Eimskipafélag Íslands — Earnings Release 2017

Jan 29, 2018

Áætlað er að EBITDA Eimskips árið 2017 verði á bilinu 57 til 58 milljónir evra

Áætlað er að EBITDA Eimskips árið 2017 verði á bilinu 57 til 58 milljónir evra

Samkvæmt bráðabirgðatölum fyrir árið 2017 er EBITDA Eimskips (rekstrarhagnaður fyrir afskriftir) á bilinu 57 til 58 milljónir evra. Þetta er undir þeirri 60 til 62 milljóna evra afkomuspá sem gefin var út þann 21. nóvember 2017, en um 7,5% hærra en EBITDA ársins 2016.

Ýmsar ástæður leiddu til þess að afkoman í nóvember og desember var undir væntingum. Stærsti áhrifavaldurinn var að útflutningur frá Íslandi og Færeyjum var minni en gert hafði verið ráð fyrir. Eimskip jók á sama tíma  afkastagetu siglingakerfis síns til að uppfylla skuldbindingu sína um vikulega þjónustu á öllum siglingaleiðum.

Félagið vinnur að gerð ársreiknings fyrir árið 2017 og endurskoðun stendur nú yfir. Ofangreind afkomuspá getur tekið breytingum í uppgjörsferlinu og endurskoðuninni.

Í samræmi við fjárhagsdagatal mun Eimskip birta ársreikning sinn fyrir árið 2017 þann 22. febrúar 2018 og mun kynna afkomu ársins 2017 og afkomuspá fyrir árið 2018 á fjárfestafundi sem haldinn verður 23. febrúar kl. 8:30 að Korngörðum 2 í Reykjavík.