Origo

Earnings Release • Oct 31, 2019

Uppgjör Origo hf. fyrstu níu mánuði 2019

Ágætur tekjuvöxtur og heildarhagnaður 366 mkr á fyrstu 9 mánuðum ársins.

REYKJAVÍK - 31. október 2019 - Origo kynnti í dag uppgjör fyrstu níu mánuði 2019

Helstu upplýsingar:

• Sala á vöru og þjónustu nam 3.463 mkr á þriðja ársfjórðungi 2019 (9,4% tekjuvöxtur frá F3 2018, án tekna Tempo 2018) og 10.509 mkr á fyrstu níu mánuðum ársins 2019 (8,1% tekjuvöxtur frá 9M 2018, án tekna Tempo 2018). Tempo ehf. er ekki lengur hluti af samstæðureikningi félagsins á, en með tekjum Tempo 2018 drógust tekjur saman um 7,5% á F3 og 6,6% fyrstu níu mánuðum ársins.
• Framlegð nam 747 mkr (21,6%) á þriðja ársfjórðungi og 2.520 mkr fyrstu níu mánuði ársins (24,0%) (F3 2018: 28,6%, 9M 2018: 26,5%)
• EBITDA nam 254 mkr (7,3%) á þriðja ársfjórðungi og 704 mkr (6,7%) fyrstu níu mánuði ársins [F3 2018: 369 mkr (9,8%), 9M 2018: 705 mkr (6,3%)]
• Þýðingarmunur vegna starfsemi dóttur- og hlutdeildarfélaga var neikvæður um 59 mkr í F3 2019 (var jákvæður um 3 mkr í F3 2018) og var jákvæður um 129 mkr fyrstu níu mánuði ársins (var neikvæður um 1 mkr á sama tímabili árið 2018)
• Heildarhagnaður nam 15 mkr á þriðja ársfjórðungi (F3 2018: 146 mkr) og 366 mkr á fyrstu níu mánuðum ársins (9M 2018: 135 mkr)
• Eiginfjárhlutfall er 60,2%
• Veltufjárhlutfall er 1,51

Finnur Oddsson, forstjóri:

"Við erum ánægð með ágæta tekjuaukningu hjá Origo á þriðja ársfjórðungi, um 9%, og almennt er ákveðinn stöðugleiki í rekstrinum. Tekjuvöxt má að hluta rekja til áframhaldandi aukinna umsvifa í hugbúnaðartengdri starfsemi eins og verið hefur undanfarin misseri. Að auki var töluverð aukning í sölu á notendabúnaði, m.a. vegna kaupa Origo á Strikamerki og Tölvuteki fyrr á árinu. EBITDA nam 254 mkr á þriðja ársfjórðungi og 704 mkr EBITDA fyrstu níu mánuði ársins, sem er svipað og var í fyrra. Hagnaður á fyrstu níu mánuðum ársins nam 366 mkr.

Afkoma Origo á fyrstu níu mánuðum ársins er viðunandi en nokkuð mismunandi á milli starfsþátta. Afkoma af hugbúnaðartengdri starfsemi var góð, en sala lausna í áskrift til viðskiptavina verður sífellt stærra hlutfall af heildartekjum. Fjárfesting í þróun og nýsköpun er áfram umtalsverð og hefur hugbúnaðarsérfræðingum fjölgað að undanförnu, bæði á Íslandi og erlendis. Origo rekur nú þróunarsetur í Serbíu þar sem nú starfa á annan tug hugbúnaðarsérfræðinga.

Lakari afkoma hefur verið af rekstrarþjónustu og sölu á notendabúnaði, en við höfum leitast við að auka hagræði í öllum rekstri, m.a. með útvistun afmarkaðra verkefna og aukinni sjálfvirknivæðingu í eigin starfsemi og fyrir viðskiptavini okkar. Þeirri vegferð verður haldið áfram.

