Hera

Audit Report / Information • May 29, 2024

Til heradstyret i Voss herad Kopi:

Kontrollutvalet Formannskapet Rådmannen

MELDING FRÅ UAVHENGIG REVISOR

Utsegn om årsrekneskapen

Konklusjon med atterhald

Vi har revidert årsrekneskapen for Voss herad som viser eit netto driftsresultat på kr -9 331 876 i kommunekassa, og eit netto driftsresultat i den konsoliderte årsrekneskapen på kr -12 069 564.

Årsrekneskapen er samansett av:

• Kommunekassa sin årsrekneskap, som består av balanse per 31. desember 2023, oversikt over løyvingar til drift og investering, økonomisk oversikt drift og oversikt over samla budsjettavvik og årsavslutningsdisposisjonar for rekneskapsåret som vart avslutta per denne datoen, samt notar til årsrekneskapen, og
• Konsolidert årsrekneskap som består av balanse per 31. desember 2023, driftsrekneskap og investeringsrekneskap, for rekneskapsåret som vart avslutta per denne datoen, og notar.

Etter vår meining:

• oppfyller kommunekassa sin årsrekneskap, med unntak av verknaden av tilhøvet som er omtala i avsnittet «Grunnlag for konklusjon med atterhald», gjeldande lovkrav og gir i det alt vesentlege ei dekkande framstilling av den finansielle stillinga til kommunekassa per 31. desember 2023, og av resultatet for rekneskapsåret avslutta per denne datoen i samsvar med kommunelova og god kommunal rekneskapsskikk i Noreg.
• oppfyller den konsoliderte årsrekneskapen, med unntak av verknaden av tilhøvet som er omtala i avsnittet «Grunnlag for konklusjon med atterhald», gjeldande lovkrav og gir i det alt vesentlege ei dekkande framstilling av den finansielle stillinga til Voss herad som økonomisk eining per 31. desember 2023, og av resultatet for rekneskapsåret avslutta per denne datoen i samsvar med kommunelova og god kommunal rekneskapsskikk i Noreg.

Grunnlag for konklusjonen med atterhald

Som følgje av for høg bokført inntekt relatert til særleg ressurskrevjande helse- og omsorgstenester, er «Overføringer og tilskudd fra andre» overvurdert med kr 9 161 000 og omløpsmidlar (kortsiktige fordringar) balanseført med kr 9 161 000 for mykje. Utan denne feilen ville netto driftsresultat ha vore kr -18 492 876 i kommunekassa og kr -21 230 564 i den konsoliderte årsrekneskapen.

Vi har gjennomført revisjonen i samsvar med lov, forskrift, god kommunal revisjonsskikk i Noreg og International Standards on Auditing (ISA-ane). Våre oppgåver og plikter etter desse standardane er beskrivne under overskrifta "Revisors oppgåver og plikter ved revisjonen av årsrekneskapen". Vi er uavhengige av kommunen i samsvar med krava i lover og forskrifter i Noreg, og har etterlevd dei

Avdeling Voss Miltzowsgate 2, 5700 Voss Telefon 99 72 61 68

Føretaksregisteret NO 925 841 153 MVA www.vestlands-revisjon.no post@vestlandsrevisjon.no

andre etiske pliktene våre i samsvar med desse krava. Innhenta revisjonsbevis er etter vår vurdering tilstrekkeleg og føremålstenleg som grunnlag for konklusjonen vår.

Årsmeldinga og anna ytterlegare informasjon

Rådmannen er ansvarleg for informasjonen i årsmeldinga. Vår konklusjon om årsrekneskapen ovanfor dekkjer ikkje informasjonen i årsmeldinga.

I samband med revisjonen av årsrekneskapen er det vår oppgåve å lese årsmeldinga. Føremålet er å vurdere om det er vesentleg inkonsistens mellom årsmeldinga og årsrekneskapen og den kunnskap vi har opparbeidd under revisjonen av årsrekneskapen, eller om informasjonen i årsmeldinga elles tilsynelatande er vesentleg feil. Vi uttaler oss om årsmeldinga datert 15. april 2024 og har plikt til å rapportere dersom årsmeldinga framstår som vesentleg feil.

Som omtala i avsnittet «Grunnlag for konklusjonen med atterhald» ovanfor, er «Overføringer og tilskudd fra andre» overvurdert i årsrekneskapen. Årsmeldinga er basert på samme vesentlege feilinformasjon.

Ut frå kunnskapen vi har opparbeidd oss i revisjonen, meiner vi at årsmeldinga, med unntak av verknaden av tilhøvet omtala i avsnittet over

• inneheld dei opplysningane som skal vere med etter gjeldande lovkrav, og
• at opplysningane om økonomi i årsmeldinga stemmer overeins med årsrekneskapen.

Vi viser elles til avsnittet «Utsegn om forklaring for vesentlege budsjettavvik» under vår utsegn om andre lovmessige krav.

Rådmannen sitt ansvar for årsrekneskapen

Rådmannen er ansvarleg for å utarbeide årsrekneskapen og for at den gir ei dekkande framstilling i samsvar med kommunelovas regler og god kommunal rekneskapsskikk i Noreg. Rådmannen er også ansvarleg for slik internkontroll han/ho finn naudsynt for å kunne utarbeide ein årsrekneskap som ikkje inneheld vesentleg feilinformasjon, verken som følgje av misleg framferd eller feil som ikkje er tilsikta.

Revisor sine oppgåver og plikter ved revisjonen av årsrekneskapen

Vårt mål med revisjonen er å oppnå tryggande sikkerheit for at årsrekneskapen totalt sett ikkje inneheld vesentleg feilinformasjon, verken som følgje av feil eller misleg framferd, og å gi ei revisjonsmelding som inneheld vår konklusjon. Tryggande sikkerheit er ei høg grad av tryggleik, men ingen garanti for at ein revisjon utført i samsvar med ISA-ane, alltid vil avdekke vesentleg feilinformasjon. Feilinformasjon kan oppstå som følgje av misleg framferd eller feil som ikkje er tilsikta. Feilinformasjon er å anse som vesentleg dersom den åleine eller samla, innanfor rimeleg grenser, kan forventast å påverke dei økonomiske avgjerdene som brukarane tar, på grunnlag av årsrekneskapen.

Som del av ein revisjon i samsvar med ISA-ane, utøver vi profesjonelt skjøn og viser profesjonell skepsis gjennom heile revisjonen. I tillegg:

• identifiserer og anslår vi risikoane for vesentleg feilinformasjon i årsrekneskapen, enten det skuldast misleg framferd eller feil som ikkje er tilsikta. Vi utformar og gjennomfører revisjonshandlingar for å handtere slike risikoar, og hentar inn revisjonsbevis som er tilstrekkelege og formålstenlege som grunnlag for konklusjonen vår. Risikoen for at vesentleg feilinformasjon som følgje av misleg framferd ikkje blir avdekka, er høgare enn risikoen for feilinformasjon som skuldast feil som ikkje er tilsikta, sidan misleg framferd kan innebere

samarbeid, forfalsking, bevisste utelatingar, feil presentasjonar, eller brot på interne kontrollrutinar.

• opparbeider vi oss ei forståing av internkontroll som er relevant for revisjonen, for å utforme revisjonshandlingar som er føremålstenlege etter tilhøva, men ikkje for å gi uttrykk for ei meining om effektiviteten av kommunen sin interne kontroll.
• evaluerer vi om rekneskapsprinsippa som er brukte, er føremålstenlege, og vi vurderer om rekneskapsestimata og tilhøyrande noteopplysningar som er utarbeidde av Rådmannen, er rimelege.
• evaluerer vi den totale presentasjonen, strukturen og innhaldet i årsrekneskapen, tilleggsopplysningane, og om årsrekneskapen representerer dei underliggjande transaksjonane og hendingane på ein måte som gir ei dekkande framstilling.
• hentar vi inn tilstrekkeleg og formålstenleg revisjonsbevis om den finansielle informasjonen til rekneskapseiningane som inngår i konsolidert årsrekneskap, for å kunne gi uttrykk for ei meining om den konsoliderte årsrekneskapen. Vi er ansvarlege for å leie, følgje opp og gjennomføre revisjonen av den konsoliderte årsrekneskapen. Vi har eineansvar for vår konklusjon om den konsoliderte årsrekneskapen.

Vi kommuniserer med kontrollutvalet og Rådmannen, mellom anna om det planlagde innhaldet i og tidspunkt for revisjonsarbeidet og eventuelle vesentlege funn i revisjonen, irekna vesentlege svakheiter i internkontroll som vi avdekker i løpet av revisjonen.

Utsegn om andre lovmessige krav

Konklusjon om registrering og dokumentasjon

Basert på revisjonen vår av årsrekneskapen slik den er omtalt ovanfor, og kontrollhandlingar vi har funne nødvendige etter internasjonal standard for attestasjonsoppdrag (ISAE) 3000 «Attestasjonsoppdrag som ikke er revisjon eller forenklet revisorkontroll av historisk finansiell informasjon», meiner vi at leiinga har oppfylt si plikt til å sørgje for ordentleg og oversiktleg registrering og dokumentasjon av kommunen sine rekneskapsopplysningar, i samsvar med lov og god bokføringsskikk i Noreg.

Utsegn om forklaring for vesentlege budsjettavvik

Vi har utført eit attestasjonsoppdrag som skal gje moderat sikkerheit, knytt til Voss herad si forklaring for vesentlege budsjettavvik, enten det skuldast beløpsmessige avvik eller avvik frå kommunestyret sine premissar for bruken av løyvingane.

