Síldarvinnslan

Share Issue/Capital Change • Nov 17, 2022

Disclosure 415161

Síldarvinnslan hf - Aðrar upplýsingar sem birtar eru í samræmi við reglur Kauphallarinnar

Síldarvinnslan hf: Fyrirvarar vegna kaupa Síldarvinnslunnar hf. á Vísi hf. uppfylltir og hækkun hlutafjár

Vísað er til tilkynningar Síldarvinnslunnar frá 10. júlí sl. um kaup félagsins á Vísi í Grindavík. Svo sem tilkynnt var um skyldi kaupverð fyrir Vísi samanstanda af hlutum í Síldarvinnslunni (70%) og reiðufé (30%). Viðskiptin voru eins og fram kom í tilkynningunni háð hefðbundnum fyrirvörum.

Síðustu fyrirvarar viðskiptanna voru uppfylltir í dag. Í samræmi við samþykki hluthafafundar Síldarvinnslunnar 18. ágúst sl. hefur stjórn félagsins nú samþykkt að hækka hlutafé félagsins um 145.939.749 kr. að nafnvirði með útgáfu nýrra hluta sem afhentir verða seljendum í kjölfar uppgjörs viðskiptanna og að fengnu samþykki Fyrirtækjaskrár RSK og Nasdaq. Seljendur hafa undirgengist söluhömlur með þeim hætti að engir af hinum afhentu hlutum skulu seldir innan þriggja mánaða frá skráningu seljenda í hlutaskrá Síldarvinnslunnar. Að þeim tíma liðnum skal seljendum heimilt að selja þriðjung afhentra hluta. Að sex mánuðum liðnum er seljendum heimilt að selja þriðjung hlutanna til viðbótar og að tólf mánuðum liðnum frá skráningu seljanda í hlutaskrá skulu engar söluhömlur vera á hinum afhentu hlutum.

Stefnt er að því að uppgjör viðskiptanna fari fram 1. desember nk.

Nánari upplýsingar veitir:

Gunnþór Ingvason, forstjóri Síldarvinnslunnar hf.

Netfang: gi@svn.is

Sími 470-7000