FRÉTTATILKYNNING NASDAQ OMX: ORIGO

TIL BIRTINGAR FIMMTUDAGINN 31. OKTÓBER 2019 origo.is/um-origo/fjarfestar/

Afkoma í þjónusturekstri Origo er í járnum og er sérstök áhersla lögð á að leita hagræðis í þessum rekstrarþáttum, með aukinni sjálfvirkni og útvistun einfaldari verkefna út fyrir landsteina. Sífellt fleiri viðskiptavinir sjá hag sínum betur borgið með útvistun og kaupum á skýjalausnum í áskrift, í stað þess að reka sína eigin tölvuinnviði. Þetta kemur eðlilega niður á sölu á miðlægum búnaði sem sögulega hefur verið þungamiðja í okkar starfsemi, en um leið felast í þessari þróun töluverð tækifæri í ráðgjöf og sölu á skýjalausnum af ýmsu tagi. Því tengt þá er eftirspurn eftir öryggislausnum að aukast verulega, í takt við vitundarvakningu íslenska fyrirtækja á mikilvægi slíkra verkfæra. Við höfum fjárfest sérstaklega í þekkingu og lausnum á þessu sviði og fer sá hópur sérfræðinga í öryggislausnum ört stækkandi hjá okkur, vel studdur af traustu baklandi erlendra samstarfsaðila.

Ágæt tekjuaukning er í sölu á notendabúnaði, PC tölvum, afgreiðslukerfum og hljóð- og myndlausnum. Hluti aukningarinnar er til kominn vegna Strikamerkis og Tölvuteks, sem víkka lausnaframboð Origo og stækka viðskiptamannahóp. Afkoma í sölu á notendabúnaði hjá Origo er þó heldur undir væntingum, en þess ber að geta að hagræðingaráhrif af kaupum á Tölvutek og Strikamerki eru enn ekki komin fram í rekstri. Unnið er að hagræðingu í rekstri, sjálfvirknivæðingu og stafrænum áherslum hjá Notendalausnum, sem miða að því að einfalda og fækka snertiflötum en auka um leið þjónustustig til viðskiptavina, m.a. með snjallboxum og sjálfsafgreiðslu í gegnum netverslun.

Hjá Origo erum við stolt af því að vera í 6. sæti Framúrskarandi fyrirtækja sem uppfylla ströng skilyrði greiningar Creditinfo árið 2019. Þessi sterka staða Origo er afrakstur mikillar vinnu frábærs hóps starfsfólks á undanförnum árum, sem jafnframt verður nýtt í sókn sem er framundan. Við getum enn gert betur á öllum sviðum í okkar rekstri, hvort sem horft er til sölu á búnaði, rekstrarþjónustu eða í hugbúnaðartengdri starfsemi. Að auki horfa viðskiptavinir í auknum mæli til ávinnings af upplýsingatækni til að efla þeirra rekstur, og þar erum við hjá Origo í góðri stöðu til að hjálpa til. Horfur í rekstri Origo eru því góðar".

TIL BIRTINGAR FIMMTUDAGINN 31. OKTÓBER 2019 origo.is/um-origo/fjarfestar/

Rekstrarreikningur – níu mánuðir 2019

Rekstrarreikningur - Lykiltolur	1.1 .- 30.09. 2019	1.1 .- 30.09. 2018
l milljónum ISK
Seldar vörur og þjónusta	10.509	11.256
Vörunotkun og kostnaðarverð seldrar pjonustu	(7.989)	(8.268)
Framlegð	2.520	2.988
Rekstrarkostnaður	(2.252)	(2.787)
Rekstrarhagnadur	268	201
Hrein (fjarmagnsgjöld) fjarmunatekjur	(54)	(30)
Hlutdeild i afkomu hlutdeildarfélags	66	0
Hagnaður fyrir tekjuskatt	280	172
Tekjuskattur	(43)	(36)
Hagnadur arsins	237	136
Rekstrarliðir færðir beint á eigið fé	129	(1)
Heildarhagnaður (tap) arsins	366	135
EBITDA	704	705

