Syn — AGM Information 2019

Feb 28, 2019

C2 restricted - External permitted

Skýrsla tilnefningarnefndar Sýnar hf.

1. febrúar 2019

---

C2 restricted - External permitted

1 Inngangur

Tilnefningarnefnd Sýnar hf. (áður Fjarskipta hf.) hefur verið starfrækt frá árinu 2014. Markmið Tilnefningarnefndar er að stuðla að fagmennsku og skilvirkni stjórnar og tryggja gagnsætt og faglegt ferli við tilnefningu stjórnarmanna. Tilnefningarnefnd styður við upplýsta ákvarðanatöku hluthafa við stjórnarkjör. Hlutverk tilnefningarnefndar að leggja mat á hvaða hæfni, reynsla og þekking þurfi að vera til staðar í stjórn til að tryggja að faglega stjórn félagsins. Tilnefningarnefnd metur mögulega stjórnarmenn með tilliti til lykilhæfni- og þekkingar og leggur fram tillögu að samsetningu stjórnar fyrir aðalfund. Tilnefningarnefnd horfir til þess að breidd sé í samsetningu stjórnar með tilliti til bakgrunns stjórnarmanna og jafnvægis í kynjaskiptingu. Með þessu móti vinnur tilnefningarnefnd í anda kafla 2.2 í leiðbeiningum um stjórnarhætti fyrirtækja sem gefin eru út af Viðskiptaráði Íslands, Samtökum atvinnulífsins og Kauphöll Íslands þar sem segir að „samsetning stjórnar [skuli] vera í samræmi við starfsemi og stefnu félagsins, þróunarstig þess og aðra viðeigandi þætti í rekstri þess og umhverfi. Stjórninn skal bera með sér fjölbreytni og breidd í hæfni, reynslu og þekkingu og skal stefnt að því að kynjahlutföll í stjórn séu sem jöfnust.“¹

Kjörnir nefndarmenn í tilnefningarnefnd eru Ragnheiður S. Dagsdóttir, ráðgjafi hjá Capacent (formaður) og Þröstur Olaf Sigurjónsson, dósent við viðskiptafræðideild Háskólans í Reykjavík, (sjá viðauka tvö).

Nefndarmaður tilnefndur af stjórn Fjarskipta hf. er Heiðar Guðjónsson formaður stjórnar. Allir nefndarmenn eru óháðir félaginu en Heiðar er ekki óháður stórum hluthöfum félagsins þar sem hann er framkvæmdastjóri Ursus ehf. sem á 7,98 % í Fjarskiptum hf.

Hér fer lokaskýrsla tilnefningarnefndar sem lögð er fyrir aðalfund félagsins þann 22. mars 2019. Í skýrslunni er lagt mat á frambjóðendur til stjórnar og sett fram tillaga að samsetningu hennar.

Tilnefningarnefnd starfar í samræmi við starfsreglur tilnefningarnefndar Fjarskipta hf. (sjá viðauka eitt). Þar er nánar getið um hlutverk, ábyrgðarsvið, starfsemi og skipulag nefndarinnar.

2 Störf tilnefningarnefndar

Tilnefningarnefnd fundaði 14 sinnum á tímabilinu frá nóvember 2018 (fyrsti fundur Tilnefningarnefndar) til febrúar 2019. Nefndin setti sér starfsáætlun í samræmi við starfsreglur Tilnefningarnefndar (sjá viðauka þrjú).

Ragnheiður og Þröstur hittu alla aðalmenn og varamenn í núverandi stjórn Sýnar hf. utan Hildar Dungal. Áður en að fundum nefndarmanna með stjórnarmönnum kom lá fyrir að einn aðalmanna, Hildur Dungal, myndi ekki gefa kost á sér til áframhaldandi stjórnarstarfa hjá Sýn hf. vegna breytinga á hennar störfum innan

¹ http://leidbeiningar.is/Leidbeiningar/Stjorn

---

ráðuneyta. Að auki funduðu þau með forstjóra félagsins, Stefáni Sigurðssyni, og Páli Ásgrímssyni, lögmanni félagsins og ritara stjórnar.

