Skel fjárfestingafélag

M&A Activity • Oct 30, 2024

Disclosure 451690

Skel fjárfestingafélag hf. - Innherjaupplýsingar

SKEL fjárfestingafélag hf.: Samrunaviðræðum við Samkaup slitið

Vísað er til fyrri tilkynninga dags. 19. janúar, 22. mars, 15. maí og 9. september 2024 vegna samrunaviðræðna SKEL fjárfestingafélags hf. („SKEL“) og Samkaupa hf. („Samkaup“), kt. 571298-3769 vegna samruna Samkaupa og tiltekinna félaga í samstæðu SKEL, nánar tiltekið Orkunnar IS ehf., Löður ehf., Heimkaupa ehf. og Lyfjavals ehf. („samrunafélögin“). Heimkaup rekur m.a. verslanir Prís, Extra, 10-11 og fer félagið með eignarhluti í Brauð & Co og Sbarro.

Undanfarna mánuði hefur SKEL átt í samrunaviðræðum við Samkaup eins og kynnt hefur verið. Framkvæmdar voru áreiðanleikakannanir, mat á rekstrarhorfum og tækifærum til þróunar og uppbyggingar hins sameinaða félags. Það var niðurstaða aðila að skynsamlegt væri að sameina félögin og í því lægju umtalsverð tækifæri til að ná fram samlegð.

Samkaup hefur mætt rekstrarlegum áskorunum það sem af er ári. Það sama gildir um matvörueiningar Heimkaupa, líkt og uppgjör SKEL fyrir fyrstu 6 mánuði ársins ber með sér. SKEL gerði kröfu um að hluthafar Samkaupa myndu auka hlutafé félagsins fyrir samruna. Stjórn Samkaupa féllst ekki á þá kröfu og tilkynnti um slit á viðræðunum.

Ásgeir Helgi Reykfjörð Gylfason, forstjóri SKEL:

„Við fjárfestum miklum tíma og undirbúningi í að koma á laggirnar þriðja stóra aflinu á íslenskum smásölumarkaði. Það eru því óneitanlega vonbrigði að það hafi ekki reynst fjárhagslegar forsendur fyrir því verkefni að þessu sinni. Við teljum að neytendur kalli eftir endurnýjun á matvörumarkaði, eins og nýleg opnun Prís sýnir. Í einfaldri mynd þá töldum við rétt og eðlilegt að dregið yrði úr áhættu í rekstri sameinaðs félags með innspýtingu eiginfjár og á það var ekki fallist. Við teljum að allir aðilar hafi unnið sín verkefni í þessu ferli af fullum heillindum og óskum Samkaup velfarnaðar í sinni vegferð. SKEL er óbeinn 5% hluthafi í Samkaupum og mun áfram fylgjast náið með þróun félagsins.“