• Sala á vöru og þjónustu nam 10.509 mkr á fyrstu níu mánuðum ársins 2019 samanborið við 11.256 mkr árið 2018, sem er tekjusamdráttur um 6,6%
• Framlegð nam 2.520 mkr (24,0%) á fyrstu níu mánuðum ársins 2019 samanborið við 2.988 mkr (26,5%) á sama tímabili í fyrra
• Rekstrarkostnaður nam 2.252 mkr (21,4%) á fyrstu níu mánuðum ársins 2019 samanborið við 2.787 (24,8%) á sama tímabili árið 2018
• EBITDA nam 704 mkr (6,7%) á fyrstu níu mánuðum ársins 2019, en nam 705 mkr (6,3%) á fyrstu níu mánuðum ársins 2018
• Hrein fjármagnsgjöld námu 54 mkr á fyrstu níu mánuðum ársins 2019 samanborið við 30 mkr á sama tímabili 2018
• Hlutdeild í afkomu hlutdeildarfélags, vegna Tempo, eru 66 mkr fyrstu níu mánuði ársins 2019 en engin afkoma var af hlutdeildarfélagi árið 2018
• Rekstrarliðir færðir beint á eigið fé voru jákvæðar um 129 mkr fyrstu níu mánuði ársins 2019 sem skýrist aðallega af gengishagnaði af eignarhlut í Tempo
• Heildarhagnaður fyrstu níu mánaða ársins 2019 var 366 mkr samanborið við 135 mkr heildarhagnað fyrstu níu mánuði ársins 2018

TIL BIRTINGAR FIMMTUDAGINN 31. OKTÓBER 2019 origo.is/um-origo/fjarfestar/

Efnahagsreikningur 30.09.2019

• Fastafjármunir hækka um 1.702 mkr frá árslokum 2018. Skýringuna má að mestu rekja til innleiðingar IFRS 16 reikningsskilastaðals
• Veltufjármunir lækka um 2.457 mkr frá árslokum 2018. Mismun má að mestu rekja til þess að handbært fé lækkar um 2.009 mkr sem kemur til m.a. vegna greiðslu arðs upp á 1.000 mkr, kaupum á eigin bréfum fyrir 476 mkr á tímabilinu, uppgreiðslu vaxtaberandi skulda upp á 472 mkr og fjárfestingu í dótturfélögum upp á 278 mkr
• Eigið fé lækkar um 1.211 mkr frá árslokum 2018. Munar þar mestu um lækkun óráðstafaðs eigin fjár vegna arðgreiðslu upp á 1.000 mkr á tímabilinu
• Langtímaskuldir hækka um 1.088 mkr. Mismun má rekja að mestu til áhrifa af innleiðingu IFRS 16 reikningsstaðals
• Skammtímaskuldir lækka um 633 mkr. Viðskiptaskuldir og aðrar skammtímaskuldir lækka um 1.032 mkr. Á móti kemur að vaxtaberandi skammtímaskuldir hækka um 66 mkr. Annað kemur til vegna IFRS 16 áhrifa.
• Eiginfjárhlutfall er nú 60,2% en var 66,4% í lok árs 2018
• Veltufjárhlutfall er nú 1,51 en var 1,95 í árslok 2018

TIL BIRTINGAR FIMMTUDAGINN 31. OKTÓBER 2019 origo.is/um-origo/fjarfestar/

Sjóðstreymi 1.1. - 30.09.2019

Sjóðstreymi- Lykiltölur
l milljónum ISK	1.1 -30.09. 20 G	1.1 - 30.09. 2018
Handbært fe fra rekstri	188	40
Fjarfestingarhreyfingar	(427)	(535)
Fjarmögnunarhreyfingar	(1.770)	274
Lækkun á handbæru fé	(2.009)	(221)
Ahrif gengisbreytinga á handbært fé	0	0
Handbært fe i arsbyrjun	3.175	297
Handbært fe i lok timabilsins	1.166	75

• Handbært fé frá rekstri var 188 mkr á fyrstu níu mánuðum ársins 2019 en var 40 mkr á sama tímabili árið 2018. 118 mkr lægri hreyfing í rekstrartengdum eignum og skuldum útskýrir að mestu leyti mismuninn.
• Fjárfestingahreyfingar eru 427 mkr en voru 535 mkr á fyrstu níu mánuðum ársins 2018. Mismunur er aðallega vegna minni eignfærslu í óefnislegum eignum eftir sölu á eignarhlut í Tempo sem og fjárfestinga í dótturfélögum fyrir 338 mkr á tímabilinu.
• Fjármögnunarhreyfingar voru neikvæðar um 1.770 mkr á fyrstu níu mánuðum ársins 2019, en voru jákvæðar um 274 mkr á sama tímabili árið 2018. Greiddur var 1.000 mkr arður árið 2019, keypt eigin bréf fyrir 476 mkr og borgaðar niður vaxtaberandi skuldir fyrir 472 mkr.
• Handbært fé á tímabilinu lækkar því um 2.009 mkr frá árslokum 2018.
• Handbært fé í lok tímabilsins er 1.166 mkr en var 75 mkr á sama tímabili árið 2018

TIL BIRTINGAR FIMMTUDAGINN 31. OKTÓBER 2019 origo.is/um-origo/fjarfestar/

Rekstrarniðurstaða á þriðja ársfjórðungi 2019

Rekstrarreikningur - Lykiltölur
l milljónum ISK	B 2019	F3 2018
Seldar vörur og þjónusta	3.463	3.744
Vörunotkun og kostnaðarverð seldrar pjonustu	(2.716)	(2.672)
Framlegð	747	1.071
Rekstrarkostnaður	(648)	(868)
Rekstrarhagnaður	dd	203
Hrein (fjarmagnsgjöld) fjarmunatekjur	3	(23)
Hlutdeild í afkomu hlutdeildarfélags	(2)	0
Hagnaður fyrir tekjuskatt	101	179
Tekjuskattur	(27)	(36)
Hagnaður tímabilsins	74	143
Þýðingarmunur vegna starfsemi dóttur- og hlutdeildarfélaga	(29)	3
Heildarhagnaður tímabilsins	15	146
EBITDA	254	ਤਵਰ

• Sala á vöru- og þjónustu á þriðja ársfjórðungi 2019 nam 3.463 mkr en nam 3.744 mkr á sama tímabili árið 2018, sem er lækkun um 7,5% á milli ára. Eftir sölu á stórum eignarhlut í Tempo í fyrra kemur rekstur þess ekki inn í reikning Origo með sama hætti og í fyrra
• Framlegð nam 747 mkr (21,6%) á þriðja ársfjórðungi samanborið við 1.071 mkr (28,6%) á sama tímabili árið 2018
• Rekstrarkostnaður var 648 mkr (18,7% af tekjum) á þriðja ársfjórðungi samanborið við 868 mkr (23,2% af tekjum) á sama tímabili árið 2018
• EBITDA nam 254 mkr (7,3%) á þriðja ársfjórðungi 2019 samanborið við 369 mkr (9,9%) á þriðja ársfjórðungi árið 2018
• Hreinar fjármunatekjur voru 3 mkr á þriðja ársfjórðungi samanborið við fjármagnsgjöld upp á 23 mkr á sama tímabili í fyrra
• Þýðingarmunur vegna starsfemi dóttur- og hlutdeildarfélaga var neikvæður um 59 mkr á þriðja ársfjórðungi en var jákvæður um 3 mkr á sama tímabili árið 2018. Munurinn skýrist aðallega af gengissveiflum á eignarhlut Tempo.
• Heildarhagnaður á þriðja ársfjórðungi árið 2019 var 15 mkr samanborið við 146 mkr á sama tímabili árið 2018

Mikil gróska í hugbúnaðartengdri starfsemi

Tekjur hugbúnaðareininga Origo námu tæpum 1,1 miakr á þriðja ársfjórðungi og jukust um 9% á mill ára. Afkoma hefur verið góð og fer heldur vaxandi enda nýta stöðugt fleiri viðskiptavinir Origo nú sérhæfðar hugbúnaðarlausnir til að bæta árangur á öllum sviðum rekstrar, til að einfalda ferla og auka sjálfvirkni í snertiflötum við sína viðskiptavini. Hugbúnaðarlausnir eru nú almennt afhentar í gegnum tölvuský og í áskrift, en þróun og markaðsetning eigin lausna Origo hefur skilað sér í aukningu á áskriftartekjum. Gert er ráð fyrir að þessi þróun haldi áfram næstu misserin, sem endurspeglar jafnframt hvernig vægi upplýsingatækni hefur verið að aukast almennt í rekstri fyrirtækja og stofnana.

Vel gengur að koma nýjum hugbúnaðarlausnum fyrir ferðaþjónustu á framfæri hérlendis en Origo hefur nú stigið fyrstu skref í markaðsetningu þeirra lausna erlendis, t.d. með PaxFlow og Caren. Þá eru Ferðalausnir Origo handhafi verðlauna Web Marketing Association fyrir uppsetningu á vef Cabo Verde Airlines, sem er í meiri hluta í eigu dótturfélags Icelandair.

