Festi

AGM Information • Mar 5, 2025

Festi hf.: Niðurstöður aðalfundar 5. mars 2025

Aðalfundur Festi hf. var haldinn miðvikudaginn 5. mars 2025 klukkan 10:00 í höfuðstöðvum félagsins að Dalvegi 10-14, Kópavogi. Helstu niðurstöður fundarins eru sem hér segir.

1. Fundurinn samþykkti ársreikning móðurfélags og samstæðureikning félagsins fyrir árið 2024.

2. Ákvörðun var tekin um greiðslu arðs vegna rekstrarársins 2024 sem hér segir:

"Stjórn Festi hf. leggur til við aðalfund þann 5. mars 2025 að arður verði greiddur til hluthafa að fjárhæð kr. 1.401.750.000 vegna rekstrarársins 2024 eða kr. 4,5 fyrir hverja eina krónu af nafnverði hlutafjár í félaginu. Arðurinn verði greiddur til hluthafa þann 9. apríl 2025. Síðasti viðskiptadagur þar sem arður fylgir bréfunum er 4. mars 2025 og arðleysisdagur er því 5. mars 2025. Arðsréttindadagur er 6. mars 2025, sem þýðir að arður greiðist þeim sem skráðir eru í hlutaskrá Festi hf. hjá Nasdaq CSD í lok dags 6. mars 2025."

3. Tillögur tilnefningarnefndar að breyttum starfsreglum nefndarinnar voru samþykktar.

Um breytingarnar er vísað til skýrslu tilnefningarnefndar og tillöguskjals fyrir fundinn sem aðgengilegt er á vefsíðu félagsins, https://www.festi.is/vidburdir/adalfundur-festi-2025.

4. Niðurstaða stjórnarkjörs.

Stjórnarkjör fór fram á fundinum og voru eftirfarandi einstaklingar kjörnir í stjórn félagsins til næsta aðalfundar:

Edda Blumenstein Guðjón Auðunsson Guðjón Reynisson Hjörleifur Pálsson Sigurlína Ingvarsdóttir

Stjórn hefur skipt með sér verkum og er Hjörleifur Pálsson formaður stjórnar og Guðjón Reynisson varaformaður stjórnar.

• 5. Tillaga stjórnar um að skipa Höllu Thoroddsen, Ingu Björgu Hjaltadóttur og Tómas Eiríksson í tilnefningarnefnd var samþykkt.
• 6. Tillaga stjórnar um að skipa Björgólf Jóhannsson sem utanaðkomandi nefndarmann í endurskoðunarnefnd var samþykkt.
• 7. Deloitte ehf. var kosið endurskoðunarfirma félagsins fyrir árið 2025.
• 8. Ákvörðun var tekin um þóknun til stjórnarmanna, undirnefnda stjórnar og tilnefningarnefndar sem hér segir:

Stjórnarformaður kr. 920.000 á mánuði, varaformaður stjórnar kr. 690.000 á mánuði og aðrir stjórnarmenn kr. 460.000 á mánuði.

Nefndarmenn í starfskjaranefnd kr. 75.000 á mánuði og formaður starfskjaranefndar kr. 140.000 á mánuði.

Nefndarmenn í endurskoðunarnefnd kr. 115.000 á mánuði og formaður endurskoðunarnefndar kr. 225.000 á mánuði.

Nefndarmenn í tilnefningarnefnd kr. 140.000 á mánuði og formaður tilnefningarnefndar kr. 180.000 á mánuði.

Formaður fjárfestingarráðs kr. 105.000 á mánuði og annar ráðsmaður kr. 75.000 á mánuði.

9. Tillaga stjórnar um starfskjarastefnu félagsins var samþykkt.

Samþykkt starfskjarastefna félagsins er aðgengileg á vefsíðu félagsins, https://www.festi.is/vidburdir/adalfundur-festi-2025.

10. Tillögur stjórnar um breytingar á samþykktum félagsins voru samþykktar.

Um breytingarnar er vísað til tillöguskjals fyrir fundinn sem aðgengilegt er á vefsíðu félagsins, https://www.festi.is/vidburdir/adalfundur-festi-2025.

11. Eftirfarandi tillaga stjórnar um heimild til kaupa á eigin hlutum var samþykkt sem og samsvarandi breyting á samþykktum félagsins:

"Aðalfundur Festi hf. haldinn 5. mars 2025 samþykkir að veita stjórn félagsins heimild, á grundvelli 55. gr. laga nr. 2/1995 um hlutafélög, til að kaupa fyrir hönd félagsins allt að 10% af hlutafé þess. Heimild þessi skal nýtt í þeim tilgangi að setja upp formlega endurkaupaáætlun eða til að gera hluthöfum almennt tilboð um kaup félagsins á eigin bréfum, t.d. með útboðsfyrirkomulagi, enda sé jafnræðis hluthafa gætt við boð um þátttöku í slíkum viðskiptum. Tilgangur félagsins með endurkaupum er að lækka hlutafé félagsins og/eða að gera félaginu kleift að standa við skuldbindingar sínar skv. kaupréttarsamningum við starfsmenn. Við endurkaup skal hæsta leyfilega endurgjald fyrir hvern hlut ekki vera hærra en sem nemur verði síðustu óháðu viðskipta eða hæsta fyrirliggjandi óháða kauptilboði í þeim viðskiptakerfum þar sem viðskipti með hlutina fara fram, hvort sem er hærra. Viðskipti félagsins með eigin hluti skulu tilkynnt í samræmi við lög og reglugerðir. Heimild þessi gildir fram að aðalfundi félagsins 2026. Aðrar eldri heimildir til kaupa á eigin hlutum falla úr gildi við samþykkt heimild þessarar."

Nánari upplýsingar veitir Ásta S. Fjeldsted, forstjóri Festi – asta@festi.is