Markmið fundanna var að afla upplýsinga um félagið, starf stjórnarinnar sl. ár, samsetningu hennar og frammistöðu formanns. Heiðar var fjárverandi á fundum með öðrum stjórnarmönnum og var trúnaðar gætt. Í viðtölunum kom fram að allir stjórnarmenn, utan Hildar, hygðust bjóða sig fram til áframhaldandi setu í stjórn. Lagt var mat á hæfni og reynslu stjórnarmanna út frá fyrirfram skilgreindum lykilhæfnisbáttum fyrir stjórn Sýnar hf. (sjá töflu í viðauka fjögur).

Í lok desember 2018 sendi formaður Tilnefningarnefndar tölvupóst til fulltrúa tuttugu stærstu hluthafa í félaginu og baúð þeim að funda með nefndinni. Markmiðið var að gefa stærstu hluthöfum færi á að koma sjónarmiðum sínum um starf stjórnarinnar á framfæri. Þeim sem ekki vildu hitta nefndina var boðið að senda inn skriflegar ábendingar.

Fulltrúar átta hluthafa þáðu að hitta fulltrúa Tilnefningarnefndar og fundaði nefndin með þeim í janúar 2019. Tilnefninganefnd ítrekaði óskir sínar um að hluthafar kæmu til nefndarinnar athugasemðum og tilnefningum á nýjum stjórnarmönnum með auglýsingu á heimasíðu félagsins og beinum samskiptum við stærstu hluthafa. Á fundum með fulltrúum hluthafa komu fram athugasemdir vegna tilurðar og starfsemi Tilnefningarnefnda og margar spurningar voru settar fram um starfsemi og hlutverk slíkra nefnda. Einnig komu fram áhyggjur ákveðinna fulltrúa hluthafa vegna afkomu Sýnar síðasta rekstrarfjörðung ársins 2018. Spurningar komu um til hvaða aðgerða félagið hygðist grípa.

Í byrjun febrúar fékk nefndin í hendur niðurstöður árangursmats sem lagt hafði verið fyrir alla stjórnarmenn. Árangursmatið var unnið af Berglindi Ósk Guðmundsdóttur, lögfræðingi og ráðgjafa. Í árangursmati komu fram athugasemdir stjórnarmanna varðandi fjölda stjórnarfunda, upplýsingagjöf til stjórnar varðandi ákvarðanatöku, og nákvæmni fjárhagsupplysinga. Gerðar voru athugasemdir við niðurbrot og skipulag á kostnaði og tekjum, að ferli við áætlanagerð væri ófullnægjandi, setja þyrfti félaginu skýrari stefnu og viðskiptamarkmið, afmarka fáa og skýra lykilmælikvarða og veita stjórn samfelldar upplýsingar um framgang.

Lokadrög skýrslunnar voru send stærstu hluthöfum og stjórnarmönnum til yfirferðar í lok febrúar 2019 og var þeim boðið að leggja fram athugasemdir. Í kjölfarið var gengið frá lokaskýrslu.

Aðalfundur Sýnar hf. 2019 verður haldinn þann 22. mars 2019, kl. 10:00. Í auglýsingu frá nefndinni, sem birt var kauphöll þann 25. janúar 2019, var óskað eftir tilnefningum eða framboðum til stjórnar. Senda skyldi framboðstilkynningu eigi síðar en 11. febrúar 2019. Fram kom að vegna eðlis og umfangs starfa nefndarinnar gæti nefndin ekki lagt mat á framboð sem berast myndi eftir það tímamark. Jafnframt að tillaga nefndarinnar um tilnefningar stjórnarmanna til aðalfundar myndi liggja fyrir eigi síðar en samhliða fundarboði þremur víkum fyrir aðalfund. Almennur framboðsfrestur er eftir sem áður fimm sólarhringum fyrir aðalfund í samræmi við 63 gr. hlutafélagalaga nr. 2/1995 eða fyrir kl. 10 þann 17. mars 2019. Hér að neðan er gerð grein fyrir mati og niðurstöðu nefndarinnar.

C2 restricted - External permitted

---

C2 restricted - External permitted

3 Mat tilnefningarnefndar

Tilnefningarnefndin greindi lykilhæfni og -þekkingu fyrir stjórn Sýnar hf. (sjá viðauka fjögur og töflu hér að neðan). Í kjölfarið lagði hún mat á þekkingu og hæfni í núverandi stjórn út frá lykilhæfnirammanum.

Lykilhæfni og - þekkingar fyrir stjórn Sýnar hf.

