Icelandair Group — Earnings Release 2018

Sep 6, 2018

Flutningatölur ágúst 2018

Flutningatölur ágúst 2018

Fjöldi farþega Icelandair í ágúst nam 523 þúsund og fækkaði þeim um 1% miðað við ágúst á síðasta ári.  Framboðnir sætiskílómetrar (ASK) jukust um 3%, en framboðnum sætum fækkaði um 3% á milli ára.  Skýrist munurinn af því að með auknu framboði til N-Ameríku hefur meðalfluglengd í km. aukist milli ára, eða sem nemur 6%.  Sætanýting var 86,0% samanborið við við 87,9% í ágúst á síðasta ári. Í ágúst er sama þróun og undanfarna mánuði. Sala á áfangastaði í N-Ameríku hefur ekki fylgt framboðsaukningunni eftir á meðan að sala til Evrópu hefur verið mjög góð.  Til samanburðar þá var sætanýting á leiðum Icelandair í Evrópu 90,8% og jókst um 5,8 prósentustig á milli ára á meðan að sætanýting á leiðum félagsins til N-Ameríku var 83,1% og lækkaði um 6,7 prósentustig á milli ára.  Fjöldi farþega á heimamarkaðinum frá Íslandi og  ferðamannamarkaðinum til Íslands jókst á milli ára, en dróst saman á N-Atlantshafsmarkaðinum.

Farþegar Air Iceland Connect voru tæplega 33 þúsund og fækkaði um 15% á milli ára. Um miðjan maí í ár hætti félagið flugi til Belfast og Aberdeen og einnig á milli Keflavíkur og Akureyrar og skýrir það fækkunina milli ára. Sætanýting nam 70,8% og lækkaði um 1,5 prósentustig á milli ára. Fjöldi seldra blokktíma í leiguflugi jókst um 20% á milli ára.  Fraktflutningar drógust saman um 6% á milli ára.  Framboðnum gistinóttum hjá hótelum félagsins fjölgaði um 14% á milli ára. Herbergjanýting var 89,9% samanborið við 88,6% í ágúst 2017.

ICELANDAIR	ÁGÚ 18	ÁGÚ 17	BR. (%)	ÁTÞ 18	ÁTÞ 17	BR. (%)
Fjöldi farþega	522.925	528.885	-1%	2.818.110	2.826.450	0%
Sætanýting	86,0%	87,9%	-1,9 %-stig	81,3%	83,8%	-2,6 %-stig
Framboðnir sætiskm. (ASK'000.000)	1.952,7	1.895,7	3%	10.962,8	10.456,2	5%
Seldir sætiskm. (RPK'000,000)	1.678,4	1.665,4	1%	8.909,0	8.766,3	2%
Meðal flugleið (KM)	3.271	3.093	6%	3.189	3.060	4%
AIR ICELAND CONNECT	ÁGÚ 18	ÁGÚ 17	BR. (%)	ÁTÞ 18	ÁTÞ 17	BR. (%)
Fjöldi farþega	32.934	38.955	-15%	220.922	236.033	-6%
Sætanýting	70,8%	72,3%	-1,5 %-stig	64,9%	67,5%	-2,6 %-stig
Framboðnir sætiskm. (ASK'000.000)	20,3	27,2	-25%	132,2	144,7	-9%
LEIGUFLUG	ÁGÚ 18	ÁGÚ 17	BR. (%)	ÁTÞ 18	ÁTÞ 17	BR. (%)
Flugvélanýting	90,9%	100,0%	-9,1 %-stig	93,1%	97,1%	-4,0 %-stig
Seldir blokktímar	2.940	2.442	20%	23.293	17.594	32%
FRAKTFLUTNINGAR	ÁGÚ 18	ÁGÚ 17	BR. (%)	ÁTÞ 18	ÁTÞ 17	BR. (%)
Seldir tonnkm. (FTK´000)	10.291	11.004	-6%	81.215	76.008	7%
HÓTEL	ÁGÚ 18	ÁGÚ 17	BR. (%)	ÁTÞ 18	ÁTÞ 17	BR. (%)
Framboðnar gistinætur	44.149	38.786	14%	275.128	260.866	5%
Seldar gistinætur	39.687	34.368	15%	219.502	212.671	3%
Herbergjanýting	89,9%	88,6%	1,3 %-stig	79,8%	81,5%	-1,7 %-stig

Nánari upplýsingar veita:

Bogi Nils Bogason starfandi forstjóri Icelandair Group s: 665-8801

Íris Hulda Þórisdóttir forstöðumaður fjárfestatengsla Icelandair Group s: 840-7010

Viðhengi: