Sogn Sparebank

Capital/Financing Update • Apr 19, 2022

Finanstilsynet sin vurdering av Sogn Sparebank sin pilar 2-krav i samband med SREP

Finanstilsynet sin vurdering av Sogn Sparebank sin pilar 2-krav i samband med SREP

Sogn Sparebank har motteke Finanstilsynet sin SREP-tilbakemelding. Tilbakemeldinga inkluderer Finanstilsynet sin vurdering av føretaket sitt pilar 2-krav og kapitalmål.

Etter Finanstilsynet sin vurdering har Sogn Sparebank eit samla kapitalbehov i pilar 2 som utgjer 3,0 prosent av berekningsgrunnlaget for pilar 1. Pilar 2-kravet skal dekkast av rein kjernekapital. Til samanlikning er gjeldande pilar 2-kvar for Sogn Sparebank på 3,0 %.

Finanstilsynet legg til grunn at Sogn Sparebank tilpassar sin kapitalisering slik at den til ei kvar tid overstig kapitalkrava med god margin. Finanstilsynet understrekar at Sogn Sparebank skal vurdera kapitalbehovet framover. Styret i banken bør mellom anna vektlegga behov for naudsynt handlingsrom for å kunne oppretthalde normal utlånsaktivitet i nedgangsperiodar, og for at kapitaliseringa understøttar tilgangen til kapitalmarknadar også under vanskelege marknadsforhold.

Etter Finanstilsynet sin vurdering er styret sin fastsette kapitalkravsmargin for låg. Finanstilsynet forventar at styret fastsett ein høgre kapitalkravsmargin, seinast ved neste vurdering av risiko og kapitalbehov (ICAAP).

Styret i Sogn Sparebank sluttar seg til vedtaket frå Finanstilsynet om nytt Pilar 2 tillegg på 3,0 %. Dette trer i kraft 30. april 2022.

Kontaktperson:

Adm. Banksjef Mads Indrehus tlf.nr. 909 50 615