• Almenn stjórnunarreynsla
• Stjórnunarreynsla úr fjarskiptafyrirtæki/önnur reynsla úr fjarskiptafyrirtæki eða tengdri starfsemi
• Stjórnunarreynsla úr fjölmiðlafyrirtæki/önnur reynsla úr fjölmiðlafyrirtæki eða tengdri starfsemi
• Stefnumótun og áætlanagerð
• Áhættustjórnun
• Fjármálastjórnun
• Endurskoðun
• Mannauðsstjórnun
• Markaðsmál
• Tækniþekking á sviði fyrirtækisins
• Sérþekking á lögum og lagalegu umhverfi fyrirtækisins
• Þekking á alþjóðlegu umhverfi fjarskipta/tæknifyrirtækja

Alls bárust fimm framboð til aðalstjórnar Sýnar hf. Frá neðan greindum aðilum: Heiðari Guðjónssyni, Önnu Guðnýju Aradóttur, Hjörleifi Pálssyni, Tónju Zharov og Ingva Halldórssyni. Tvö framboð bárust til varastjórnar. Frá Óla Rúnari Jónssyni og Sigríði Völu Halldórsdóttir.

Það er mat Tilnefningarnefndar að helstu lykilhæfni, reynslu og þekkingu sé að finna í hópi frambjóðenda. Stjórnin uppfyllir kröfur um kynjahlutföll. Það er einnig mat Tilnefningarnefndar eftir viðtöl við meðlimi stjórnar, forstjóra og helstu hluthafa, auk sjálfsmats stjórnarinnar, að núverandi stjórn hafi starfað nokkuð vel á liðnu ári.

4 Niðurstaða

Nefndin leggur til að þau Heiðar Guðjónsson, Anna Guðný Aradóttir, Hjörleifur Pálsson, Tanya Zharov og Yngvi Halldórsson verði kjörin til setu í aðalstjórn Sýnar hf. og Óli Rúnar Jónsson og Sigríður Vala Halldórsdóttir verði kosin í varastjórn. Ferilskrár þeirra má finna í viðauka fimm.

Reykjavík, 28. febrúar 2019

Ragnheiður S. Dagsdóttir
Þröstur Olaf Sigurjónsson
Heiðar Guðjónsson

---

Viðauki 1: Starfsreglur tilnefningarnefndar Sýnar hf.

1. Tilgangur

Stjórn Sýnar hf. setur sér það markmið að góðir stjórnarhættir félagsins séu viðhafðir í starfsemi félagsins og til að gera störf stjórnarinnar markvissari hefur stjórninn ákveðið að skipa félaginu tilnefningarnefnd.

Tilnefningarnefndinni er ætlað að auka líkur á því að stjórn félagsins endurspegli fjölbreytni og breidd í hæfni, reynslu og þekkingu stjórnarmanna félagsins sem og að tryggja aukið gagnsæi í málefnum um tilnefningu stjórnarmanna.

1. Skipun og samsetning

Tilnefningarnefnd (nefndin) er samansett af þremur einstaklingum. Nefndarmenn skulu kosnir/skipaðir til eins árs í senn. Stjórn Sýnar hf. skal tilnefna einn nefndarmann en hina tvo nefndarmennina skal hluthafafundur Sýnar hf. kjósa ef stjórnarkjör er á dagskrá. Fyrirkomulag samþykkta um kosningu stjórnarmanna, og um framkvæmd kosningar, skal gilda um kosningu nefndarmannanna tveggja í tilnefningarnefnd. Tilnefningarnefnd skiptir sjálf með sér verkum. Formaður stjórnar Sýnar hf. getur ekki verið formaður nefndarinnar. Starfskjör nefndarinnar skulu ákveðin á aðalfundi félagsins. Meirihluti nefndarinnar sem kosinn er af hluthöfum skal vera óháður félaginu og daglegum stjórnendum þess, þ.a. skal annar kosinna nefndarmanna bæði vera óháður daglegum stjórnendum og félaginu og jafnframt óháður stórum hluthöfum félagsins. Nefndarmenn skulu valdir með hliðsjón af þekkingu og reynslu sem skal vera í samræmi við verkefni nefndarinnar. Nefndarmenn eiga að hafa þekkingu og reynslu á viðmiðum og venjum varðandi stjórn fyrirtækja ásamt því að æskilegt er að þeir hafi verið í einhverjum tengslum við mat og tilnefningu á aðilum til stjórnarsetu í fyrirtækjum.

