Origo

Earnings Release • May 7, 2019

Verulegur afkomubati og tekjuvöxtur á fyrsta ársfjórðungi

Heildarhagnaður á fyrsta ársfjórðungi var 213 mkr og EBITDA 237 mkr

REYKJAVÍK - 7. maí 2019 - Origo kynnti í dag uppgjör fyrsta ársfjórðungs 2019

Helstu upplýsingar:

• Sala á vöru og þjónustu nam 3.553 mkr á fyrsta ársfjórðungi [F1 2018: 3.781]. Tempo ehf. er nú ekki hluti af samstæðureikningi félagsins. Tekjuvöxtur án Tempo var um 7% frá sama tímabili í fyrra
• Framlegð nam 922 mkr (25,9%) á fyrsta ársfjórðungi [F1 2018: 908 mkr (24,0%)]
• EBITDA nam 237 mkr (6,7%) á fyrsta ársfjórðungi [F1 2018: 102 mkr (2,7%)]. Án breytinga vegna IFRS 16 hefði EBITDA numið 166 mkr (4,7%)
• Þýðingarmunur vegna dóttur- og hlutdeildarfélaga var 149 mkr
• Heildarhagnaður á fyrsta ársfjórðungi nam 213 mkr [Heildartap F1 2018: 26 mkr]
• Eigið fé nam 7,1 makr. og eiginfjárhlutfall var 62,1% í lok fyrsta ársfjórðungs, samanborið við 66,4% í lok árs 2018. Án breytingar vegna IFRS 16 hefði eiginfjárhlutfall verið um 70%
• Origo keypti eigin bréf í samræmi við endurkaupaáætlun og var fjöldi keyptra hluta 10.149 milljónir og kaupverð um 250 mkr á fyrsta ársfjórðungi
• Í mars var hlutafé félagsins lækkað um 5.703.309 krónur og er nú 459.600.000 krónur
• Félagið greiddi út arð á tímabilinu að upphæð 1 makr
• Origo er "efst í huga" í upplýsingatækni skv. nýjustu mælingum Gallup

Finnur Oddsson, forstjóri:

"Rekstur Origo á fyrsta ársfjórðungi gekk ágætlega miðað við aðstæður. Afkoma var betri en verið hefur mörg undanfarin ár. Tekjur jukust töluvert, að teknu tilliti til Tempo, og EBITDA batnaði mikið og nam tæplega 7% af veltu samanborið við tæp 3% í fyrra. Þessi niðurstaða er annars vegar til komin vegna styrkingar rekstrar á milli ára og hins vegar vegna breyttra aðferða við reikningsskil sem hafa áhrif á EBITDA.

Undanfarna mánuði hefur ríkt óvissuástand á vinnumarkaði og í íslensku efnahagslífi sem olli því að mörg fyrirtæki hafa haldið að sér höndum í fjárfestingum og nýjum verkefnum. Í því ljósi er árangur á fyrsta ársfjórðungi sérlega ánægjulegur og gefur vísbendingu um að stefnumótandi áherslur sem Origo markaði á síðasta ári séu farnar að skila sér í bættum rekstri. Við höfum hagrætt í skipulagi, aukið vægi hugbúnaðarlausna og lagt meiri áherslu á sjálfvirknivæðingu, bæði í eigin rekstri og fyrir viðskiptavini. Í febrúar sl. héldum við áfram með þessa vegferð með frekari einföldun á skipulagi, fækkun í hópi yfirstjórnenda og skarpari áherslu á sölustarf. Þessar breytingar hafa þegar átt þátt í að bæta þjónustu við viðskiptavini og styrkja afkomu. Áfram verður unnið að ýmsum verkefnum sem mun fela í sér hagræði bæði til skemmri og lengri tíma.

FRÉTTATILKYNNING NASDAQ OMX: ORIGO

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Hugbúnaðareiningar Origo hafa að undanförnu skilað kröftugum tekjuvexti og sterkari afkomu af einingum félagsins. Þar hefur verið unnið markvisst starf, einkum í þróun nýrra lausna og eins í stöðugri vöruþróun á eldri vörum. Þá höfum við stóreflt lausnaframboð okkar í viðskiptalausnum og hefur það aldrei verið jafn fjölbreytt og öflugt og nú er. Við finnum fyrir miklum meðbyr með þessum lausnum hjá núverandi viðskiptavinum jafnt sem nýjum.

