Sogn Sparebank

Regulatory Filings • Dec 14, 2020

Sogn Sparebank og Eika Alliansen har inngått opsjonsavtale med TietoEvry om framtidig kjernebankløysing

Sogn Sparebank og Eika Alliansen har inngått opsjonsavtale med TietoEvry om framtidig kjernebankløysing

Sogn Sparebank har saman med dei andre bankane i Eika Alliansen inngått opsjonsavtale med TietoEVRY som ny leverandør av kjernebankløysingar. Opsjonsavtalen gjev rett på ein avtale på fem år med mogelegheit for forlenging på totalt fire år. Ein endeleg avtale vil styrkje banken si langsiktige konkurransekraft gjennom kostnadseffektivisering, styrka utviklingskraft og auka strategisk fleksibilitet.

Teknologi er ein stadig meir avgjerande føresetnad for norske bankar si konkurranseevne. Det vert forventa meir samarbeid mellom norske bankar i framtida, også på tvers av dagens alliansar og strukturar, for å oppnå auka stordriftsfordelar. Banken sitt strategiske val skal redusere samarbeidsbarrierar og legge til rette for ytterlegare verdiskapande mogelegheiter for vekst og utvikling gjennom samarbeidet i Eika Alliansen.

Ein endeleg avtale med TietoEVRY er berekna å ville gje alliansebankane i Eika ei samla årleg effektivisering i kostnader på omlag 40 prosent, tilsvarande NOK 220-250 millionar. Berekna tilbakebetalingstid for bankane er mellom fire og fem år. Avhengig av bankane si rekneskapsmessige handtering av investeringa vert hovuddelen av investeringa forventa å komme i perioden 2020-22, medan full innsparing vert forventa oppnådd frå og med seinast 2024. Det vert arbeidd med å sjå på den rekneskapsmessige behandlinga av ein eventuell endeleg avtale. Dette vil bli kommunisert i samband med framlegging av rekneskapen for 4. kvartal 2020.

Oppsummert vert det forventa at ein endeleg avtale fører til kostnadsreduksjon, auka utviklingskraft og forbetra konkurransekraft, noko som igjen vil styrkje banken sine mogelegheiter for å vere ei positiv drivkraft for vekst og utvikling for kundar, tilsette og lokalsamfunn.

Kontaktpersonar:

Adm. Banksjef Mads Indrehus, tlf. 909 50 615

Ass. Banksjef Gunnar Skahjem, tlf. 913 74 994