1. Fundir

Nefndin skal halda fundi að lágmarki þrisvar sinnum á ári til að sinna hlutverki sínu. Haldnir skulu aukafundir telji formaður nefndarinnar þörf á því. Formaður nefndarinnar stýrir fundum hennar og tilnefnir fundarritara. Fundargerðir sem og ákvarðanir nefndarinnar í einstökum málum skulu vistaðar rafrænt með aðgengilegum hætti fyrir alla nefndarmenn.

Nefndin er ákvörðunarbær þegar meirihluti sækir fund enda hafi fundurinn verið boðaður með minnst tveggja daga fyrirvara. Einfaldur meirihluti atkvæða ræður úrslitum í öllum málum sem koma til kasta nefndarinnar. Mikilvæga ákvörðun má þó ekki taka án þess að allir nefndarmenn hafi haft tök á því að fjalla um málið.

C2 restricted - External permitted

---

C2 restricted - External permitted

4. Hlutverk og ábyrgðarsvið

Meginhlutverk nefndarinnar er að tilnefna frambjóðendur til stjórnarsetu hjá Sýn hf. fyrir hluthafafundi þar sem stjórnarkjör er á dagskrá, auk þess að meta hæfi og óhæði frambjóðenda til stjórnar sem gefið hafa kost á sér til þeirra starfa.

Tilnefningarnefnd skal óska eftir tillögum frá hluthöfum tímanlega fyrir aðalfund félags.

Á vefsíðu félagsins skal upplýsa um hvernig hluthafar geta lagt fram tillögur fyrir tilnefningarnefndina og hvernig aðrir geta komið framboðum sínum á framfæri.

Tillögur tilnefningarnefndar (og önnur framboð til stjórnarsetu) skulu kynntar í fundarboði aðalfundar og vera aðgengilegar hluthöfum á vefsíðu félagsins eins fljótt og kostur er.

Á aðalfundi félagsins skal tilnefningarnefnd gera grein fyrir því hvernig hún hafi hagað störfum sínum og rökstyðja tilnefningar sínar. Rökstuðning nefndarinnar skal einnig birta á vefsíðu félagsins.

Um framboðsfrest og tilkynningu framboða fer öðru leyti samkvæmt IX. kafla hlutafélagalaga nr. 2/1995.

Við framkvæmd starfa sinna skal nefndin taka mið af heildarhagsmunum hluthafa.

Nefndin skal hafa eftirfarandi hlutverk:

a) Leggja mat á samsetningu, stærð og árangur stjórnar ásamt því að ráðleggja varðandi úrbætur telji nefndin þess þörf.

b) Meta tilvonandi stjórnarmenn út frá hæfni, reynslu og þekkingu.

c) Meta óhæði tilvonandi stjórnarmanna.

d) Undirbúa og leggja fram tillögu um kosningu stjórnarmanna á aðalfundi félagsins.

e) Gæta að kynjahlutföllum í stjórn félagsins.

f) Upplýsa tilvonandi stjórnarmenn um þá ábyrgð sem fólgin er í stjórnarsetu fyrir félagið.

g) Sjá til þess að hluthafar fái upplýsingar um tilvonandi stjórnarmenn.

h) Vinna úr niðurstöðum árlegs árangursmats stjórnar. Nefndin skal setja sér starfsáætlun til að stuðla að skilvirkni í störfum sínum. Nefndinni er heimilt að leita atbeina ráðgjafa í störfum sínum og skulu þeir þá vera óháðir félaginu, daglegum stjórnendum og þeim stjórnarmönnum sem ekki eru óháðir. Það er nefndarinnar að ganga úr skugga um óhæði slíkra ráðgjafa.

Formaður nefndar skal sjá til þess að allir nýir nefndarmenn fái leiðsögn og upplýsingar um störf og starfshætti nefndarinnar þegar þeir hefja störf.

---

1. Heimild nefndarinnar og aðgengi að gögnum

Mikilvægt er að nefndin hafi viðtækan aðgang að gögnum sem tengjast störfum hennar og geti óskað eftir skýrslum og greinargerðum frá aðilum varðandi störf hennar.

Nefndin hefur heimild sé þess þörf að leita atbeina stjórnarmanna eða starfsmanna félagsins.

Beiðnir um upplýsingar frá félaginu þurfa að fara í gegnum forstjóra félagsins. Forstjóri hefur heimild til að hafna afhendingu gagna og leggja beiðni nefndarinnar undir stjórn félagsins.

