Fly Play hf. - Board/Management Information 2022

Fly Play hf.: Þóra hættir hjá PLAY

Þóra hættir hjá PLAY

Þóra Eggertsdóttir, framkvæmdastjóri fjármálsviðs PLAY, hefur sagt starfi sínu lausu en hún hefur starfað hjá PLAY síðan í maí 2021. Þóra mun sinna stöðu framkvæmdastjóra fjármálasviðs þar til eftirmaður hennar tekur við en tilkynningar þess efnis er að vænta bráðlega.

„Þóra hefur verið öflug og góð samstarfskona á því mikla uppbyggingartímabili sem PLAY hefur verið í síðasta eina og hálfa árið. Hún hefur byggt upp gríðarlega öflugt og flott teymi með sér og lagt grunn sem við munum byggja á í framtíðinni. Ég þakka Þóru innilega fyrir gott og faglegt samstarf og hennar mikilvæga framlag um leið og ég óska henni velfarnaðar í hverju því sem hún tekur sér fyrir hendur í næsta kafla,” segir Birgir Jónsson, forstjóri PLAY.

„Ég er stolt af því að hafa fengið tækifæri til að vinna fyrir PLAY sem framkvæmdastjóri fjármálasviðs á þeim tíma er félagið var í uppbyggingarfasa. Stoltust er ég af fjármálateyminu sem við höfum byggt upp síðustu misseri og mun sannarlega sakna samstarfsfólksins. Ég hef ákveðið að breyta til og skipta um takt og ákvað að segja skilið við félagið. Ég óska PLAY alls hins besta og hlakka til að fylgjast með úr örlítið meiri fjarlægð,” segir Þóra Eggertsdóttir.