fjármála Icelandair Group, sími: 665-8801

Viðhengi: