Fly Play hf. - Board/Management Information 2025

Fly Play hf.: Sonja lætur af störfum

Sonja Arnórsdóttir hefur látið af störfum sem framkvæmdastjóri tekna- og þjónustusviðs (CCO). Verkefni sem heyrðu undir Sonju munu færast yfir á skrifstofu forstjóra og heyra þá undir forstjóra fyrirtækisins, Einar Örn Ólafsson.

„Sonja hefur haft yfirumsjón með að leiða inn sölu- og þjónustuferla innan fyrirtækisins. Í dag stöndum við uppi með kröftug sölukerfi sem munu reynast fyrirtækinu vel. Þar að auki hafa verið innleidd öflug þjónustuviðmið sem sést hvað best í þeirri einkunn sem við fáum í þjónustukönnunum. NPS-skorið okkar hefur hækkað hratt undanfarið og stendur nú í 54, sem er eitthvað sem við getum verið virkilega stolt af. Nú þegar við stígum inn nýja tíma hjá PLAY sáum við fram á að þurfa að gera ákveðnar skipulagsbreytingar þar sem markmiðið er að sameina svið og einfalda reksturinn. Ég vil þakka Sonju fyrir hennar góða framlag til fyrirtækisins og óska henni velfarnaðar í komandi verkefnum,” segir Einar Örn Ólafsson.

„Það hefur verið einstök vegferð að taka þátt í PLAY ævintýrinu og þetta er reynsla sem ég mun ávallt búa að. Við höfum náð að skapa mjög góðan sölu- og þjónustugrunn mun reynast mikilvægur fyrir PLAY að byggja á til framtíðar. Nú þegar ég hverf á önnur mið vil ég þakka starfsfólki PLAY fyrir frábæran tíma og óska þeim alls hins besta,” segir Sonja.