Arion Banki

AGM Information • Dec 15, 2025

Tilkynning frá tilnefningarnefnd Arion banka

Tilkynning frá tilnefningarnefnd Arion banka

Samkvæmt fjárhagsdagatali Arion banka fyrir árið 2026, verður aðalfundur bankans haldinn þann 11. mars 2026 kl. 16.00.

Tilnefningarnefnd Arion banka gegnir ráðgefandi hlutverki vegna kjörs til stjórnar bankans og leggur fram rökstudda tillögu á þeim hluthafafundum þar sem kjör stjórnarmanna er á dagskrá, varðandi þá frambjóðendur sem tilnefningarnefndin telur best til þess fallna að taka sæti í stjórn bankans. Nánari upplýsingar um hlutverk tilnefningarnefndarinnar má finna í starfsreglum nefndarinnar, sem eru aðgengilegar hér.

Tilnefningarnefnd Arion banka óskar nú eftir framboðum til stjórnar Arion banka. Frestur til þess að skila inn umsókn til tilnefningarnefndarinnar rennur út þann 23. janúar 2026 kl. 16.00, en tilnefningarnefndin mun að öllu jöfnu ekki leggja mat á framboð sem berast eftir þann tíma. Tilnefningarnefndin mun birta tillögu sína eigi síðar en 18. febrúar 2026.

Frambjóðendur sem vilja skila inn framboði til tilnefningarnefndarinnar eru beðnir um að fylla út sérstakt eyðublað, sem er aðgengilegt hér, og senda til nefndarinnar á netfangið nominationcommittee@arionbanki.is.

Starf tilnefningarnefndarinnar og skilafrestur umsókna til hennar takmarka þó ekki rétt frambjóðenda til að skila inn framboðum til stjórnar bankans áður en almennur framboðsfrestur rennur út, sem er fjórtán (14) dögum fyrir aðalfund bankans, þ.e. þann 25. febrúar 2026 kl. 16.00.