Ágætur vöxtur er áfram í sölu á notendabúnaði en samkeppni á því sviði er mikil, bæði hérlendis og við erlenda aðila, sem litar afkomu til hins lakara. Við höfum lagt sérstaka áherslu á að nýta stafrænar leiðir í að auka sjálfvirkni, m.a. með öflugri netverslun, netspjalli, afhendingu í gegnum snjallbox, o.fl. Með þessu höfum við náð fram auknu hagræði og betri þjónustu við viðskiptavini.

Origo er, samkvæmt nýrri könnun Gallup, áfram "efst í huga" Íslendinga þegar kemur að upplýsingatækni. Vörumerki Origo er því orðið ágætlega þekkt og markaðsstaðan góð. Nýtt skipulag hefur slípast vel til og skilað okkur árangri á mörgum sviðum og því til viðbótar búum við nú að nægilega breiðu lausnaframboði til að geta þjónað flestum íslenskum viðskiptavinum um helstu þarfir þeirra í upplýsingatækni. Fjárhagsleg staða félagsins hefur aldrei verið sterkari, sem gerir okkur kleift að fjárfesta í nýjum arðbærum verkefnum, hvort sem um innri þróun eða fjárfestingar er að ræða. Með nýjum kjarasamningum, þar sem samningsaðilum hefur borið gæfa til að semja um hóflegar launahækkanir til að tryggja kaupmátt og lífskjarabata fyrri ára, er lagður grunnur að ákveðnum stöðugleika til næstu þriggja ára.

Með öðrum orðum, þá eru auknar líkur á því að aðstæður í íslensku efnahagslífi verði áfram hagfelldar. Staða Origo hefur ekki áður verið eins góð til að takast á við skemmtilegar ögranir, styðja viðskiptavini til góðra verka og skila ábatasömum rekstri. Þegar litið er til næstu missera erum við þess fullviss að horfur í rekstri Origo séu góðar."

FRÉTTATILKYNNING NASDAQ OMX: ORIGO

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Rekstrarniðurstaða á fyrsta ársfjórðungi 2019

Rekstrarreikningur - Lykiltölur
I milljonum ISK	F1 2019	F1 2018
Seldar vörur og þjónusta	3.553	3.781
Vörunotkun og kostnaðarverð seldrar pjonustu	(2.631)	(2.874)
Framlegð	922	908
Rekstrarkostnaður	(825)	(971)
Rekstrarhagnaður	ਰੇਦ	(63)
Hrein (fjarmagnsgjöld) fjarmunatekjur	(43)	28
Hlutdeild i afkomu hlutdeildarfelags	21	0
Hagnaður fyrir tekjuskatt	75	(32)
Tekjuskattur	(11)	7
Hagnaður timabilsins	64	(28)
Þyðingarmunur vegna starfsemi dóttur- og hlutdeildarfélaga	149	2
Heildarhagnaður timabilsins	213	(26)
EBITDA	237	102

• Sala á vöru- og þjónustu á fyrsta ársfjórðungi 2019 nam 3.553 mkr en nam 3.781 mkr á sama tímabili árið 2018, sem er lækkun um 6,0% á milli ára. Eftir sölu á stórum eignarhlut í Tempo í fyrra kemur rekstur þess ekki inn í reikning Origo með sama hætti og í fyrra, ef tekið tillit er til þess er tekjuvöxtur um 7%
• Framlegð nam 922 mkr (25,9%) á fyrsta ársfjórðungi samanborið við 908 mkr (24,0%) á sama tímabili árið 2018
• Rekstrarkostnaður var 825 mkr (23,2% af tekjum) á fyrsta ársfjórðungi samanborið við 971 mkr (25,7% af tekjum) á sama tímabili árið 2018
• EBITDA nam 237 mkr (6,7%) á fyrsta ársfjórðungi 2019 samanborið við 102 mkr (2,7%) á fyrsta ársfjórðungi árið 2018
• Hlutdeild í afkomu hlutdeildarfélags, vegna Tempo, er 21 mkr á fyrsta ársfjórðungi
• Hrein fjármagnsgjöld voru 43 mkr samanborið við 28 mkr fjármagnstekjur á sama tímabili í fyrra
• Þýðingarmunur vegna starfsemi dóttur- og hlutdeildarfélaga er 149 mkr á fyrsta ársfjórðungi en var 2 mkr á sama tímabili árið 2018. Munurinn skýrist af stærstu leyti vegna eignarhlut Origo í Tempo.
• Heildarhagnaður á fyrsta ársfjórðungi árið 2019 var 213 mkr samanborið við tap upp á 26 mkr á sama tímabili árið 2018