Origo hefur síðastliðið ár unnið að uppbyggingu þróunarseturs í Belgrad í Serbíu þar sem nú starfa á annan tug hugbúnaðarsérfræðinga á vegum Origo og dótturfélaga. Gert er ráð fyrir að með aukinni áherslu á þróun eigin hugbúnaðarlausna Origo muni starfsfólki Origo í Belgrad fjölga á næstu mánuðum og misserum.

Afkoma Applicon í Svíþjóð, sem sérhæfir sig í viðskiptalausnum fyrir fjármálafyrirtæki, var viðunandi á þriðja ársfjórðungi og var 14% tekjuvöxtur frá þriðja ársfjórðungi 2018. Fjórðungurinn hefur markast af töluverðri fjárfestingar í þekkingu, lausnaþróun og innleiðingu á nýrri lausn sem tengist PSD2 tilskipun Evrópusambandsins um opna bankastarfsemi.

Horfur í rekstri Applicon í Svíþjóð eru góðar eins og almennt í hugbúnaðartengdri starfsemi á vegum Origo, þar sem er mjög bjart framundan.

Útvistun í stað rekstur á eigin umhverfi

Tekjur Þjónustulausna, þar sem lögð er áhersla á rekstrarþjónustu og sölu á miðlægum lausnum, á þriðja ársfjórðungi voru 948 mkr og er afkoman undir væntingum. Töluverður samdráttur var í sölu á miðlægum innviðum, t.d. gagnageymslu og netþjónum, sem skýrir m.a. lakari afkomu. Þessa breytingu má að hluta rekja til almenns hægagangs í atvinnulífi í kjölfar kjarasamninga og áfalla í ferðaþjónustu fyrr á árinu, en einnig er ljóst að viðskiptavinir Origo horfa í auknum mæli til útvistunar sem betri valkost en að hýsa og reka sín eigin tölvuumhverfi.

Sala á hugbúnaði og tengdri ráðgjöf hefur gengið vel og má merkja aukna eftirspurn í lausnum frá birgjum eins Microsoft og IBM. Vaxandi eftirspurn er eftir þjónustu- og áskriftarsamningum auk útseldrar vinnu. Mikil áhersla hefur verið lögð á að byggja upp þennan þátt starfsemi Origo og verður svo áfram.

Öryggis- og sjálfvirknilausnir, innleiðingar þeirra og ráðgjöf hefur verið vaxandi þáttur í starfsemi Þjónustulausna og er eftirspurn stöðugt að aukast. Samhliða því hefur Origo fjárfest verulega í innviðum og þekkingu til að mæta sífellt auknum áhuga viðskiptavina á að trygga sig fyrir öryggisbrestum af ýmsum toga.

Áhersla er nú lögð á lausnir og ráðgjöf í kerfisrekstri sem byggja á sjálfvirkni og tryggja viðskiptavinum aukið hagræði. Um leið hefur verið unnið að hagræðingu innan Þjónustulausna, m.a. að hluta til með fækkun starfsfólks og ráðningum í tengslum við breyttar áherslur í sjálfvirknivæðingu og sérfræðiráðgjöf.

61% söluvöxtur í netverslun Origo

Sala á notendabúnaði nam 1,36 miakr og jukust tekjur um 30% milli ára. Afkoma Notendalausna var þó undir áætlun. Mjög góð sala var á Lenovo tölvubúnaði, bæði til fyrirtækja og til einstaklinga og smærri fyrirtækja í gegnum Tölvutek, einkum fartölvur og leikjatölvur. Sala í netverslun Origo jókst um 60% miðað við þriðja ársfjórðung 2018, sem er í samræmi við aukna nýtingu stafrænna leiða til að bæta skilvirkni og upplifun viðskiptavina.

Næstu vikur og mánuði verður sérstök áhersla á að nýta betur nýjar söluleiðir fyrir notendabúnað hjá Tölvuteki og að samþætta vöruframboð Origo og Strikamerkis, einkum í afgreiðslulausnum. Áfram verður unnið að sjálfvirknivæðingu og stafrænum áherslum, sem miða að því að einfalda snertifleti og auka þjónustustig til viðskiptavina, m.a. með snjallboxum og sjálfsafgreiðslu í netverslun. Jafnframt verður unnið að hagræðingu í rekstri einingarinnar.

Gunnar Zoëga var ráðinn framkvæmdastjóri Notendalausna um miðjan október sl. og hefur hann þegar tekið við starfinu.

