Icelandair Group — Capital/Financing Update 2016

Oct 18, 2016

Icelandair Group gefur út skuldabréf að fjárhæð 150 milljónir USD

Icelandair Group gefur út skuldabréf að fjárhæð 150 milljónir USD

Icelandair Group seldi í dag óveðtryggð skuldabréf að fjárhæð 150 milljónir
bandaríkjadollara til fjárfesta. Skuldabréfin eru til fimm ára og bera 3,5%
vexti, ofan á þriggja mánaða LIBOR-vexti, án vaxtagólfs. Fjármagnið verður nýtt
til fyrirframgreiðslna inn á nýjar flugvélar og í fjármögnun annarrar starfsemi
Icelandair Group.

Björgólfur Jóhannsson, forstjóri Icelandair Group:

„Þetta er fyrsta skuldabréfaútgáfa félagsins á erlendum markaði og við erum
einnig eitt fyrsta íslenska fyrirtækið, fyrir utan fjármálastofnanir, sem
gefur út skuldabréf á erlendum markaði í mörg ár. Niðurstaðan er mjög
ánægjuleg, ekki síst í ljósi þess að kjör í skuldabréfaútgáfunni eru þau bestu
sem norrænu flugfélagi bjóðast á óveðtryggðum skuldabréfum. Jafnframt eru
kjörin hagstæð ef litið er til margra alþjóðlegra flugfélaga sem við berum
okkur saman við.“

Pareto Securities AB hafði umsjón með skuldabréfaútgáfunni.

Frekari upplýsingar:

Bogi Nils Bogason
Framkvæmdastjóri fjármála Icelandair Group
Netfang: bogi@icelandairgroup.is
Sími: 665 88 01