FRÉTTATILKYNNING NASDAQ OMX: ORIGO

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Efnahagsreikningur 31.03.2019

Efnahagsreikningur
1 milljónum ISK	31.03.2019	31.12.2018
Fastafjarmunir	6.899	5.724
Veltufjarmunir	4:482	6.625
Eignir samtals	11.381	12.349
Eigið fé	7.064	8.194
Langtimaskuldir	1.720	757
Skammtimaskuldir	2.596	3.397
Eigið fé og skuldir samtals	11.381	12.349
Veltufjarhlutfall	1,73	1.95
Eiginfjarhlutfall	62,1%	66,4%

• Fastafjármunir hækka um 1.175 mkr frá árslokum 2018. Skýringuna má að mestu rekja til innleiðingar IFRS 16 reikningsskilastaðals. Áhrif innleiðingar staðalsins á Fastafjármuni þann 1.1.2019 voru 1.111 mkr
• Veltufjármunir lækka um 2.142 mkr frá árslokum 2018. Mismun má að mestu rekja til þess að Handbært fé lækkar um 1.989 mkr sem kemur til m.a. vegna greiðslu arðs upp á 1.000 mkr og kaupum á eigin bréfum fyrir 244 mkr á tímabilinu
• Eigið fé lækkar um 1.130 mkr frá árslokum 2018. Munar þar mestu um lækkun óráðstafaðs eigið fés vegna arðgreiðslu upp á 1.000 mkr á tímabilinu
• Langtímaskuldir hækka um 963 mkr. Mismun má rekja til áhrifa af innleiðingu IFRS 16 reikningsstaðals. Áhrif innleiðingar staðalsins á langtímaskuldir þann 1.1.2019 er 850 mkr
• Skammtímaskuldir lækka um 801 mkr. Áhrif innleiðingar IFRS 16 reikningsskilastaðals þann 1.1.2019 var hækkun upp á 467 mkr ískammtímaskuldum þrátt fyrir það lækka skammtímaskuldir vegna 1.261 mkr lækkunar í viðskiptaskuldum og öðrum skammtímaskuldum
• Eiginfjárhlutfall er nú 62,1% en var 66,4% í lok árs 2018
• Veltufjárhlutfall er nú 1,73 en var 1,95 í árslok 2018

FRÉTTATILKYNNING NASDAQ OMX: ORIGO

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Sjóðstreymi 1.1. - 31.03.2019

Sjóðstreymi - Lykiltölur
l milljónum ISK	19 31.03. 2019	1. 31.03 2018
Handbært fe fra rekstri	(777)	183
Fjarfestingarhreyfingar	(19)	(190)
Fjarmögnunarhreyfingar	(1.193)	(23)
Lækkun á handbæru fe	(1.989)	(30)
Ahrif gengisbreytinga a handbært fé	0	(7)
Handbært fé í arsbyrjun	3.175	297
Handbært fé i lok timabilsins	1.187	260

• Handbært fé frá rekstri var neikvætt um 777 mkr á fyrsta ársfjórðungi samanborið við jákvæðar 183 mkr á sama tímabili árið 2018. Stærsta ástæða mismunar er 1.261 mkr lækkun á viðskiptaskuldum og öðrum skammtímaskuldum í fjórðungnum.
• Fjárfestingahreyfingar eru 19 mkr en voru 190 mkr á fyrsta ársfjórðungi 2018. Mismunur er aðallega vegna minni eignfærslu í óefnislegum eignum eftir sölu á eignarhlut í Tempo
• Fjármögnunarhreyfingar eru nú 1.193 mkr en voru 23 mkr á sama tímabili árið 2018. Greiddur var 1.000 mkr arður í fyrsta ársfjórðungi 2019 og einnig voru keypt eigin bréf fyrir 244 mkr
• Handbært fé í árslok lækkar því um 1.989 mkr frá árslokum 2018
• Handbært fé í lok tímabilsins er 1.187 mkr en var 260 mkr á sama tímabili árið 2018

Tekjuvöxtur í sölu á hugbúnaði og stóraukið lausnaframboð

Tekjur af hugbúnaði og tengdri þjónustu námu 1.148 mkr á fyrsta ársfjórðungi.