Konklusjon med atterhald

Basert på dei utførte handlingane og innhenta bevis er vi, med unntak av tilhøvet som er omtala i avsnittet «Grunnlag for konklusjon med atterhald» nedanfor, ikkje blitt kjent med tilhøve som gir grunn til å tru at årsmeldinga ikkje gir dekkande opplysningar om vesentlege budsjettavvik.

Grunnlag for konklusjon med atterhald

Som omtala i avsnittet «Grunnlag for konklusjonen med atterhald» under uttala om årsrekneskapen er «Overføringer og tilskudd fra andre» overvurdert i årsrekneskapen. Dersom inntektene ikkje var overvurdert, ville det vore eit vesentleg budsjettavvik som skulle vore forklart i årsmeldinga.

Rådmannen sitt ansvar for å forklare budsjettavvik

Rådmannen er ansvarleg for å etablere administrative rutinar som sørger for at det blir utarbeidd og iverksett rutinar som sikrar at alle vesentlege budsjettavvik blir identifisert og forklart. Dette gjeld både beløpsmessige rammer og vedtekne premissar for bruken av løyvingane. I årsmeldinga skal

Rådmannen forklare vesentlege beløpsmessige avvik mellom årsbudsjettet og årsrekneskapen, og vesentlege avvik frå kommunestyret eller fylkestinget sine premissar for bruken av løyvingane.

Våre oppgåver og plikter

Vår oppgåve er å sjå etter om årsmeldinga gir dekkande opplysningar om vesentlege beløpsmessige avvik frå årsbudsjettet og vesentlege avvik frå kommunestyret sine premissar for bruken av løyvingane. Vi skal gje ei fråsegn om årsmeldinga på grunnlag av bevisa vi har henta inn. Vi har utført vårt attestasjonsoppdrag med moderat sikkerheit i samsvar med reglane i kommunelova og RSK 302 Forenkla etterlevingskontroll av vesentlege budsjettavvik. Standarden krev at vi planlegg og gjennomfører oppdraget for å oppnå moderat sikkerheit for om det ligg føre dekkande opplysningar om vesentlege budsjettavvik i årsmeldinga.

Utføring av eit attestasjonsoppdrag som skal gje moderat sikkerheit i samsvar med RSK 302, inneber å utføre handlingar for å innhente bevis for om det er avvik frå budsjettvedtak, både beløpsmessige avvik og avvik frå kommunestyret sine premissar for bruken av løyvingane, og om det i årsmeldinga er gitt dekkande opplysningar om årsakene til avvika. Revisor sitt skjøn avgjer typen, tidspunktet for og omfanget handlingar. Moderat sikkerheit har klart lågare sikkerheitsgrad enn tryggande sikkerheit, og vi gir derfor ikkje uttrykk for same nivå av sikkerheit i attestasjonen, som i konklusjon om årsrekneskapen i revisjonsmeldinga. Vi meiner at vi har innhenta tilstrekkeleg og føremålstenleg bevis som grunnlag for konklusjonen vår.

Isdalstø, 15. april 2024

Vestlandsrevisjon IKS

Janne Eraker statsautorisert revisor

_____________________________

Signaturene i dette dokumentet er juridisk bindende. Dokument signert med "Penneo™ - sikker digital signatur". De signerende parter sin identitet er registrert, og er listet nedenfor.

"Med min signatur bekrefter jeg alle datoer og innholdet i dette dokument."

Eraker, Janne Statsautorisert revisor

På vegne av: Vestlandsrevisjon Serienummer: no_bankid:9578-5995-4-105767 IP: 85.200.xxx.xxx 2024-04-15 23:06:34 UTC

D okumentet er sig ner t digit alt , med Pe n neo .com. Alle digit ale signat urd a t a i d o k umentet er sikre t og v alidert av den d a t amas kin-utregned e has h v erdien av det op pri n nelig e dokume n t . Do k umentet er lås t og tids-stemplet me d e t ser tifikat fr a en betro dd tre djepar t . All kry ptogr afi s k bevis er i n tegrert i den ne P D F , for frem tidig v alidering (hvis n ø d ven dig ) .

Hvordan bekrefter at dette dok umentet er orgi n ale n ?

D okumentet er bes kyttet a v ett Ado b e CDS sertifi k a t. Når d u åp ner dok ume ntet i Adob e Rea der , s k al d u k u n n e se at dokumentet er sertifisert av Pe n neo e-si g n ature service . Dett e gar a n t erer at innholdet i dok ume n tet ik k e h ar blit t endret.

Det er lett å k o n troller e de kry p t ogr afi s k e bevi s er som er lo k alisert in ne i d o k umentet, med Penne o valid a tor htt p s :// penneo.com/validator