Tempo gengur vel

Rekstur Tempo á fyrstu níu mánuðum ársins gekk mjög vel. Tekjur jukust um ríflega 30% frá fyrra ári og er afkoma samkvæmt áætlun. Alpha og Beta prófunum á Tempo fyrir Zendesk er að ljúka og gert er ráð fyrir að lausnin verði kynnt í almennri sölu í nóvember. Mikill kraftur er áfram í þróun á Tempo lausnamenginu, bæði fyrir Atlassian og önnur vistkerfi, auk þess sem kauptækifæri í tengdri starfsemi eru í skoðun til að efla ytri vöxt. Horfur í rekstri Tempo eru mjög góðar.

Samstæðan

Þann 4 október sl. lauk samþykktri endurkaupaáætlun félagsins. Origo hf. á nú um 13,2 milljónir hluta eða um 2,9% af hlutafé félagsins.

Horfur

Horfur í rekstri Origo eru góðar. Gert er ráð fyrir áframhaldandi tekjuvexti og heldur betri afkomu næstu misseri.

Hluthafar

Markaðsvirði fyrirtækisins í lok þriðja ársfjórðungs 2019 var 10.442 mkr., lokaverð hlutabréfa í ársfjórðungnum var kr. 22,70 á hlut. Fjöldi útgefinna hluta þann 30. september 2019 voru 460 milljónir og voru hluthafar 530 talsins.

Kynningarfundur þann 1. nóvember 2019

Kynningarfundur fyrir fjárfesta og markaðsaðila verður haldinn föstudaginn 1. nóvember 2019 í höfuðstöðvum félagsins að Borgartúni 37 í Reykjavík kl. 08:30. Finnur Oddsson, forstjóri mun kynna afkomu félagsins. Hægt er að nálgast streymi af fundinum á heimasíðu félagsins. Kynningarefni af fundinum verður hægt að nálgast á heimasíðu félagsins, origo.is, að honum loknum.

Fjárhagsdagatal

29.01.2020 Fjórði ársfjórðungur og ársuppgjör 2019. 05.03.2020 Aðalfundur vegna 2019.

Samþykkt árshlutareiknings

Árshlutareikningur var samþykktur á stjórnarfundi Origo hf. þann 31. október 2019. Uppgjör Origo hf. er í samræmi við alþjóðlega reikningsskilastaðla (IFRS-International Financial Reporting Standards).

Origo hf.

Origo er framsækið þjónustufyrirtæki í upplýsingatækni. Hjá Origo starfar öflugur hópur fólks sem nýtir hugvit sitt til að efla árangur, hagsæld og öryggi viðskiptavina. Hlutabréf Origo hf. eru skráð í NASDAQ OMX Iceland hf. (Kauphöll Íslands) undir auðkenninu ORIGO.

Í stjórn Origo eru Ívar Kristjánsson, stjórnarformaður, Guðmundur Jóhann Jónsson, Hildur Dungal, Hjalti Þórarinsson og Svafa Grönfeldt. Varamaður í stjórn er Elísabet Grétarsdóttir. Finnur Oddsson er forstjóri Origo.

Nánari upplýsingar

Finnur Oddsson forstjóri í síma 862-0310 eða fo@origo.is og Gunnar Petersen framkvæmdastjóri fjármálasviðs í síma 825-9001 eða gp@origo.is.

Til athugunar fyrir fjárfesta

Origo vekur athygli á því að staðhæfingar sem finna má í þessari fréttatilkynningu kunna að vera byggðar á mati og áætlunum stjórnenda félagsins, en ekki á staðreyndum sem hægt er að sannreyna af birtingu tilkynningarinnar. Eðli málsins samkvæmt fela slíkar staðhæfingar í sér óvissu. Athygli fjárfesta er vakin á því að margir þættir geta haft þau áhrif að rekstrarumhverfi félagsins og afkoma verði með öðrum hætti en forsendur gera ráð fyrir í tilkynningunni. Þessi tilkynning verður ekki endurskoðuð eftir birtingu hvað þetta varðar. Staðhæfingar sem finna má í þessari fréttatilkynningu gilda eingöngu á því tímamarki þegar fréttatilkynningin er birt og takmarkast gildi þeirra við það sem segir í fyrirvara þessum.