Góður vöxtur var í lausnum og verkefnum fyrir heilbrigðisþjónustu, verkefnum fyrir þjónustusíður, sjálfvirknivæðingu og stafræn umbreytingarverkefni. Einnig jókst sala á ferðalausnum, svo sem til bílaleiga, hótela og annarra fyrirtækja í ferðaþjónustu.

Unnið var að þrónu nýrra lausna fyrir banka og fjármálafyrirtæki, svo sem fyrir audur.is, fjármálaþjónustu á vegum Kviku banka. Einnig má nefna innleiðingu á netbanka fyrir Kviku banka og netbanka og afgreiðslulausnir fyrir sparisjóðina.

SAP-ráðgjafateymi Origo var valið samstarfsaðili ársins 2018 á United VAR, sem er ráðstefna SAP samtarfsaðila og nær til 50 leiðandi fyrirtækja og 10 þúsund SAP ráðgjafa í 90 löndum.

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Mikil eftirspurn var eftir Kjarna, mannauðs- og launalausn og jukust fastar áskriftartekjur um 50%.

Tekjur Applicon í Svíþjóð, sem leggur áherslu á viðskiptalausnir fyrir banka og fjármálafyrirtæki, jukust um 15% miðað við sama tímabil í fyrra. EBITDA jókst að sama skapi um 35% miðað við sama tímabil. Megin áhersla var lögð á innleiðingu í kjarnastarfsemi fyrir viðskiptavini í Svíþjóð og hyggst fyrirtækið efla kynningarstarf til þess að fjölga viðskiptavinum enn frekar.

Rekstrarþjónusta og innviðir

Tekjur af Rekstrarþjónustu og innviðum hjá Origo námu 1,21 ma.kr. á fyrsta ársfjórðungi. Nýtt skipulag tók gildi mánaðamótin febrúar og mars. Var það til þess fallið að skerpa á sjálfvirknivæðingu í þjónustu og við eftirlit með það að markmiði að sinna viðskiptavinum enn betur, hvort sem upplýsingakerfi þeirra eru hýst í hýsingarumhverfi Origo eða hjá þeim sjálfum.

Góð eftirspurn var eftir hugbúnaðarlausnum frá IBM en tekjur af sölu á stærri vélbúnaðarlausnum drógust töluvert saman, sem skýrist að einhverju leyti af óvissu í efnahagslífi landsins.

Sífellt fleiri fyrirtæki sjá ávinning í því að útvista upplýsingatæknirekstri sínum til Origo og var fyrsti ársfjórðungur engin undantekning í þeim efnum. Ennfremur var mikil eftirspurn eftir ráðgjöf öryggissérfræðinga, en markviss þekkingaruppbygging og markaðssetning hefur skilað sér í aukinni eftirspurn og áhuga viðskiptavina á skömmum tíma.

Notendabúnaður og tengd þjónusta

Sala á notendabúnaði nam 1,22 ma.kr og er ágætur vöxtur í tekjum. Sala í gegnum netverslun Origo, www.netverslun.is hefur aukist um 59% frá fyrsta ársfjórðungi 2018 og lögð er áhersla á að nýta stafrænar leiðir til auka skilvirkni og bæta upplifun viðskipavina.

Áfram verður unnið að sjálfvirknivæðingu og stafrænum áherslum, sem miða að því að einfalda snertifleti og auka um leið þjónustustig til viðskiptavina, m.a. með því að gera þeim kleift að sækja vörur utan hefðbundins opnunartíma.

Áfram góður gangur hjá Tempo ehf.

Tempo kemur inn í reikninga Origo sem hlutdeildarfélag, en meiri hluti félagsins var seldur til Diversis Capital seint á síðasta ári. Rekstur Tempo gekk vel á fjórðungnum, tekjur jukust um 33% og var afkoma jákvæð og vel umfram áætlanir. Í síðasta mánuði var gengið frá ráðningu Gary Jackson í starf forstjóra Tempo, en hann hefur áralanga reynslu af uppbyggingu alþjóðlegra hugbúnaðarfyrirtækja, sem mun nýtast til að efla enn frekar vöxt og viðgang Tempo.

Samstæðan

Á grundvelli kaupréttarsamninga félagsins og starfsmanna innleystu starfsmenn kauprétti fyrir um 75 mkr að markaðsverði í lok fjórðungsins. Kaupréttir komu til greiðslu í byrjun apríl. Eftir þennan lokaáfanga eru engir kaupréttir útistandandi hjá félaginu.