1. Þagnar- og trúnaðarskylda

Á nefndarmönnum hvílir þagnar- og trúnaðarskylda um málefni fyrirtækisins, hagi viðskiptavina þess og önnur atriði sem þeir fá vitneskju um í starfi sínu og leynt skulu fara. Þagnar- og trúnaðarskyldan helst þótt látið sé af störfum.

Staðfest í stjórn Fjarskipta hf. þann 16. mars 2018

C2 restricted - External permitted

---

Viðauki 2: Óháðir nefndarmenn í tilnefningarnefnd

Ragnheiður S. Dagsdóttir (formaður). Ragnheiður hefur starfað hjá Capacent (Gallup/IMG) undanfarin 20 ár. Hún sérhæfir sig í mati og ráðningum sérfræðinga og lykilstjórnenda bæði hjá opinberum stofnunum og einkafyrirtækjum. Ragnheiður er með BA próf í stjórnmálafræði frá Háskóla Íslands.

Þröstur Olaf Sigurjónsson (nefndarmaður). Þröstur Olaf Sigurjónsson er dósent við Copenhagen Business School (CBS) og Háskólann í Reykjavík (HR). Hann er forstöðumaður rannsóknarmiðstöðvar um stjórnarhætti við HR og meðlimur Center for Corporate Governance við CBS. Áður var Þröstur forstöðumaður rannsóknarmiðstöðvar um einkaframkvæmd við HR. Þröstur hefur skrifað fjölda greina um viðfangsefni stjórnarhátta, stefnumótunar, samfélagsábyrgðar og hlutverk stjórna fyrirtækja hvað stefnumótun og stjórnarhætti varðar. Hann hefur enn fremur starfað sem sjálfstæður ráðgjafi á sviði stjórnarhátta og stefnumótunar frá árinu 2003.

Viðauki 3: Starfsemi Tilnefningarnefndar 2018-2019

	VerkbátTur	Dags.
1	Fyrsti skipulagsfundur Tilnefningarnefndar. Undirbúningur starfs nefndarinnar, skilgreining verkbátta og tímaramma.	26. nóvember 2018
2	Fundur með forstjóra Sýnar hf.	17. desember 2018
3	Viðtöl við frambjóðendur í stjórn. Þáverandi aðal- og varamenn stjórnar.	7. til 11. janúar 2019
4	Bréf send til 20 stærstu hluthafa í félaginu og þeim boðið að funda með nefndinni til að fara yfir árangur stjórnarinnar. Fundir skipulagðir.	28. desember 2018
6	Fundir tilnefningarnefndar með hluthöfum (8 fundir).	15. janúar til 4. febrúar 2019
7	Viðtal við mögulegan stjórnarmann.	20. febrúar 2019
8	Fundur Tilnefningarnefndar. Farið yfir niðurstöður árangursmats stjórnar. Drög að skýrslu. Unnið að tillögu nefndarinnar og lokaskýrslu.	24. febrúar 2019

C2 restricted - External permitted

---

Viðauki 4: Matsrammi: Lykilhæfni og - þekking í stjórn Sýnar hf.

	Lykilhæfni og -þekking
			Stjórnunarreynsla - almenn
			Stjórnunarreynsla úr fjarskiptafyrirtæki
			Önnur reynsla úr fjarskiptageira eða tengdri starfsemi
			Stjórnunarreynsla úr fjölmiðlafyrirtæki
			Önnur reynsla úr fjölmiðlafyrirtæki eða tengdri starfsemi
			Stefnumótun og áætlanagerð
			Áhættustjórnun
			Fjármálastjórnun
			Endurskoðun
			Markaðsmál
			Mannauðsstjórnun
			Tækniþekking á sviði fyrirtækisins
			Sérþekking á lögum og lagalegu umhverfi fyrirtækisins
			Þekking á alþjóðlegu umhverfi fjarskipta- og/eða tæknifyrirtækja

C2 restricted - External permitted

---

C2 restricted - External permitted

Viðauki 5: Tillaga tilnefningarnefndar að stjórn Sýnar hf.

