HLUTAFJÁRAUKNING

Hlutafjárútboð til forgangsréttarhafa að nýju hlutafé í Eik fasteignafélagi

Nóvember 2014

EIK fasteignafélag hf. Álfheimar 74 www.eik.is

Kynning þessi (hér eftir "kynningin") er útbúin af Eik fasteignafélagi hf. (hér eftir "Eik" eða "félagið") og ráðgjafa félagsins, Arion banka hf. (hér eftir "bankinn"), í tengslum við hlutafjárútboð til forgangsréttarhafa að nýju hlutafé í Eik. Kynningin er eingöngu til upplýsinga og er birt í fréttakerfi NASDAQ OMX Iceland hf. Upplýsingar sem fram koma í kynningu þessari og þau gögn sem hún er byggð á eru alfarið í eigu Eikar eða dótturfélaga þess.

Kynningu þessari er eingöngu ætlað að aðstoða fjárfesta við mat á því hvort þeir hyggist taka þátt í útboði á hlutabréfum í félaginu. Fjárfestum er bent á að útboðið telst ekki almennt útboð í skilningi 43. gr. laga nr. 108/2007 um verðbréfaviðskipti. Arion banka hf. er ekki skylt að meta hvort þátttaka í útboðinu og kaup á hlutum í útgefanda er viðeigandi fyrir fjárfesta og nýtur fjárfestir í slíkum viðskiptum því ekki verndar samkvæmt 16. gr. í lögum nr. 108/2007 um verðbréfaviðskipti.

Kynningin er eingöngu til upplýsingar en felur ekki í sér tilboð um kaup eða sölu verðbréfa og skal mótttaka hennar ekki vera talin fela í sér fjárfestingarráðgjöf af hálfu bankans. Fjárfestar eru hvattir til að greina og leggja eigið mat á fjárfestinguna og setja fram eigin áætlanir á grundvelli þeirra greininga.

Kynning þessi byggir á opinberum gögnum og gögnum frá félaginu sem hafa ekki verið staðreynd af bankanum. Hvorki bankinn né félagið tekur ábyrgð á gæðum, nákvæmni eða áreiðanleika kynningarinnar. Bankinn og starfsmenn hans bera enga ábyrgð á þeim upplýsingum, áætlunum, forsendum eða niðurstöðum sem fram koma í kynningunni eða upplýsingum sem eru veittar í tengslum við hana. Engin ábyrgð er tekin á því að raunveruleg framtíðarþróun og rekstur verði í samræmi við áætlanir sem settar eru fram í kynningunni. Hvorki bankinn né félagið mun gefa yfirlýsingar um að upplýsingarnar, áætlanirnar, forsendurnar eða niðurstöðurnar séu nákvæmar, áreiðanlegar eða fullnægjandi og skulu þeir ekki bera skaðabótaábyrgð á tjóni sem rekja má til þess að þær reynist ónákvæmar, óáreiðanlegar eða ófullnægjandi.

Bankinn ábyrgist hvorki að fjárfestum né ráðgjöfum sem fá þessa kynningu afhenta verði veittur frekari aðgangur að gögnum um fjárfestinguna, né að þeim berist upplýsingar um uppfærslur eða leiðréttingar á efni hennar ef þær verða gerðar.

Með því að taka á móti kynningu þessari samþykkir viðtakandi framangreindar takmarkanir og hömlur.

Arion banki hf. á 23,85% hlutafjár í Eik fasteignafélagi hf. Fyrirtækjaráðgjöf fjárfestingarbankasviðs Arion banka hf. hefur umsjón með útboðinu sem kynning þessi tekur til. Fyrirtækjaráðgjöf fjárfestingarbankasviðs Arion banka hf. hefur umsjón með fyrirhugaðri töku á hlutabréfum Eikar fasteignafélags hf. til viðskipta á skipulegum verðbréfamarkaði og fær þóknun frá félaginu fyrir þá þjónustu. Arion banki hf. er einn af viðskiptabönkum Eikar fasteignafélags hf. og annast fyrirtækjasvið og viðskiptabankasvið bankans þau viðskipti.

Samantekt