Eimskipafélag Íslands - AGM Information 2021

Eimskip: Breytt framkvæmd aðalfundar

Aðalfundur Eimskipafélags Íslands hf. verður haldinn fimmtudaginn 25. mars kl. 16:00.

Fundurinn verður ekki haldinn á Grand Hótel eins og áður hafði verið kynnt, heldur sendur út gegnum fjárfestasíðu félagsins www.eimskip.com/investors með sama hætti og Aðalfundurinn 2020. Þar verður útbúinn sérstakur hlekkur áður en fundur hefst. Upptaka verður einnig aðgengileg á fjárfestasíðunni að aðalfundi loknum.

Þessi breyting er ákveðin í ljósi þess að Ríkisstjórn Íslands hefur ákveðið, í samræmi við tillögu sóttvarnarlæknis, að takmarka samkomur enn frekar en áður vegna hraðari útbreiðslu Covid-19 í samfélaginu. Fundir þar sem fleiri en 10 manns koma saman eru bannaðir. Eimskip er mikilvægt fyrirtæki i flutningaþjónustu og þarf á þessum fordæmalausum tímum að tryggja virkni flutningakeðjunnar og þjónustu við viðskiptavini og landsmenn alla. Vegna þessa biður stjórn félagsins hluthafa um að mæta ekki á fundinn heldur kjósa fyrirfram og skriflega um tillögur fundarins og veita fundarstjóra umboð til að kjósa á fundinum fyrir sína hönd.

Skrifleg fyrirfram kosning

Atkvæðaseðill með umboði er hjálagt og aðgengilegur á heimasíðu félagsins: https://www.eimskip.com/investors/publications/shareholder-meetings/annual-general-meeting-2021/

Frestur hluthafa til að kjósa skriflega hefur verið lengdur. Atkvæðaseðlar, undirritaðir, dagsettir og með undirritun tveggja vitundarvotta skal skanna og senda félaginu gegnum [email protected] eigi síðar en kl. 14:00 þann 25. mars 2021.

Allar nánari upplýsingar veita:

Edda Rut Björnsdóttir, framkvæmdastjóri Mannauðs- og samskiptasviðs í síma 825-3399 eða á [email protected]

Davíð Ingi Jónsson, regluvörður í síma 825-7210 eða [email protected]