Earnings Release • May 5, 2022
Earnings Release
Open in ViewerOpens in native device viewer
Afkoma – fyrsti ársfjórðungur 2022 (1F 2022)
Þar sem tilgangur og hlutverk SKEL er fjárfestingastarfsemi frá og með ársbyrjun 2022 þá er megináhersla í tilkynningu þessari að fjalla um starfsemi SKEL. Samanburður SKEL við fyrra ár á ekki við en lykilfjárhæðir frá rekstrarfélögum eru dregnar fram sérstaklega.
Tilgangi félagsins var breytt í fjárfestingarfélag á hluthafafundi 7. október 2021. Breytingin hefur í för með sér að eignir munu endurspegla gangverð á hverjum tíma. Sú aðlögun stendur yfir og mun að fullu birtast í ársreikningi 2022.
Félagið áætlar að afkoma félagsins verði jákvæð um 7,6-8,3 milljarða króna eftir skatta að teknu tilliti til vænts söluhagnaðar af fasteignum að fjárhæð 5 milljarðar samanber áður útgefna afkomuspá.
"Reksturinn gekk heilt yfir vel á fjórðungnum í skugga stríðsátaka sem hafði talsverð áhrif hér á landi með hækkandi olíuverði og hærra verði á aðföngum. Það varð viðsnúningur í rekstri rekstrarfélaganna ásamt því sem ný félög bættust við eignasafnið á árinu 2021 sem höfðu jákvæð áhrif á EBITDA afkomu tímabilsins sem rúmlega þrefaldaðist milli ára.
Vinna við áframhaldandi umbreytingu hélt áfram á ársfjórðungnum. Gengið var endanlega frá sölu fasteigna til Kaldalóns. SKEL fékk afhent bréf í Kaldalóni 3. maí og hefur óskað eftir hluthafafundi í félaginu með það að leiðarljósi að koma fulltrúa SKEL, Ásgeiri Reykfjörð í stjórn félagsins. Við höfum mikla trú á Kaldalóni og að það vaxi hratt sem fjórða skráða fasteignafélag landsins. Tilkynnt var um fjárfestingu SKEL í VÍS í aprílmánuði. Um er að ræða spennandi fjárfestingarkost til lengri tíma.
Með sölunni til Kaldalóns og fjárfestingu í VÍS var stigið enn eitt skrefið í umbreytingu á félaginu. SKEL er orðið sterkt fjárfestingafélag með fjölbreytt eignasafn og talsverða fjárfestingagetu.
Þá var tilkynnt um ráðningu Ásgeirs Helga Reykfjörð Gylfasonar í starf forstjóra og Magnúsar Inga Einarssonar sem fjármálastjóra. Við bindum miklar vonir að þessir reynslumiklu menn munu taka félagið áfram að krafti."
Opinn kynningarfundur vegna á starfsemi félagsins verður haldinn 6. maí nk., á skrifstofu SKEL, Borgartúni 26, Reykjavík. Fundurinn hefst kl. 08:30 en boðið verður upp á léttar veitingar frá kl. 08:15. Á fundinum mun Jón Ásgeir Jóhannesson stjórnarformaður SKEL kynna afkomuna og helstu þætti úr rekstrinum, þar sem nýr forstjóri hefur ekki störf fyrr en í júlímánuði.
Kynningarefni frá fundinum verður gert aðgengilegt á vefsíðu SKEL, https://skel.is/fjarfestar.
Upplýsingar í tilkynningu þessari og hjálagðri fjárfestakynningu byggja á stjórnendaupplýsingum sem hafa ekki verið kannaðar eða endurskoðaðar af endurskoðendum félagsins.
SKEL fjárfestingafélag Borgartún 26 – 105 RVK • +354 440 3000 • [email protected] • www.skel.is
Til nánari upplýsinga er vísað til fjárfestakynningar sem er meðfylgjandi tilkynningu þessari.
Nánari upplýsingar veitir Jón Ásgeir Jóhannesson stjórnarformaður, [email protected].
Building tools?
Free accounts include 100 API calls/year for testing.
Have a question? We'll get back to you promptly.