Aðalstjórn:

Heiðar Guðjónsson, stjórnarformaður, er fæddur árið 1972. Hans aðalstarf er framkvæmdastjórn eigin fjárfestingafélags, Ursus ehf. Hann var fyrst kosinn í stjórn Fjarskipta 11. apríl 2013. Hann hefur lokið prófi í hagfræði frá Háskóla Íslands. Heiðar er formaður stjórnar Ursus ehf., Köldukvíslar ehf., Svartárvirkjunar ehf., Eykon Energy AS, Querndu ehf. og Innviða fjárfestinga slhf. Hann er varaformaður stjórnar HS Veitna hf. Fjárfestingafélagið Ursus sem er í eigu Heiðars á 7,98 % í félaginu.

Anna Guðný Aradóttir er fædd árið 1956. Hennar aðalstarf fram til áramóta 2018/2019 var sem forstöðumaður markaðs- og samskiptamála hjá Samskipum hf. Hún var fyrst kosin sem varamaður í stjórn félagsins 29. ágúst 2012, en varð aðalmaður 9. nóvember 2012. Hún hefur lokið viðskipta- og rekstrarnámi frá Háskóla Íslands og hefur MBA gráðu frá Háskólanum í Reykjavík. Anna Guðný situr í stjórn eignarhaldsfélagsins Faxa og stjórn Lyfja & heilsu hf. Anna Guðný á ekki eignarhlut í félaginu.

Hjörleifur Pálsson er fæddur árið 1963. Hans aðalstarf eru stjórnar- og ráðgjafarstörf. Hann var fyrst kosinn í stjórn félagsins 11. apríl 2013. Hjörleifur er viðskiptafræðingur að mennt, útskrifaður með Cand Oecon gráðu frá Háskóla Íslands 1988. Hann hlaut löggildingu til endurskoðunarstarfa árið 1989. Hjörleifur situr í stjórn Sýnar hf. og er formaður endurskoðunarnefndar. Hjörleifur er stjórnarformaður og formaður háskólaráðs í Háskólanum í Reykjavík. Hann situr í fjárfestingarráði Akurs fjárfestinga slhf., í stjórn Brunns vaxtasjóðs slhf., Florealis hf., Lotus Pharmaceutical Co. og Ankra ehf. Hjörleifur á 100.000 hluti í félaginu.

Tanya Zharov, er fædd árið 1966. Hún starfar sem aðstoðarforstjóri Íslenskrar erfðagreiningar. Hún var fyrst kosin í varastjórn Fjarskipta 16. mars 2017. Tanya hefur lokið Cand. jur. prófi frá Háskóla Íslands. Áður var hún framkvæmdarstjóri lögfræðisviðs hjá Auði Capital, síðar Virðingu hf., 2008-2015. Tanya er formaður stjórnar Íslandssjóða hf. og CRI ehf. Hún situr í stjórn Skólavegs ehf. og Talna ehf. Tanya á hlutafé í gegnum eignarhaldsfélag sitt og tveggja meðfjárfesta, Tölur ehf. Fjöldi hluta er 3.472.

Yngvi Halldórsson er fæddur árið 1977. Hans aðalstarf er hjá Icora Partners, þar sem hann er einn eiganda. Áður var hann framkvæmdarstjóri upplýsingatækni og viðskiptaferla hjá Össuri. Yngvi var kosinn varamaður í stjórn Fjarskipta árið 2014 og aðalmaður 16. mars 2017. Hann hefur lokið BS prófi á sviði viðskiptafræða frá Háskóla Íslands. Yngvi á 34.000 hluti í félaginu.

Varastjórn:

Óli Rúnar Jónsson, er fæddur árið 1980. Hann starfar við markaðsmál, verkefna- og teymisstjórnun hjá Ölgerð Egils Skallagrímssonar. Hann hefur lokið BS prófi í viðskiptafræði frá Háskólanum í Reykjavík. Hann er eigandi og rekandi félagsins Nýja Sjáland ehf. Óli Rúnar á ekki eignarhlut í félaginu.

10

---

Sigríður Vala Halldórsdóttir, er fædd árið 1983. Hún starfar sem forstöðumaður hagdeildar hjá Sjóvá. Áður starfaði hún sem sérfræðingur og viðskiptastjóri hjá fyrirtækjaráðgjöf Íslandsbanka. Sigríður Vala hefur lokið B.Sc. í iðnaðarverkfræði frá Háskóla Íslands, M.Sc. í iðnaðarverkfræði frá University of Minnesota og er löggildur verðbréfamiðlari frá árinu 2009. Hún er aðalmaður í stjórn HS Veitna frá árinu 2014. Sigríður Vala á ekki eignarhlut í félaginu.

C2 restricted - External permitted