Á Aðalfundi Origo hf. 7. mars 2019 var samþykkt að lækka hlutafé félagsins um 5.703.309 krónur til samsvarandi lækkunar á eigin hlutum félagsins. Samkvæmt því lækkaði hlutafé félagsins úr 465.303.309 krónum í 459.600.000 krónur að nafnverði á fjórðungnum.

Origo keypti eigin bréf í samræmi við endurkaupaáætlun og var fjöldi keyptra hluta 10.149 milljónir og kaupverð um 250 mkr á fyrsta ársfjórðungi.

Aðalfundur samþykkti greiðslu á arði sem nemur kr. 2,205 á hlut fyrir árið 2018. Heildarfjárhæð arðgreiðslunar er um kr. 1.000.000.000 og var arðurinn greiddur til hluthafa þann 19. mars 2019.

Horfur

Horfur í rekstri Origo eru góðar. Gert er ráð fyrir áframhaldandi tekjuvexti og betri afkomu næstu misseri.

Hluthafar

Markaðsvirði fyrirtækisins í lok fyrsta ársfjórðungs 2019 var 9.744 mkr., lokaverð hlutabréfa í ársfjórðungnum var kr. 21,2 á hlut. Fjöldi útgefinna hluta þann 31. mars 2019 voru 460 milljónir og voru hluthafar 569 talsins.

Kynningarfundur þann 8. maí 2019

Kynningarfundur fyrir fjárfesta og markaðsaðila verður haldinn miðvikudaginn 8. maí 2019 í höfuðstöðvum félagsins að Borgartúni 37 í Reykjavík kl. 08:30. Finnur Oddsson, forstjóri mun kynna afkomu félagsins. Hægt er að nálgast streymi af fundinum á heimasíðu félagsins. Kynningarefni af fundinum verður hægt að nálgast á heimasíðu félagsins, origo.is, að honum loknum.

Fjárhagsdagatal

22.08.2019	Annar ársfjórðungur 2019.
31.10.2019	Þriðji ársfjórðungur 2019.
29.01.2020	Fjórði ársfjórðungur og ársuppgjör 2019.
05.03.2020	Aðalfundur vegna 2019.

Samþykkt árshlutareiknings

Árshlutareikningur var samþykktur á stjórnarfundi Origo hf. þann 7. maí 2019. Uppgjör Origo hf. er í samræmi við alþjóðlega reikningsskilastaðla (IFRS-International Financial Reporting Standards).

TIL BIRTINGAR ÞRIÐJUDAGINN 7. MAÍ 2019 origo.is/um-origo/fjarfestar/

Origo hf.

Origo er framsækið þjónustufyrirtæki í upplýsingatækni. Hjá Origo starfar öflugur hópur fólks sem nýtir hugvit sitt til að efla árangur, hagsæld og öryggi viðskiptavina. Hlutabréf Origo hf. eru skráð í NASDAQ OMX Iceland hf. (Kauphöll Íslands) undir auðkenninu ORIGO.

Í stjórn Origo eru Ívar Kristjánsson, stjórnarformaður, Guðmundur Jóhann Jónsson, Hildur Dungal, Hjalti Þórarinsson og Svafa Grönfeldt. Varamenn í stjórn eru Elísabet Grétarsdóttir og Gunnar Zoëga. Finnur Oddsson er forstjóri Origo.

Nánari upplýsingar

Finnur Oddsson forstjóri í síma 862-0310 eða fo@origo.is og Gunnar Petersen framkvæmdastjóri fjármálasviðs í síma 825-9001 eða gp@origo.is.

Til athugunar fyrir fjárfesta

Origo vekur athygli á því að staðhæfingar sem finna má í þessari fréttatilkynningu kunna að vera byggðar á mati og áætlunum stjórnenda félagsins, en ekki á staðreyndum sem hægt er að sannreyna af birtingu tilkynningarinnar. Eðli málsins samkvæmt fela slíkar staðhæfingar í sér óvissu. Athygli fjárfesta er vakin á því að margir þættir geta haft þau áhrif að rekstrarumhverfi félagsins og afkoma verði með öðrum hætti en forsendur gera ráð fyrir í tilkynningunni. Þessi tilkynning verður ekki endurskoðuð eftir birtingu hvað þetta varðar. Staðhæfingar sem finna má í þessari fréttatilkynningu gilda eingöngu á því tímamarki þegar fréttatilkynningin er birt og takmarkast gildi þeirra við það sem segir í fyrirvara þessum.